26Genesis 26

1Og det kom eit uår, so det vart stor naud i landet, liksom fyrre gongen, medan Abraham livde. Då for Isak til Gerar, til Abimelek, filistarkongen.Select Genesis 26:1

2Og Herren synte seg for honom og sagde: «Far ikkje ned til Egyptarland! Bu i det landet som eg segjer deg!Select Genesis 26:2

3Hald til i dette landet! Eg skal vera med deg og velsigna deg; for deg og ætti di vil eg gjeva alle desse landi; eg vil halda den eiden eg svor Abraham, far din.Select Genesis 26:3

4Og eg vil lata ætti di aukast, so ho vert som stjernorne på himmelen, og eg vil gjeva ætti di alle desse landi, og i di ætt skal alle folk på jordi velsignast,Select Genesis 26:4

5for di Abraham lydde meg, og heldt alt det eg vilde han skulde halda, bodi og fyresegnerne og loverne mine.»Select Genesis 26:5

6So vart Isak buande i Gerar.Select Genesis 26:6

7Og mennerne der i bygdi spurde honom ut um kona hans. Då sagde han: «Ho er syster mi.» For han torde ikkje segja at ho var kona hans; han var rædd mennerne i bygdi kunde slå honom i hel for Rebekka skuld, av di ho var so væn.Select Genesis 26:7

8Men då han hadde vore der eit bil, bar det so til, at Abimelek, filistarkongen, skvatta ut igjenom vindauga og fekk sjå at Isak heldt gaman med Rebekka, kona si.Select Genesis 26:8

9Og Abimelek kalla Isak til seg og sagde: «No ser me ho er kona di! Kvi sagde du då at ho var syster di?» «Eg tenkte eg kunde koma til å missa livet for hennar skuld,» svara Isak.Select Genesis 26:9

10Då sagde Abimelek: «Kva er det du hev gjort imot oss! Kor lett kunde ikkje det ha hendt, at einkvar av folket hadde lege med kona di, og då hadde du lagt ei stor synd på oss.»Select Genesis 26:10

11Sidan tala Abimelek til alt folket og lyste ut dei ordi: «Den som rører denne mannen eller kona hans, han skal lata livet.»Select Genesis 26:11

12Isak sådde der i landet, og det året fekk han hundrad foll; for Herren velsigna honom.Select Genesis 26:12

13Og mannen tok til å verta rik, og vart rikare og rikare, til han var ovrik.Select Genesis 26:13

14Han hadde mykje bufe, både smått og stort, og mange drengjer, og filistarane vart ovundsjuke på honom.Select Genesis 26:14

15Og alle dei brunnar som drengjerne åt far hans hadde grave medan Abraham, far hans, livde, deim kasta filistarane att, og fyllte deim med jord.Select Genesis 26:15

16Og Abimelek sagde med Isak: «Flyt burt ifrå oss! du hev vorte for stor for oss.»Select Genesis 26:16

17So flutte Isak burt, og lægra i Gerardalen, og der vart han buande.Select Genesis 26:17

18Og Isak grov upp att dei brunnarne som dei hadde grave medan Abraham, far hans, livde, og som filistarane hadde fyllt att då Abraham var burte, og han kalla deim det same som far hans hadde kalla deim.Select Genesis 26:18

19Og drengjerne hans Isak grov der i dalen, og fann ei vatsådr.Select Genesis 26:19

20Då tok hyrdingarne frå Gerar til å trætta med hyrdingarne hans Isak, og sagde: «Det er vårt vatn.» Og Isak kalla den brunnen Esek, av di dei hadde dregest med honom.Select Genesis 26:20

21Sidan grov dei ein annan brunn. Den trætta dei og um, og han kalla honom SitnaSelect Genesis 26:21

22So flutte han burt derifrå, og grov ein ny brunn. Den trætta dei ikkje um, og han kalla honom Rehobot, og sagde: «No hev Herren gjort det romt for oss, so me kann veksa i landet.»Select Genesis 26:22

23Sidan for han derifrå upp til Be’erseba.Select Genesis 26:23

24Og same natti synte Herren seg for honom, og sagde: «Eg er Gud åt Abraham, far din. Ver ikkje rædd, eg er med deg; eg skal velsigna deg og lata ætti di aukast for Abraham skuld, han som var tenaren min.»Select Genesis 26:24

25So bygde han eit altar der, og kalla på Gud. Og der sette han upp tjeldbudi si, og drengjerne hans grov ein brunn.Select Genesis 26:25

26Sidan kom Abimelek til honom frå Gerar med Ahusat, venen sin, og Pikol, herhovdingen sin.Select Genesis 26:26

27Då sagde Isak med deim: «Kvi kjem de hit til meg, de som hev hata meg og jaga meg burt ifrå dykk?»Select Genesis 26:27

28Og dei svara: «Me ser det grant at Herren er med deg, og no segjer me: «Kom, lat oss sverja ein eid oss imillom, me og du, og lat oss få gjera ei semja med deg,Select Genesis 26:28

29at du ikkje skal gjera oss noko vondt, liksom heller ikkje me rørde deg, men berre gjorde vel imot deg, og let deg fara i fred.» No er du den som Herren hev velsigna.»Select Genesis 26:29

30So gjorde han eit gjestebod for deim, og dei åt og drakk.Select Genesis 26:30

31Og tidleg um morgonen reis dei upp, og gjorde eiden åt kvarandre. Sidan bad Isak farvel med deim, og dei for burt ifrå honom i fred.Select Genesis 26:31

32Same dagen hende det at drengjerne hans Isak kom og sagde frå um den brunnen dei hadde grave. «No hev me funne vatn!» sagde dei med honom.Select Genesis 26:32

33Og han kalla brunnen Sjib’a. Difor heiter byen Be’erseba den dag i dag.Select Genesis 26:33

34Då Esau var fyrti år gamall, gifte han seg med Jehudit, dotter åt ein hetit som heitte Be’eri, og med Basmat, dotter åt ein annan hetit, som heitte Elon.Select Genesis 26:34

35Og det vart ei hjartesorg for Isak og Rebekka.Select Genesis 26:35