13Acts 13

1I Antiokia, hjå kyrkjelyden der, var det nokre profetar og lærarar: Barnabas og Simeon, som vart kalla Niger, og Lukius frå Kyrene og Manaen, fosterbror til fylkeskongen Herodes, og Saulus.Select Acts 13:1

2Medan dei heldt gudstenesta og fasta, sagde den Heilage Ande: «Tak ut Barnabas og Saulus åt meg til den gjerning som eg hev kalla deim til!»Select Acts 13:2

3Då fasta dei og bad og lagde henderne på deim og let deim fara.Select Acts 13:3

4Då dei no soleis var utsende av den Heilage Ande, for dei ned til Seleukia og siglde derifrå yver til Kypern.Select Acts 13:4

5Og då dei var komne til Salamis, forkynte dei Guds ord i synagogorne til jødarne, og dei hadde ogso Johannes med til medhjelp.Select Acts 13:5

6Då dei so hadde fare gjenom øyi radt til Pafus, fann dei ein trollmann, ein falsk profet, ein jøde, som hadde namnet Barjesus.Select Acts 13:6

7Han var hjå landshovdingen Sergius Paulus, ein klok mann. Denne kalla til seg Barnabas og Saulus og ynskte å høyra Guds ord.Select Acts 13:7

8Men Elymas, trollmannen - for so er namnet hans utlagt - stod deim imot og søkte å venda landshovdingen av frå trui.Select Acts 13:8

9Men Saulus, som og vert kalla Paulus, vart fyllt med den Heilage Ande og såg kvast på honom og sagde:Select Acts 13:9

10«Å du som er full av all svik og all vondskap, du djevels barn, du fiende til all rettferd! vil du ikkje halda upp med å forvenda Herrens beine vegar?Select Acts 13:10

11Og no, sjå Herrens hand er yver deg, og du skal verta blind og ikkje sjå soli ei tid.» Og straks fall skodda og myrker på honom, og han trivla ikring og leita etter nokon som kunde leida honom ved handi.Select Acts 13:11

12Då tok landshovdingen ved trui, då han såg det som hadde hendt, og han var full av undring yver Herrens læra.Select Acts 13:12

13Paulus og fylgjet hans siglde so frå Pafus og kom til Perge i Pamfylia. Men Johannes skilde seg frå deim og vende um til Jerusalem.Select Acts 13:13

14Men dei for lenger frå Perge og kom til Antiokia i Pisidia og gjekk inn i synagoga på kviledagen og sette seg.Select Acts 13:14

15Etter lesnaden av lovi og profetarne sende forstandarane for synagoga bod til deim og sagde: «Brør, dersom de hev noko ord til påminning for folket, so tala!»Select Acts 13:15

16So stod Paulus upp og slo til ljod med handi og sagde: «Israelitiske menner og de som ottast Gud, høyr!Select Acts 13:16

17Dette folks, Israels, Gud valde ut federne våre, og han upphøgde folket i utlendingskapen i Egyptarland og førde deim ut derifrå med høglyft arm.Select Acts 13:17

18Og umkring fyrti år bar han deim på faderarm i øydemarki,Select Acts 13:18

19og han øydde ut sju folkeslag i Kana’ans-landet og skifte landet deira ut til arv åt deim, i fire hundrad og femti år på lag.Select Acts 13:19

20So gav han deim domarar alt til profeten Samuel.Select Acts 13:20

21Sidan kravde dei ein konge, og Gud gav deim Saul, Kis’ son, ein mann av Benjamins ætt, i fyrti år.Select Acts 13:21

22Og då han hadde sett honom av, uppreiste han deim David til konge, han som han vitna um og sagde; «Eg fann David, Isais son, ein mann etter mitt hjarta; han skal gjera all min vilje.»Select Acts 13:22

23Av hans ætt førde han etter lovnaden fram ein frelsar for Israel, Jesus,Select Acts 13:23

24etter at Johannes fyreåt for hans koma hadde forkynt umvendingsdåp for heile Israels folk.Select Acts 13:24

25Men då Johannes fullførde sitt livnadslaup, sagde han: «Den de held meg for å vera, er eg ikkje; men sjå, det kjem ein etter meg, som eg ikkje er verdig til å løysa skorne av føterne på.»Select Acts 13:25

