1Galatians 1

1Paulus, apostel, ikkje av menneskje og ikkje ved noko menneskje, men ved Jesus Kristus og Gud Fader, som vekte honom upp frå dei daude,Select Galatians 1:1

2og alle brørne som er hjå meg - til kyrkjelydarne i Galatia:Select Galatians 1:2

3Nåde vere med dykk og fred frå Gud Fader og vår Herre Jesus Kristus,Select Galatians 1:3

4som gav seg sjølv for våre synder, so han kunde fria oss ut or den noverande vonde verdi etter vår Gud og Faders vilje;Select Galatians 1:4

5honom vere æra i all æve! Amen.Select Galatians 1:5

6Eg undrast på at de so snøgt vender dykk frå honom som kalla dykk ved Kristi nåde, til eit anna evangelium,Select Galatians 1:6

7endå det ikkje finst noko anna, det er berre sume som forviller dykk og vil forvenda Kristi evangelium.Select Galatians 1:7

8Men um so me eller ein engel frå himmelen forkynner dykk eit anna evangelium enn det som me hev forkynt dykk, han vere bannstøytt!Select Galatians 1:8

9Som me hev sagt fyrr, so segjer eg no på nytt: Um nokon forkynner dykk eit anna evangelium enn det som de tok imot, han vere bannstøytt!Select Galatians 1:9

10Talar eg no menneskje eller Gud til viljes, eller søkjer eg å gjera menneskje til lags? Vilde eg enno gjera menneskje til lags, var eg ikkje Kristi tenar.Select Galatians 1:10

11Eg kunngjer dykk, brør, at det evangelium som eg hev forkynt, er ikkje menneskjeverk;Select Galatians 1:11

12for ikkje eg heller fekk det eller lærde det av noko menneskje, men ved Jesu Kristi openberring.Select Galatians 1:12

13For de hev høyrt mi framferd fyrr, medan eg var jøde, at eg forfylgde Guds kyrkja ovleg hardt og tynte henne;Select Galatians 1:13

14og i jødedomen gjekk eg lenger enn mange av jamaldringarne mine i mitt folk, med di eg var endå meir ihuga for mine fedre-lærdomar.Select Galatians 1:14

15Men då det tektest honom som valde meg ut alt frå mors liv og kalla meg ved sin nåde,Select Galatians 1:15

16å openberra sin Son i meg, at eg skulde forkynna evangeliet um honom millom heidningarne, då samrådde eg meg ikkje med kjøt og blodSelect Galatians 1:16

17og drog ikkje heller upp til Jerusalem til deim som var apostlar fyre meg; men eg for straks burt til Arabia og vende um att til Damaskus.Select Galatians 1:17

18Sidan, tri år etter, for eg upp til Jerusalem og vilde verta kjend med Kefas, og hjå honom vart eg verande femtan dagar.Select Galatians 1:18

19Men nokon annan av apostlarne såg eg ikkje, utan Jakob, Herrens bror.Select Galatians 1:19

20Det som eg skriv til dykk - sjå, Gud veit at eg ikkje lyg det.Select Galatians 1:20

21So kom eg til bygderne i Syria og Kilikia.Select Galatians 1:21

22Men av åsyn var eg ukjend for dei kristne kyrkjelydarne i Judæa.Select Galatians 1:22

23Dei hadde berre høyrt gjete: «Han som fyrr forfylgde oss, han forkynner no den trui som han fyrr øydde ut.»Select Galatians 1:23

24Og dei lova Gud for meg.Select Galatians 1:24