13Luke 13

1På same tidi kom det nokre og fortalde honom dei galilæarane som Pilatus drap med dei bar fram offeret sitt, so blodet deira blanda seg med offerblodet.Select Luke 13:1

2Då tok han til ords og sagde til deim: «Trur de desse galilæarane var større syndarar enn alle andre galilæarar, sidan det gjekk deim soleis?Select Luke 13:2

3Nei, segjer eg dykk, men vender de ikkje um, skal de alle umkomast på sovori vis.Select Luke 13:3

4Eller dei attan som Siloatårnet datt nedyver og slo i hel, trur de dei var verre brotsmenner enn alt hitt folket som bur i Jerusalem?Select Luke 13:4

5Nei, segjer eg dykk, men vender de ikkje um, skal de alle umkomast på same vis.»Select Luke 13:5

6So sagde han denne likningi: «Ein mann hadde eit fiketre, som stod i vingarden hans. Han kom og leita etter frukt på det, men fann ingi.Select Luke 13:6

7Då sagde han til vingardsmannen: «No er det tridje året eg kjem og leitar etter frukt på dette fiketreet og finn ingi. Hogg det ned! Kvi skal det og binda burt jordi?»Select Luke 13:7

8«Herre, lat det få standa i år og!» svara vingardsmannen, «til eg fær grave kring det og lagt hævd innåt;Select Luke 13:8

9kann henda det ber eit anna år; gjer det ’kje det, so fær du hogga det ned!»»Select Luke 13:9

10Ein kviledag lærde Jesus i ei av synagogorne.Select Luke 13:10

11Der var det ei kvinna som hadde havt ei vond ånd i seg i attan år, og den hadde gjort henne so magtlaus at ho var tvikrokut og ikkje på nokor vis kunde halda seg upprett.Select Luke 13:11

12Då Jesus fekk sjå henne, kalla han henne til seg. «No er du løyst frå vanmagti di, kvinna!» sagde hanSelect Luke 13:12

13og lagde henderne på henne; og med ein gong rette ho seg upp, og lova Gud.Select Luke 13:13

14Då tok synagoge-forstandaren til ords - han var harm for di Jesus hadde lækt på kviledagen - og sagde til folket: «Det er seks dagar ein lyt arbeida; på deim kann de koma og lata dykk lækja, og ikkje på kviledagen!»Select Luke 13:14

15«Hyklarar!» svara Herren honom då, «løyser ikkje kvar ein av dykk uksen og asnet sitt av båsen um kviledagen, og leider deim av og vatnar deim?Select Luke 13:15

16Og denne kvinna, som er Abrahams dotter, og som Satan hev halde bundi, tenkje seg til, i attan år, skulde ikkje ho løysast or det bandet, for di um det er kviledag?»Select Luke 13:16

17Då han sagde det, skjemdest alle dei som stod honom imot, og heile folket gledde seg yver alt det underfulle han gjorde.Select Luke 13:17

18So sagde han då: «Kva er Guds rike likt? kva skal eg likna det med?Select Luke 13:18

19Det er likt eit senapskorn som ein mann tok og sådde i hagen sin, og det voks og vart til eit tre, og fuglarne i lufti bygde reir i greinerne på det.»Select Luke 13:19

20So sagde han atter: «Kva skal eg likna Guds rike med?Select Luke 13:20

21Det er likt ein surdeig som ei kvinna tok og gøymde i tri skjeppor mjøl til alt saman var syrt.»Select Luke 13:21

22So for han kring frå by til by og frå grend til grend og lærde folket, alt med han var på veg til Jerusalem.Select Luke 13:22

23Det var ein som sagde til honom: «Herre, er det få som vert frelste?» Då sagde han til deim:Select Luke 13:23

24«Stræva alt de kann for å koma inn igjenom den tronge døri! Mange, segjer eg dykk, skal freista å koma inn, men er ikkje god til.Select Luke 13:24

25Når husbonden fyrst hev reist seg og stengt døri, og de so gjev dykk til å standa utanfor og banka på døri og segja: «Herre, lat upp åt oss!» då skal han svara dykk so: «Eg veit ikkje kvar de er ifrå.»Select Luke 13:25

26Tek de då på å segja som so: «Me hev ete og drukke i lag med deg, og du lærde i gatorne våre,»Select Luke 13:26

27so skal han svara: «Eg segjer dykk: Eg veit ikkje kvar de er ifrå. Hav dykk burt frå meg, alle de som gjorde urett!»Select Luke 13:27

28Der skal det vera gråt og tanngnistring, når de fær sjå Abraham og Isak og Jakob og alle profetarne i Guds rike, men de sjølve vert kasta ut.Select Luke 13:28

29Og det skal koma folk frå aust og frå vest og frå nord og frå sud og setja seg til bords i Guds rike.Select Luke 13:29

30Men kom i hug at det finst dei som er millom dei siste, og skal vera millom dei fyrste, og det finst dei som er millom dei fyrste og skal vera millom dei siste.»Select Luke 13:30

31I same bilet kom det nokre farisæarar og sagde med honom: «Tak ut og far herifrå! Herodes tenkjer på å drepa deg.»Select Luke 13:31

32Han svara: «Gakk og seg den reven: «I dag og i morgon driv eg ut djevlar og gjer sjuke friske att; tridje dagen er eg til endes komen;Select Luke 13:32

33men i dag og i morgon og dagen etter lyt eg ferdast; for det ber aldri til at ein profet let livet annanstad enn i Jerusalem.»Select Luke 13:33

34Jerusalem, Jerusalem, du som slær i hel profetarne og steinar deim som er sende til deg, kor ofte vilde eg ’kje ha samla borni dine kring meg, liksom fuglemori samlar ungeflokken under vengjerne! Men de vilde ikkje.Select Luke 13:34

35Sjå no skal de få hava huset dykkar sjølve. Eg segjer dykk: De fær aldri sjå meg fyrr den tidi kjem då de ropar: «Velsigna vere han som kjem i Herrens namn!»»Select Luke 13:35