4James 4

1Kva kjem all ufred og strid av millom dykk? Er det ikkje av dykkar lyster, som strider i lemerne dykkar?Select James 4:1

2De lystar og hev ikkje; de slær i hel og ovundast og kann ikkje få; de ligg i strid og ufred. De hev ikkje, av di de ikkje bed;Select James 4:2

3de bed og fær ikkje, av di de bed ille, um slikt som de kann øyda upp i dykkar lyster.Select James 4:3

4De utrugne! veit de ikkje at venskap med verdi er fiendskap imot Gud? Den som då vil vera ven med verdi, han vert Guds fiende.Select James 4:4

5Eller trur de at skrifti talar fåfengt? Med brennhug trår han etter Anden som han hev late bu i oss. Men di større er den nåde som han gjev.Select James 4:5

6Difor heiter det: «Gud stend dei stolte imot, men dei audmjuke gjev han nåde.»Select James 4:6

7Ver difor Gud undergjevne! Men statt djevelen imot, so skal han fly frå dykk!Select James 4:7

8Haldt dykk nær til Gud, so skal han halda seg nær til dykk! Reinsa henderne, de syndarar, og gjer hjarto reine, de tvihuga!Select James 4:8

9Kjenn dykkar naud og syrg og gråt! Lat låtten dykkar vendast til sorg, og gleda til trege.Select James 4:9

10Audmyk dykk for Herren, so skal han upphøgja dykk!Select James 4:10

11Baktala ikkje kvarandre, brør! Den som baktalar ein bror eller dømer bror sin, han baktalar lovi og dømer lovi; men dømer du lovi, so er du ikkje ein som gjer etter lovi, men hennar domar.Select James 4:11

12Ein er lovgjevaren og domaren, han som er megtig til å frelsa og til å tyna. Men du, kven er du som dømer din næste?Select James 4:12

13Og no, de som segjer: «I dag eller i morgon vil me fara til den byen og vera der eit år og handla og hava vinning,»Select James 4:13

14de som ikkje veit kva som skal henda i morgon! For kva er livet dykkar? De er ein eim som ei liti stund er synleg og so kverv burt.Select James 4:14

15I staden for at de skulde segja: «Um Herren vil, so kjem me til å liva, og so skal me gjera det eller det!»Select James 4:15

16Men no rosar de dykk sjølve i dykkar storlæte. All slik ros er vond.Select James 4:16

17Den som då veit å gjera godt, men ikkje gjer det, han hev synd for det.Select James 4:17