20Matthew 20

1For himmelriket kann liknast med ein husbond som gjekk ut tidleg um morgonen og vilde leiga arbeidsfolk til vingarden sin.Select Matthew 20:1

2Han vart samd med arbeidsfolki um ei mark for dagen, og sende deim burt i vingarden.Select Matthew 20:2

3So gjekk han ut ikring den tridje timen, og fekk sjå nokre andre som stod gjerandslause på torget.Select Matthew 20:3

4Han sagde til deim: «Gakk de og burt i vingarden, og det som rett er, skal de få.» So gjekk dei.Select Matthew 20:4

5Sidan gjekk han ut ikring den sette og niande timen og gjorde like eins.Select Matthew 20:5

6Då det leid til den ellevte timen, gjekk han ut att, og fann endå nokre som stod der. Han segjer til dei: «Kvi stend de her arbeidslause heile dagen?»Select Matthew 20:6

7«Av di ingen hev leigt oss,» svara dei. «Gakk de og burt i vingarden!» sagde han då.Select Matthew 20:7

8Um kvelden sagde vingardseigaren til hushaldaren sin: «Ropa inn arbeidsfolket, og lat deim få løni si! Tak til med dei siste, og haldt fram til dei fyrste!»Select Matthew 20:8

9So kom dei som var leigde kring den ellevte timen, og fekk ei mark kvar.Select Matthew 20:9

10Då dei fyrste kom, tenkte dei at dei skulde få meir; men dei fekk og kvar si mark;Select Matthew 20:10

11då dei fekk den, mukka dei mot husbonden og sagde:Select Matthew 20:11

12«Desse siste hev ’kje arbeidt meir enn ein time, og so gjev du deim likt med oss, som hev slite og sveitta heile dagen!»Select Matthew 20:12

13Då svara han ein av deim: «Eg gjer deg ikkje urett, venen min. Var me ’kje samde um ei mark?Select Matthew 20:13

14Tak du ditt og gakk! Men eg hev hug til å gjeva denne siste likso mykje som deg.Select Matthew 20:14

15Hev eg ’kje lov til å gjera med mitt som eg vil? Eller ser du ilt til det at eg gjer vel?»Select Matthew 20:15

16Soleis skal dei siste vera dei fyrste, og dei fyrste dei siste; for mange er kalla, men få utvalde.»Select Matthew 20:16

17Med Jesus var på vegen til Jerusalem, tok han dei tolv læresveinarne til sides og sagde til deim:Select Matthew 20:17

18«No fer me upp til Jerusalem, og Menneskjesonen skal gjevast i henderne på dei øvste prestarne og dei skriftlærde, og dei kjem til å døma honom frå livetSelect Matthew 20:18

19og gjeva honom yver til heidningarne, so dei skal spotta og hudfletta og krossfesta honom; men tridje dagen skal han standa upp att.»Select Matthew 20:19

20Då kom mor åt Sebedæus-sønerne til honom med sønerne sine, og fall på kne og bad honom um noko.Select Matthew 20:20

21«Kva er det du vil?» spurde han. Ho svara: «Seg at desse tvo sønerne mine skal få sitja innmed deg i riket ditt, den eine på di høgre og den andre på di vinstre sida!»Select Matthew 20:21

22«De veit ikkje kva de bed um,» sagde Jesus. «Kann de drikka den skåli som eg lyt drikka?» «Ja, det kann me,» svara dei.Select Matthew 20:22

23Då sagde han: «Mi skål skal de nok drikka, men sæte ved mi høgre og vinstre sida kann ikkje eg gjeva nokon; det lyt dei få som far min hev etla det åt.»Select Matthew 20:23

24Då dei ti høyrde det, vart dei harme på dei tvo brørne.Select Matthew 20:24

25Då kalla Jesus deim kring seg og sagde: «De veit at fyrstarne råder yver folki sine, og dei store hev velde yver deim.Select Matthew 20:25

26Men so skal det ikkje vera hjå dykk; den som vil verta stor millom dykk, lyt tena dei andre,Select Matthew 20:26

27og den som vil vera den fyrste av dykk, lyt vera træl for dei andre.Select Matthew 20:27

28Menneskjesonen er ’kje heller komen for å tenast, men for å tena og gjeva livet sitt til løysepening for mange.»Select Matthew 20:28

29Då dei tok ut frå Jeriko, fylgde det mykje folk med honom.Select Matthew 20:29

30Attmed vegen sat det tvo blinde, og då dei høyrde at Jesus for framum, ropa dei: «Gjer sælebot på oss, Herre, du Davids son!»Select Matthew 20:30

31Folket truga deim, og sagde dei skulde tegja; men dei ropa endå meir: «Herre, gjer sælebot på oss, du som er Davids son!»Select Matthew 20:31

32Då stana Jesus og ropa på deim og sagde: «Kva vil de eg skal gjera for dykk?»Select Matthew 20:32

33«Herre, lat oss få att syni!» svara dei.Select Matthew 20:33

34Jesus tykte synd i deim og tok burtpå augo deira; og med ein gong kunde dei sjå, og dei fylgde honom.Select Matthew 20:34