2Song of Songs 2

1Ngilirozi leSharoni, umduze wezigodi.Select Song of Songs 2:1

2Njengomduze phakathi kwameva, unjalo mthandwa wami phakathi kwamadodakazi.Select Song of Songs 2:2

3Njengesihlahla sama-aphula phakathi kwezihlahla zeganga, sinjalo isithandwa sami phakathi kwamadodana. Ngahlala emthunzini waso ngathokoza kakhulu, lesithelo saso simnandi ekunambitheni kwami.Select Song of Songs 2:3

4Sangisa endlini yewayini, lesiboniso saso phezu kwami siluthando.Select Song of Songs 2:4

5Ngisekelani ngezinkwa zezithelo zevini ezonyisiweyo, lingiqinise ngama-aphula, ngoba ngiguliswa luthando.Select Song of Songs 2:5

6Isandla saso sokhohlo singaphansi kwekhanda lami, lesokunene saso siyangigona.Select Song of Songs 2:6

7Ngiyalifungisa, madodakazi eJerusalema, ngemiziki kumbe ngezimpala zeganga, ukuze lingaphazamisi lingavusi uthando aze athande.Select Song of Songs 2:7

8Ilizwi lesithandwa sami! Khangela sona siyeza, siseqa phezu kwezintaba, siqolotsha phezu kwamaqaqa.Select Song of Songs 2:8

9Isithandwa sami sinjengomziki kumbe njengethole lendluzele. Khangela simi ngemva komduli wethu, silunguza emawindini, sizibonakalisa eminxibeni yewindi.Select Song of Songs 2:9

10Isithandwa sami saphendula sathi kimi: Vuka wena, mthandwa wami, omuhle wami, asihambe wena.Select Song of Songs 2:10

11Ngoba khangela, ubusika sebudlulile, izulu seliphelile, lihambile.Select Song of Songs 2:11

12Amaluba ayabonakala emhlabeni, isikhathi sokuhlabelela sesifikile, lelizwi lejuba liyezwakala elizweni lakithi.Select Song of Songs 2:12

13Isihlahla somkhiwa sivuthisa imikhiwa yaso eluhlaza, lamavini alempoko aletha iphunga elimnandi. Vuka wena, mthandwa wami, omuhle wami wena, sihambe.Select Song of Songs 2:13

14Juba lami, elisengoxweni yedwala, ekusithekeni kweliwa, ngitshengisa ubuso bakho, ngizwise ilizwi lakho, ngoba ilizwi lakho limnandi, lobuso bakho buyabukeka.Select Song of Songs 2:14

15Sibambeleni amakhanka, amakhanka amancinyane, ona izivini, ngoba izivini zethu zilezimpoko.Select Song of Songs 2:15

16Isithandwa sami ngesami, lami ngingowaso, eselusa phakathi kwemiduze.Select Song of Songs 2:16

17Kuze kube semadabukakusa, lamathunzi abaleke, phenduka, sithandwa sami, ube njengomziki kumbe njengethole lendluzele phezu kwezintaba zeBhetheri.Select Song of Songs 2:17