2Mark 2

1Då det leid um nokre dagar, kom han til Kapernaum att, og det spurdest at han var heime.Select Mark 2:1

2Då samla der seg so mykje folk at det ikkje var rom åt fleire, ikkje ein gong framfor døri, og han tala Guds ord til deim.Select Mark 2:2

3Best det var, kom fire mann berande med ein som var lam,Select Mark 2:3

4og då dei ikkje kunde koma fram til Jesus for folkestimen, tok dei burt taksteinarne der som han var og braut hol i taket og fira ned sengi som den lame låg i.Select Mark 2:4

5Og då Jesus såg trui deira, sagde han til den lame: «Son, synderne dine er tilgjevne!»Select Mark 2:5

6No var det nokre skriftlærde som sat der; dei tenkte med seg:Select Mark 2:6

7«Kvi talar den mannen so? Han spottar Gud! Kven kann tilgjeva synder utan ein - Gud?»Select Mark 2:7

8Jesus kjende straks i hugen sin at dei tenkte so, og han sagde: «Kvi hyser de slike tankar i hjarta?Select Mark 2:8

9Kva er lettast å segja til den lame: «Synderne dine er tilgjevne!» eller å segja: «Statt upp, tak sengi di og gakk?»Select Mark 2:9

10Men so de skal vita at Menneskjesonen hev magt til å tilgjeva synder på jordi, so segjer eg deg» - sagde han til den lame -:Select Mark 2:10

11«Statt upp, tak sengi di og gakk heim att!»Select Mark 2:11

12Då stod han upp, tok sengi si i same stund og gjekk ut for alle manns augo, so dei alle vart mest frå seg av undring, og lova Gud og sagde: «Slikt hev me aldri set fyrr!»Select Mark 2:12

13So gjekk han ut til sjøen att. Då kom alt folket til honom, og han lærde deim.Select Mark 2:13

14Som han no gjekk frammed der, fekk han sjå Levi Alfæusson - han sat på tollbudi - og Jesus sagde til honom: «Fylg meg!» Då reiste han seg og fylgde honom.Select Mark 2:14

15So hende det at Jesus var til bords i huset hans, og mange tollmenner og syndarar sat saman med honom og læresveinarne hans; for dei var mange, og dei fylgde honom.Select Mark 2:15

16Og då dei skriftlærde millom farisæarane såg at han åt i lag med syndarar og tollmenner, sagde dei til læresveinarne hans: «Et han i lag med tollmenner og syndarar?»Select Mark 2:16

17Jesus høyrde det og sagde til deim: «Det er ’kje dei friske som treng lækjar, men dei som hev vondt. Eg er ikkje komen for å kalla rettferdige, men syndarar.»Select Mark 2:17

18Både læresveinarne åt Johannes og læresveinarne åt farisæarane heldt fasta. Og folk kom og spurde Jesus: «Korleis hev det seg at læresveinarne åt Johannes og åt farisæarane fastar, men dine læresveinar fastar ikkje?»Select Mark 2:18

19«Kann brudlaupsfolket fasta med brudgomen er hjå deim?» svara Jesus; «so lenge dei hev brudgomen hjå seg, kann dei då ikkje fasta.Select Mark 2:19

20Men skal kjem ei tid då brudgomen vert teken ifrå deim; då, når den dagen kjem, skal dei fasta.Select Mark 2:20

21Ingen saumar ein lapp av ustampa ty på eit gamalt klædeplagg; elles riv boti burt noko av plagget - det nye tyet av det gamle - og rifti vert større.Select Mark 2:21

22Og ingen hev ny vin på gamle lerflaskor; elles sprengjer vinen flaskorne og vinen øydest, og flaskorne med: Nei - ny vin på nye lerflaskor!»Select Mark 2:22

23Ein gong bar det so til at han gjekk yver åkrarne på kviledagen, og læresveinarne tok til å riva av aks, med dei gjekk etter vegen.Select Mark 2:23

24Då sagde farisæarane med honom: «Sjå kva dei gjer på kviledagen! det som ingen hev lov til!»Select Mark 2:24

25Han svara: «Hev de aldri lese kva David gjorde då han leid naud og svalt, han og dei som var med honom?Select Mark 2:25

26korleis han gjekk inn i Guds hus den tid Abjatar var øvsteprest, og åt skodebrødi - dei som ingen utan prestarne hev lov til å eta - og gav fylgjet sitt med seg?»Select Mark 2:26

27So sagde han til deim: «Kviledagen vart til for menneskja skuld, og ikkje menneskja for kviledagen skuld.Select Mark 2:27

28Difor råder Menneskjesonen yver kviledagen og.»Select Mark 2:28