2Habakkuk 2

1På vaktposten min vil eg stiga upp og standa på varden, og eg vil skygna og sjå kva han vil tala med meg, og kva svar eg fær på mitt ankemål.Select Habakkuk 2:1

2Og Herren svara meg og sagde: Skriv upp syni og rita henne tydeleg på tavlorne, so kvar og ein kann lesa det lett!Select Habakkuk 2:2

3For endå lyt syni venta på si tid, men ho stundar etter målet og skal ikkje svika. Um ho drygjer, so bia på henne, for ho kjem nok, ho skal ikkje verta burte.Select Habakkuk 2:3

4Sjå kor hjartans kaut og krokut han er! Men den rettferdige, ved si tru skal han liva.Select Habakkuk 2:4

5For liksom vinen ikkje er å lita på, so skal den kaute karen ikkje få bu i ro, um han so gaper som helheimen og er som dauden umettande, og um han hev sanka til seg alle folk og henta til seg alle folkeslag.Select Habakkuk 2:5

6Alle dei skal i sanning setja i med spottesong um honom og sneida etter honom i gåtor; dei skal segja: «Usæl den som dungar i hop det han ikkje eig - kor lenge? - Og som lesser på seg pant!»Select Habakkuk 2:6

7Brått skal dei reisa seg dei som skal pina deg, og vakna dei som skal ruska i deg, so du vert til ran for deim.Select Habakkuk 2:7

8Av di du hev plundra mange folk, so skal alt det som vert att er av folki, plundra deg, for manneblod skuld og for valdsverk mot jordi, mot byen og alle som bur der.Select Habakkuk 2:8

9Usæl den som dreg ihop låk vinning til huset sitt, av di han vil byggja reiret sitt i høgdi og sleppa frå ulukke-hand!Select Habakkuk 2:9

10Du hev rådlagt til skam for ditt hus, rådlagt um å øyda mange folk, og soleis synda mot deg sjølv.Select Habakkuk 2:10

11For steinen skrik utor muren, og frå treverket svarar bjelken.Select Habakkuk 2:11

12Usæl den som byggjer by med blod og reiser borg med urett!Select Habakkuk 2:12

13Er ikkje det av Herren, allhers drott: «Folki arbeider for elden, og folkeslagi møder seg ut for inkje?»Select Habakkuk 2:13

14«For jordi skal fyllast med kunnskap um Herrens herlegdom liksom vatnet fyller havet.»Select Habakkuk 2:14

15Usæl den som skjenkjer andre med harm iblanda, ja, drikk deim drukne, so han kann skoda blygsli deira.Select Habakkuk 2:15

16Du vert metta med skam for æra. Drikk du, og syn di fyrehud! Staupet i Herrens hand kjem til deg, og skjemsla skyler di æra.Select Habakkuk 2:16

17For valdsferdi mot Libanon skal velta yver deg, og øydingi av dyri som skræmde dei, for manneblod skuld og for valdsverk mot jordi, mot byen og alle som bur der.Select Habakkuk 2:17

18Kva gagnar eit utskore bilæte, sidan treskjeraren hev skore det? Eller eit støypt bilæte, ein ljugarlærar, sidan støyparen lit so på det, at han lagar mållause avgudar?Select Habakkuk 2:18

19Usæl den som segjer til stokken: «Vakna!» Og: «Reis deg!» til mållause steinen. Skulde den vera lærar? Visst er han slegen med gull og sylv, men det finst ikkje ånd i honom.Select Habakkuk 2:19

20Men Herren er i sitt heilage tempel; ver still for honom, all jordi!Select Habakkuk 2:20