104Psalms 104

1Lova Herren, mi sjæl! Herre min Gud, du er ovleg stor, i høgd og herlegdom er du klædd.Select Psalms 104:1

2Han sveiper seg i ljos som i eit klædeplagg, han spanar ut himmelen som ein tjeldduk,Select Psalms 104:2

3han som timbrar sine høgsalar i vatni, han som gjer skyerne til si vogn, han som fer fram på vengjerne åt vinden.Select Psalms 104:3

4Han gjer vindar til sine englar og logande eld til sine tenarar.Select Psalms 104:4

5Han grunnfeste jordi på stolparne hennar, ho skal ikkje verta rikka i all æva.Select Psalms 104:5

6Djupe vatn lagde du yver henne som eit klæde, yver fjelli stod vatni.Select Psalms 104:6

7For ditt trugsmål flydde dei, for ditt toremål skunda dei seg burtSelect Psalms 104:7

8- fjell steig, dalar sokk - til den staden som du hadde grunnfest for deim.Select Psalms 104:8

9Ei grensa sette du, som dei ikkje skulde skrida yver, dei skal ikkje atter skulde leggja seg yver jordi.Select Psalms 104:9

10Han sender uppkomor fram i dalarne, millom fjelli renn dei.Select Psalms 104:10

11Dei vatnar alle villdyr på marki, villasni sløkkjer torsten sin.Select Psalms 104:11

12Yver deim bur himmelens fuglar, millom greinerne syng dei.Select Psalms 104:12

13Han vatnar fjelli frå sine høge salar, jordi vert metta av den frukt du skaper.Select Psalms 104:13

14Gras let han gro for feet, og vokstrar til gagn for folk til å få brød fram or jordi,Select Psalms 104:14

15og vin som gled menneskjehjarta, til å lata andlitet skina av olje, og avla brød som styrkjer menneskjehjarta.Select Psalms 104:15

16Herrens tre vert metta, Libanons cedrar som han hev sett,Select Psalms 104:16

17der fuglane byggjer reir, storken som hev sitt hus i cypressarne.Select Psalms 104:17

18Dei høge fjelli er for steinbukkarne, bergskortorne er til livd for fjell-grevlingarne.Select Psalms 104:18

19Han gjorde månen til tidarmerke; soli kjenner si nedgangstid.Select Psalms 104:19

20Du sender myrker, og det vert natt, då krek alle villdyr i skogen fram.Select Psalms 104:20

21Dei unge løvor burar etter ran, og dei krev si føda av Gud.Select Psalms 104:21

22Soli gjeng upp, då dreg dei seg heim og legg seg inn i sine bol.Select Psalms 104:22

23Menneskja gjeng ut til si gjerning, til sitt arbeid alt til kvelds.Select Psalms 104:23

24Kor mange dine gjerningar er, Herre! Du gjorde deim alle med visdom, jordi er full av det du hev skapt.Select Psalms 104:24

25Sjå havet, det store og vide! Der krek det i uteljande mengd av dyr både små og store.Select Psalms 104:25

26Der gjeng skipi, Livjatan som du hev laga til å leika seg der.Select Psalms 104:26

27Alle ventar dei på deg, at du skal gjeva deim føda i si tid.Select Psalms 104:27

28Du gjev deim, dei sankar, du let upp handi, dei vert metta med godt.Select Psalms 104:28

29Du løyner ditt andlit, dei vert forskræmde, du tek burt deira ande, dei døyr og dei vender attende til dusti si.Select Psalms 104:29

30Du sender ut din ande, dei vert skapte, du nyar upp att skapnaden åt jordi.Select Psalms 104:30

31Herrens æra vare æveleg, Herren glede seg i sine gjerningar!Select Psalms 104:31

32Han som skodar på jordi og ho skjelv, han som rører fjelli og dei ryk.Select Psalms 104:32

33Eg vil syngja for Herren so lenge eg liver, eg vil lovsyngja min Gud so lenge eg er til.Select Psalms 104:33

34Gjev min tale kunde tekkjast honom! Eg vil gleda meg i Herren.Select Psalms 104:34

35Gjev syndarar måtte kverva burt frå jordi, og ugudlege ikkje lenger finnast! Lova Herren, mi sjæl! Halleluja, lova Herren.Select Psalms 104:35