31Exodus 31

1Og Herren tala atter til Moses, og sagde:Select Exodus 31:1

2«Sjå no hev eg kåra og kalla Besalel, son åt Uri Hursson, av Juda-ætti,Select Exodus 31:2

3og fyllt han med guddomsånd, med kunstgivnad og vit og kunnskap og godt lag til alt handverk,Select Exodus 31:3

4so han kann skapa kunstverk og smida deim ut både i gull og i sylv og i kopar,Select Exodus 31:4

5og ferda til glimesteinarne som skal fellast inn, og skjera ut i tre, og greida allslags kunstarbeid.Select Exodus 31:5

6Og til hjelpesmann hev eg gjeve honom Åhåliab, son åt Akhisamak av Dans-ætti, og i alle hage menner hev eg lagt kunstnargåva, so dei kann laga alt det eg hev sagt deg:Select Exodus 31:6

7møtetjeldet og kista til lovtavlorne, og loket som skal leggjast på henne, og all husbunaden i tjeldet,Select Exodus 31:7

8bordet med alt som til det høyrer, og gull-ljosestaken med alt det som høyrer til den, og røykjelsealtaret,Select Exodus 31:8

9og brennofferaltaret med alt som høyrer attåt, og balja med foten under,Select Exodus 31:9

10og embætsskrudet, og den heilage klædebunaden åt Aron, presten, og messeklædi åt sønerne hans,Select Exodus 31:10

11og salvingsoljen og den angande røykjelsen til heilagdomen. Dette skal dei i eitt og alt gjera so som eg hev sagt deg.»Select Exodus 31:11

12Og Herren tala endå meir til Moses, og sagde:Select Exodus 31:12

13«Tala du til Israels-folket og seg: «Gløym no ikkje å høgtida helgarne mine! For det skal vera eit merke på sambandet vårt i alder og æva, so de skal vita at det er eg, Herren, som helgar dykk.Select Exodus 31:13

14Di skal de høgtida kviledagen; han skal vera dykk heilag. Den som vanhelgar honom, skal visst og sant lata livet; kvar mann som då gjer noko arbeid, han skal rydjast ut or ætti si.Select Exodus 31:14

15Seks dagar lyt de arbeida og vera onnuge, men den sjuande dagen skal vera ein heilag kviledag, vigd åt Herren. Kvar den som hev noko arbeid fyre seg på um helgi, skal døy.Select Exodus 31:15

16So skal då Israels-folket koma i hug kviledagen, og halda honom heilag, ætt etter ætt i all æva;Select Exodus 31:16

17det skal vera eit ævelegt merke på sambandet millom meg og Israels-folket. For i seks dagar skapte Herren himmelen og jordi, men den sjuande dagen heldt seg roleg og kvilde.»»Select Exodus 31:17

18Då han hadde tala til endes med Moses på Sinaifjellet, gav han honom dei tvo lovtavlorne; det var steintavlor som Gud hadde skrive på med fingeren sin.Select Exodus 31:18