3Colossians 3

1Er de då uppreiste med Kristus, so søk det som er der uppe, der Kristus sit ved Guds høgre hand!Select Colossians 3:1

2Hav hug til det som er der uppe, ikkje til det som er på jordi!Select Colossians 3:2

3For de er daude, og dykkar liv er løynt med Kristus i Gud.Select Colossians 3:3

4Når Kristus, vårt liv, vert openberra, då skal de og verta openberra med honom i herlegdom.Select Colossians 3:4

5So døyd då dykkar jordiske lemer: Utukt, ureinskap, ovhug, vond lyst og havesykje, som er avgudsdyrking!Select Colossians 3:5

6for desse ting kjem Guds vreide yver dei vantruande;Select Colossians 3:6

7millom deim ferdast de og fordom, den tid de livde i desse ting;Select Colossians 3:7

8men no skal de og leggja deim alle av: Vreide, illska, vondskap, spotting, skamleg tale av dykkar munn.Select Colossians 3:8

9Ljug ikkje mot kvarandre, de som hev klædt av dykk det gamle menneskje med dei gjerningar det gjer,Select Colossians 3:9

10og iklædt dykk det nye, som vert uppnya til kunnskap etter sin skapars bilæte;Select Colossians 3:10

11her er ikkje grækar og jøde, umskjering og fyrehud, barbar, skyte, træl, fri mann, men Kristus er alt og i alle.Select Colossians 3:11

12Klæd dykk då, som er Guds utvalde, heilage og kjære i hjarteleg miskunn, godleik, audmykt, spaklynde, langmod,Select Colossians 3:12

13so de toler kvarandre og tilgjev kvarandre, um nokon hev kjæremål imot nokon! som Kristus tilgav dykk, soleis de og!Select Colossians 3:13

14Men attåt alt dette klæd dykk i kjærleiken, som er bandet um fullkomenskapen!Select Colossians 3:14

15Og Kristi fred råde i dykkar hjarto, den som de vart kalla til i ein likam, og ver takksame!Select Colossians 3:15

16Lat Kristi ord bu rikleg hjå dykk, so de lærer og påminner kvarandre i all visdom med salmar og lovsongar og åndelege visor, og syng yndeleg i dykkar hjarto for Gud.Select Colossians 3:16

17Og alt som de gjer i ord eller gjerning, gjer det alt i Herren Jesu namn, med takk til Gud Fader ved honom!Select Colossians 3:17

18De konor, ver mennerne dykkar undergjevne, so som det sømer seg i Herren!Select Colossians 3:18

19De menner, elska konorne dykkar og ver ikkje beiske imot deim!Select Colossians 3:19

20De born, lyd foreldri dykkar i alle ting! for det er Herren til hugnad.Select Colossians 3:20

21De feder, arga ikkje dykkar born, so dei ikkje skal missa modet!Select Colossians 3:21

22De tenarar, ver lyduge i alle ting mot herrarne dykkar etter kjøtet, ikkje med augnetenesta, liksom dei som strævar etter å tekkjast menneskje, men i hjartans einfelde, med di de ottast Herren!Select Colossians 3:22

23Det de gjer, gjer det av hjarta, so som for Herren og ikkje for menneskje,Select Colossians 3:23

24då de veit at de skal få arven til løn av Herren. Ten Herren Kristus!Select Colossians 3:24

25Men den som gjer urett, skal få den urett att som han gjorde, og det vert ikkje gjort skil på folk.Select Colossians 3:25