16Revelation 16

1Og eg høyrde ei høg røyst frå templet, som sagde til dei sju englarne: «Gakk og tøm dei sju skålerne med Guds vreide ut på jordi!»Select Revelation 16:1

2Og den fyrste gjekk og tømde si skål på jordi; og det kom ein vond og våleg svoll på dei menneskje som hadde merket åt dyret, og som tilbad bilætet av det.Select Revelation 16:2

3Og den andre engelen tømde si skål i havet, og det vart til blod som av ein daud mann, og kvar livande sjæl i havet døydde.Select Revelation 16:3

4Og den tridje engelen tømde si skål i elvarne og vatskjeldorne, og det vart til blod.Select Revelation 16:4

5Og eg høyrde engelen yver vatni segja: «Rettferdig er du som er og som var, du heilage, at du hev halde slik dom.Select Revelation 16:5

6For blod av heilage og av profetar rende dei ut, og blod gav du deim å drikka; for dei er det verde.»Select Revelation 16:6

7Og eg høyrde altaret segja: «Ja, Herre Gud, du allmegtige! Sanne og rettferdige er dine domar!»Select Revelation 16:7

8Og den fjorde engelen tømde si skål på soli, og ho fekk magt til å brenna menneski med eld.Select Revelation 16:8

9Og menneski vart brende av stor hite, og dei spotta Guds namn, hans som hev magt yver desse plågorne, og dei vende ikkje um, so dei gav honom æra.Select Revelation 16:9

10Og den femte engelen tømde si skål yver kongsstolen til dyret; og riket til det vart formyrkt, og dei togg tungorne sine av pinsla,Select Revelation 16:10

11og dei spotta Gud i himmelen for pinslorne sine og svollarne sine, og vende ikkje um frå sine gjerningar.Select Revelation 16:11

12Og den sette engelen tømde si skål i den store elvi Eufrat, og vatnet hennar turka upp, so vegen skulde verta rudd for kongarne frå Austerland.Select Revelation 16:12

13Og eg såg at det or munnen på draken og or munnen på dyret og or munnen på den falske profeten kom ut tri ureine ånder liksom paddor.Select Revelation 16:13

14For dei er djevle-ånder som gjer teikn, og dei gjeng ut til kongarne i heile mannheimen til å sanka deim saman til striden på den store dagen åt Gud den allmegtige.Select Revelation 16:14

15Sjå, eg kjem som ein tjuv! Sæl er den som vaker og vaktar klædi sine, so han ikkje skal ganga naken, og dei skal sjå hans skam!Select Revelation 16:15

16Og han førde deim saman til den stad som heiter på hebraisk Harmageddon.Select Revelation 16:16

17Og den sjuande engelen tømde si skål i lufti, og ei høg røyst kom ut frå templet i himmelen, frå kongsstolen, og sagde: «Det er gjort!»Select Revelation 16:17

18Og der kom ljoneldar og røyster og toredunar, og det vart ein stor jordskjelv, ein slik at det, alt sidan menneskja vart til på jordi, ikkje hev vore ein sovoren jordskjelv, so stor.Select Revelation 16:18

19Og den store byen vart kløyvd i tri partar, og byarne åt folki fall, og Babylon, den store, vart ihugkomi for Gud, at han skulde gjeva henne skåli med vinen av sin strenge vreide.Select Revelation 16:19

20Og kvar øy kvarv burt, og fjell vart ikkje funne.Select Revelation 16:20

21Og stort hagl, som hundrad pund tungt, fall ned frå himmelen på menneski, og menneski spotta Gud for plåga av haglet; for den plåga var ovleg stor.Select Revelation 16:21