7Matthew 7

1Døm ikkje, elles vert de dømde! For den domen de dømer, skal de dømast etter,Select Matthew 7:1

2og det målet de mæler med, skal dei mæla åt dykk i.Select Matthew 7:2

3Kvi ser du flisi i auga åt bror din, men bjelken i ditt eige auga, den vert du ikkje var?Select Matthew 7:3

4Eller korleis kann du segja til bror din: Kom, lat meg taka flisi ut or auga ditt! og sjå, det sit ein bjelke i ditt eige auga!Select Matthew 7:4

5Din hyklar! Drag fyrst bjelken ut or ditt auga - då kann du sjå å taka flisi ut or auga åt bror din.Select Matthew 7:5

6Gjev ikkje hundarne det som heilagt er, og kasta ikkje perlorne dykkar for svini! Dei kjem berre til å trøda deim under føterne, og snu seg og riva dykk sund.Select Matthew 7:6

7Bed, so skal de få, leita, so skal de finna, banka på, so skal det verta upplate for dykk!Select Matthew 7:7

8For kvar den som bed, han fær, og den som leitar, han finn, og den som bankar på, vert det upplate for.Select Matthew 7:8

9Eller er det nokon av dykk som gjev son sin ein stein når han bed honom um brød,Select Matthew 7:9

10eller ein orm når han bed um ein fisk?Select Matthew 7:10

11Når no de veit å gjeva borni dykkar gode gåvor, de som er vonde, kor mykje meir vil so ’kje far dykkar i himmelen gjeva noko godt til deim som bed honom!Select Matthew 7:11

12Alt som de då vil at andre skal gjera mot dykk, det skal de og gjera mot deim; for so er lovi og profetarne.Select Matthew 7:12

13Gakk inn igjenom den tronge porten! For vid er den porten, og breid er den vegen som fører til fortaping, og mange er dei som gjeng inn der.Select Matthew 7:13

14Men trong er den porten, og smal er den vegen som fører til livet, og få er dei som finn honom.Select Matthew 7:14

15Tak dykk i vare for dei falske profetarne! Dei kjem til dykk i saueham, men innvertes er dei gråduge ulvar.Select Matthew 7:15

16På frukterne deira skal de kjenna deim; kann ein hausta druvor av klunger eller fikor av tistlar?Select Matthew 7:16

17Soleis ber alle gode tre god frukt; men låke tre ber vond frukt,Select Matthew 7:17

18eit godt tre kann ikkje bera vond frukt, og eit låkt tre kann ikkje bera god frukt.Select Matthew 7:18

19Men kvart tre som ikkje gjev god frukt, vert hogge ned og kasta på elden.Select Matthew 7:19

20So skal de då kjenna deim på frukterne.Select Matthew 7:20

21Ikkje alle som segjer til meg: «Herre, herre!» skal koma inn i himmelriket, men dei som gjer det far min i himmelen vil.Select Matthew 7:21

22På den dagen skal mange segja til meg: «Herre, herre, hev me ikkje tala profetord i ditt namn, og drive ut djevlar i ditt namn, og gjort mange under i ditt namn?»Select Matthew 7:22

23Då skal eg segja deim beint ut: «Eg hev aldri kjent dykk. Gakk ifrå meg, de illgjerdsmenner!»Select Matthew 7:23

24Den som no høyrer desse ordi mine og gjer etter deim, honom vil eg likna med ein vitug mann, som bygde huset sitt på berg.Select Matthew 7:24

25Og regnet sila, og elvarne fløymde, og vindarne bles og sette mot huset; men det stod; for det var tufta på berg.Select Matthew 7:25

26Og den som høyrer desse ordi mine og ikkje gjer etter deim, han kann liknast med ein fåvis mann, som bygde huset sitt på sand.Select Matthew 7:26

27Og regnet sila, og elvarne fløymde, og vindarne bles og sette mot huset; då fall det, og fallet vart stort.»Select Matthew 7:27

28Då Jesus hadde tala desse ordi, då var folket reint upp i under yver læra hans.Select Matthew 7:28

29For han lærde deim som ein som hev velde, og ikkje som deira skriftlærde.Select Matthew 7:29