15Exodus 15

1Då song Moses og Israels-folket denne lovsongen til Herren: «Eg vil syngja um Herren, for stor er han, stor; hest og ridar i havet han støytte.Select Exodus 15:1

2Han er min styrke, um han er mitt kvæde; for han hev meg berga. Han er min Gud, han vil eg lova, Gud åt far min, han vil eg prisa.Select Exodus 15:2

3Herren er rette hermannen: Herren heiter han.Select Exodus 15:3

4Vognern’ og heren åt Farao tok han og kasta i sjøen. Gjævaste kjemporn’ i Sevhavet sokk;Select Exodus 15:4

5der bylgja deim gøymde; som stein for dei ned i djupet.Select Exodus 15:5

6Herre, di hand er prydd med kraft; Herre, di hand krys uvener sund.Select Exodus 15:6

7Med ditt høge namn slær du fiendar ned; din harm let du loga, då brenn dei som halm.Select Exodus 15:7

8For din ande stokk vatni i hop, som haugar sjøarne stod, i havdjupet bårorne storkna.Select Exodus 15:8

9«Eg eltar deim, eg tek deim att, eg skiftar feng,» sa’ fienden. «Eg vil metta mitt mod, eg vil svinga mitt sverd, eg vil øyda deim ut.»Select Exodus 15:9

10Ut sende du din ande, og havet hulde deim; som bly deg sokk til botnar i ville vatnet djupt.Select Exodus 15:10

11Kvar er, Herre, dei gudar som med deg kunde kappast? Kven er vel lik som du med heilag æra prydd? Kven er so ageleg og hev so fræge verk og store under gjort?Select Exodus 15:11

12Då handi upp du hov, då gløypte jordi deim.Select Exodus 15:12

13Mild som ein far du fylgjer det folket du hev frelst, du leider deim med handi sterk fram til den heilagdomen der du din heimstad hev.Select Exodus 15:13

14Folki fær spurt det, og folnar; fælska tek deim som bur i Filistarland.Select Exodus 15:14

15Edom-jarlarne ottast for ilt, Moabs-hovdingarn’ støkk so dei skjelv, alle Kana’an-buarne kolnar.Select Exodus 15:15

16Rædsla kjem på deim og rygd; når dei augnar din velduge arm, då tegjer dei stilt som ein stein, medan folket ditt, Herre, fer fram, med det folket fer fram som du vann deg.Select Exodus 15:16

17Du tek deim inn og set deim ned på eigedomen din, det berget som du, Herre, tok til bustad åt deg sjølv, den heilagdomen du, min Gud, hev grunna med di hand.Select Exodus 15:17

18I alder og æva skal han råda, Herren min.»Select Exodus 15:18

19For då hestarne åt Farao med vognerne og riddarane hans for ut i havet, då let Herren bårorne fløda i hop yver deim, medan Israels-folket gjekk turrskodde midt igjenom havet.Select Exodus 15:19

20Og Mirjam, vismøyi, syster åt Aron, tok trummeringen sin i handi, og alle kvendi gjekk etter henne med trummeslått og dans.Select Exodus 15:20

21Og Mirjam song fyre og kvad: Syng um Herren, for stor er han, stor! Hest og ridar i havet han støytte.Select Exodus 15:21

22Sidan førde Moses folket burt frå Raudehavet, og dei kom ut på Surheidi; der for dei tri dagar i øydemarkerne, og kunde ikkje finna vatn.Select Exodus 15:22

23So kom dei til Mara, men dei kunde ikkje drikka vatnet i Mara, av di det var beiskt. Difor kalla dei den staden Mara.Select Exodus 15:23

24Og folket mukka mot Moses og sagde: «Kva skal me drikka?»Select Exodus 15:24

25Då ropa han til Herren, og Herren synte honom eit tre; det kasta han upp i vatnet; då vart vatnet godt. Der sette han deim lov og rett, og der røynde han deim.Select Exodus 15:25

26Og han sagde: «Høyrer du vel etter ordi åt Herren, din Gud, og gjer det som rett er i hans augo, og lyder du bodi og held alle loverne hans, so skal du sleppa alle dei sjukarne, som eg hev lagt på egyptarane; for eg, Herren, vil vera lækjaren din.»Select Exodus 15:26

27Sidan kom dei til Elim. Der var det tolv kjeldor og sytti palmetre, og dei lægra seg der, frammed vatnet.Select Exodus 15:27