118Psalms 118

1Prisa Herren, for han er god, for æveleg varer hans miskunn!Select Psalms 118:1

2Israel segje: «Æveleg varer hans miskunn!»Select Psalms 118:2

3Arons hus segje: «Æveleg varer hans miskunn!»Select Psalms 118:3

4Dei som ottast Herren, segje: «Æveleg varer hans miskunn!»Select Psalms 118:4

5Ut or trengsla ropa eg på Herren, Herren svara meg og førde meg ut i det frie.Select Psalms 118:5

6Herren er med meg, eg ræddast inkje, kva kann menneskje gjera meg?Select Psalms 118:6

7Herren er med meg og hjelper meg, og eg skal sjå med lyst på deim som hatar meg.Select Psalms 118:7

8Det er betre å fly til Herren enn å lita på menneskje.Select Psalms 118:8

9Det er betre å fly til Herren enn å lita på hovdingar.Select Psalms 118:9

10Alle heidningar kringset meg; i Herrens namn skal eg hogga deim ned.Select Psalms 118:10

11Dei kringset, ja, kringrenner meg; i Herrens namn skal eg hogga deim ned.Select Psalms 118:11

12Dei kringset meg som bior; dei sloknar som eld i klunger, i Herrens namn skal eg hogga deim ned.Select Psalms 118:12

13Hardt støytte du meg, at eg skulde falla; men Herren hjelpte meg.Select Psalms 118:13

14Min styrke og lovsong er Herren, og han vart meg til frelsa.Select Psalms 118:14

15Rop av fagnad og frelsa er å høyra i tjeldi åt dei rettferdige; Herrens høgre hand gjer storverk.Select Psalms 118:15

16Herrens høgre hand upphøgjer, Herrens høgre hand gjer storverk.Select Psalms 118:16

17Eg skal ikkje døy, men liva og fortelja Herrens gjerningar.Select Psalms 118:17

18Hardt tukta Herren meg, men til dauden gav han meg ikkje.Select Psalms 118:18

19Lat upp for meg rettferds portar! Eg vil ganga inn gjenom deim, eg vil prisa Herren.Select Psalms 118:19

20Dette er Herrens port, dei rettferdige skal ganga der.Select Psalms 118:20

21Eg takkar deg av di du svara meg og vart meg til frelsa.Select Psalms 118:21

22Den steinen som bygningsmennerne skaut ut, hev vorte ein hyrnestein.Select Psalms 118:22

23Frå Herren er det kome, dette, det er underlegt for våre augo.Select Psalms 118:23

24Dette er dagen som Herren hev gjort, lat oss fegnast og gleda oss no!Select Psalms 118:24

25Å Herre, frels då! Å Herre, lat det då lukkast!Select Psalms 118:25

26Velsigna vere den som kjem i Herrens namn! Me velsignar dykk frå Herrens hus.Select Psalms 118:26

27Herren er Gud, og han let det verta ljost for oss. Bitt høgtidsofferet med reip alt inn til horni på altaret!Select Psalms 118:27

28Min Gud er du, og eg vil prisa deg, min Gud, eg vil upphøgja deg.Select Psalms 118:28

29Prisa Herren, for han er god, for æveleg varer hans miskunn!Select Psalms 118:29