8Proverbs 8

1Høyr kor visdomsmøyi ropar, og vitet høgmælt talar!Select Proverbs 8:1

2Uppe på haugar ved vegen, der stigarne møtest, stend ho,Select Proverbs 8:2

3attmed portarne ut or byen, ved døra-inngangen ropar ho høgt:Select Proverbs 8:3

4«Godtfolk, eg ropar på dykk, og til mannsborni ljomar mi røyst.Select Proverbs 8:4

5Fåkunnige, lær dykk klokskap, og de dårar, vinn dykk vit!Select Proverbs 8:5

6Høyr, eg talar gjæve ord, og ærlegt er det som lipporne segjer;Select Proverbs 8:6

7ja, sanning talar min gom, og lipporne styggjest ved gudløysa.Select Proverbs 8:7

8Alle ord i min munn er rette, det finst ikkje fult eller falskt i deim.Select Proverbs 8:8

9Dei er alle sanne for den kloke og rette for deim som fann kunnskap.Select Proverbs 8:9

10Tak då min age heller enn sylv og kunnskap framfyre utvalt gull!Select Proverbs 8:10

11For visdom er betre enn perlor, og av alle skattar er ingen som denne.Select Proverbs 8:11

12Eg, visdomen, skyner meg på klokskap, og vit på rådleggjing hev eg.Select Proverbs 8:12

13Otte for Herren er hat til det vonde; stormod og storlæte, åtferd stygg, og ein munn full av fals eg hatar.Select Proverbs 8:13

14Hjå meg er råd og dug, eg er vit, hjå meg er magt.Select Proverbs 8:14

15Eg gjer at kongar råder, og at hovdingar dømer rett.Select Proverbs 8:15

16Eg gjer at styrarar styrer og fyrstar - alle domarar på jordi.Select Proverbs 8:16

17Eg elskar deim som meg elskar, og dei som leitar meg upp, skal meg finna.Select Proverbs 8:17

18Rikdom og æra er hjå meg, gamalt gods og rettferd.Select Proverbs 8:18

19Mi frukt er betre enn gull, ja skiraste gullet, og den vinning eg gjev, er betre enn utvalt sylv.Select Proverbs 8:19

20Eg gjeng på rettferds veg, midt på rettvise-stigar,Select Proverbs 8:20

21For eg vil gjeva gods åt deim som elskar meg og fylla deira forråd.Select Proverbs 8:21

22Herren skapte meg til fyrste verket sitt, fordom fyrr han gjorde noko anna.Select Proverbs 8:22

23Alt frå æva er eg innsett, frå upphavet, fyrr jordi vart til.Select Proverbs 8:23

24Fyrr djupi var til, vart eg fødd, då det ei fanst kjeldor fulle med vatn,Select Proverbs 8:24

25fyrr fjelli var søkkte ned, fyre haugar vart eg fødd,Select Proverbs 8:25

26fyrr han skapte jord og mark og den fyrste moldklump i verdi.Select Proverbs 8:26

27Då han laga himmelen, var eg der, då han slo kvelv yver djupet.Select Proverbs 8:27

28Då han feste skyerne i det høge, då kjeldorne fossa fram or djupet,Select Proverbs 8:28

29då han sette grensa for havet, so vatnet ei gjekk lenger enn han baud, då han la grunnvollar for jordi,Select Proverbs 8:29

30då var eg verksmeister hjå han og var til hugnad for han dag etter dag, eg leika meg stødt for hans åsyn.Select Proverbs 8:30

31Eg leika på heile jordkringen hans og hadde min hugnad i manneborni.Select Proverbs 8:31

32Og no, born, høyr på meg! Sæle er dei som held mine vegar.Select Proverbs 8:32

33Høyr på tukt og vert vise, og slepp ho ikkje ifrå dykk!Select Proverbs 8:33

34Sæl den mann som høyrer på meg, so han dagstødt vaker ved dørerne mine og vaktar dørstokkarne mine.Select Proverbs 8:34

35For den som finn meg, finn livet og fær velsigning frå Herren.Select Proverbs 8:35

36Men den som missar meg, skader seg sjølv, og alle som hatar meg, elskar dauden.»Select Proverbs 8:36