1Matthew 1

1Soga um Jesus Kristus. Davids son og Abrahams son.Select Matthew 1:1

2Abraham fekk sonen Isak, og Isak fekk sonen Jakob, og Jakob fekk Juda og brørne hans,Select Matthew 1:2

3og Juda fekk sønerne Peres og Zerah med Tamar, og Peres fekk sonen Hesron, og Hesron fekk sonen Ram,Select Matthew 1:3

4og Ram fekk sonen Amminadab, og Amminadab fekk sonen Nahson, og Nahson fekk sonen Salmon,Select Matthew 1:4

5og Salmon fekk sonen Boaz med Rahab, og Boaz fekk sonen Obed med Rut, og Obed fekk sonen Isai,Select Matthew 1:5

6og Isai var far åt David, kongen. David fekk sonen Salomo med kona åt Uria,Select Matthew 1:6

7og Salomo fekk sonen Rehabeam, og Rehabeam fekk sonen Abia, og Abia fekk sonen Asa,Select Matthew 1:7

8og Asa fekk sonen Josafat, og Josafat fekk sonen Joram, og Joram fekk sonen Uzzia,Select Matthew 1:8

9og Uzzia fekk sonen Jotam, og Jotam fekk sonen Ahaz, og Ahaz fekk sonen Hizkia,Select Matthew 1:9

10og Hizkia fekk sonen Manasse, og Manasse fekk sonen Amon, og Amon fekk sonen Josia,Select Matthew 1:10

11og Josia fekk Jekonja og brørne hans; dei livde i den tidi då folket vart ført til Babylon.Select Matthew 1:11

12Etter dei vart førde til Babylon, fekk Jekonja sonen Sealtiel, og Sealtiel fekk sonen Zerubbabel,Select Matthew 1:12

13og Zerubbabel fekk sonen Abiud, og Abiud fekk sonen Eljakim, og Eljakim fekk sonen Asor,Select Matthew 1:13

14og Asor fekk sonen Sadok, og Sadok fekk sonen Akim, og Akim fekk sonen Eliud,Select Matthew 1:14

15og Eliud fekk sonen Eleazar, og Eleazar fekk sonen Mattan, og Mattan fekk sonen Jakob,Select Matthew 1:15

16og Jakob var far åt Josef, mannen hennar Maria som fødde Jesus til verdi, han me kallar Kristus.Select Matthew 1:16

17Soleis er det i alt fjortan ættleder frå Abraham til David, og fjortan ættleder frå David til Babylon-ferdi, og fjortan ættleder frå Babylon-ferdi til Kristus.Select Matthew 1:17

18Då Kristus vart fødd, gjekk det soleis til: Medan mor hans, Maria, var trulova med Josef, og fyrr dei kom i hop, synte det seg at ho var med barn av den Heilage Ande.Select Matthew 1:18

19Josef, festarmannen hennar, var ein rett-tenkt mann, og vilde ikkje føra skam yver henne; han sette seg fyre å skiljast med henne so stilt han kunde.Select Matthew 1:19

20Men best som han hadde rådt seg til det, synte Herren engel seg for honom i draume og sagde: «Josef, Davids son, ver ikkje rædd å taka Maria, festarmøyi di, heim til deg; for det ho ber under beltet, er av den Heilage Ande.Select Matthew 1:20

21Ho skal eiga ein son, og honom skal du kalla Jesus; for han skal frelsa folket sitt frå synderne deira.»Select Matthew 1:21

22Men alt dette hev hendt av di det laut sannast det som Herren hev tala gjenom profeten, når han segjer:Select Matthew 1:22

23«Ei møy mun barnsvon bera: Ein son ho eiga skal, og namnet han skal nemnast med, er Immanuel» - det er det same som: «Gud er med oss».Select Matthew 1:23

24Då Josef vakna or svevnen, gjorde han som Herrens engel hadde sagt med honom, og flutte bruri si heim.Select Matthew 1:24

25Men han kom ikkje nær henne fyrr ho hadde fenge sonen sin; honom kalla han Jesus.Select Matthew 1:25