26Brør, søner av Abrahams ætt, og dei millom dykk som ottast Gud! til dykk vart ordet um denne frelsa sendt.Select Acts 13:26

27For dei som bur i Jerusalem og deira rådsherrar kjende honom ikkje, og med di dei dømde honom, uppfyllte dei og profetordi, som vert fyrelesne kvar kviledag.Select Acts 13:27

28Og endå dei ikkje fann nokor daudskyld, bad dei Pilatus at han måtte verta ihelslegen.Select Acts 13:28

29Men då dei hadde fullført alt det som stend skrive um honom, tok dei honom ned av treet og lagde honom i ei grav.Select Acts 13:29

30Men Gud vekte honom upp frå dei daude;Select Acts 13:30

31og han synte seg i fleire dagar for deim som hadde gjenge med honom frå Galilæa upp til Jerusalem, dei som no er hans vitne for folket.Select Acts 13:31

32Og me forkynner dykk evangeliet um den lovnaden som vart federne gjeven, at Gud hev uppfyllt denne for oss, deira born, då han reiste upp Jesus,Select Acts 13:32

33so som det og stend skrive i den andre salmen: «Du er min son; eg hev født deg i dag.»Select Acts 13:33

34Men at han reiste honom upp frå dei daude, so han aldri meir skal venda tilbake til undergang, det hev han sagt so: «Eg vil gjeva dykk dei heilage lovnader til David, dei trufaste.»Select Acts 13:34

35Difor segjer han og ein annan stad: «Du skal ikkje lata din heilage sjå undergang.»Select Acts 13:35

36For David sovna av, etter han i si livetid hadde tent Guds rådgjerd, og vart samla med sine feder og såg undergang.Select Acts 13:36

37Men han som Gud vekte upp, han såg ikkje undergang.Select Acts 13:37

38Det vere då kunnigt for dykk, brør, at i honom vert forlating for synderne forkynt dykk;Select Acts 13:38

39og frå alt det som de ikkje kann verta rettferdiggjorde frå ved Mose lov, vert kvar den som trur rettferdiggjord i honom.Select Acts 13:39

40Sjå difor til at det som er sagt hjå profetarne, ikkje skal koma yver dykk:Select Acts 13:40

41«Sjå, de vanvyrdarar, og undra dykk og vert til inkjes! for eit verk gjer eg i dykkar dagar, eit verk som de ikkje vil tru, um nokon fortel dykk det.»»Select Acts 13:41

42Men då dei gjekk ut, bad dei um at desse ordi måtte verta tala til deim den næste kviledagen.Select Acts 13:42

43Og då synagogetenesta var enda, fylgde det med Paulus og Barnabas mange av jødarne og av dei jødetruande som dyrka Gud; og dei tala til deim og talde deim til å halda fast ved Guds nåde.Select Acts 13:43

44Den næste kviledagen kom mest heile byen saman og vilde høyra Guds ord.Select Acts 13:44

45Men då jødarne såg folkehoparne, vart dei fulle av brennhug, og dei sagde imot det som vart sagt av Paulus, ja, sagde imot og spotta.Select Acts 13:45

46Då tok Paulus og Barnabas til ords og sagde beint ut: «Det var naudsynlegt at Guds ord vart tala fyrst til dykk; men sidan de støyter det burt og ikkje dømer dykk sjølve verdige til det ævelege liv, sjå, so vender me oss til heidningarne.Select Acts 13:46

47For so hev Herren bode oss: «Eg hev sett deg til ljos for heidningar, at du skal vera til frelsa alt til ytste enden av jordi.»»Select Acts 13:47

48Då heidningarne høyrde det, gledde dei seg og prisa Herrens ord, og dei tok ved trui, so mange som var etla til ævelegt liv.Select Acts 13:48

49Og Herrens ord breidde seg ut yver heile landet.Select Acts 13:49

50Men jødarne øste upp dei fornæme kvinnor som dyrka Gud, og dei fyrste menner i byen, og dei fekk i gang ei forfylgjing mot Paulus og Barnabas, og dei jaga deim ut frå sine landemerke.Select Acts 13:50

51Dei riste dusti av føterne sine mot deim og kom til Ikonium.Select Acts 13:51

52Men læresveinarne vart fyllte med gleda og den Heilage Ande.Select Acts 13:52