3Job 3

1Då let Job upp munnen og banna fødedagen sin.Select Job 3:1

2Job tok til ords og sagde:Select Job 3:2

3«Burt med den dag då eg vart fødd, den natt som sa: «Ein svein er avla!»Select Job 3:3

4Må denne dag til myrker verta - burtgløymd av Gud i høge himmel - og inkje ljos på honom skina!Select Job 3:4

5Lat svarte myrkret honom eiga og skyer seg kring honom samla! Dagmyrkjingar skal honom skræmaSelect Job 3:5

6og myrkret gløypa denne natt! Burt med den natt frå årsens dagar, ho kome ei i månads tal!Select Job 3:6

7Ja, aud og tom skal natti verta og ingen fagnad i ho klinga;Select Job 3:7

8Dagbannarar skal henne banna, dei som kann mana upp Livjatan,Select Job 3:8

9Og morgonstjernor skal ’kje skina; fåfengt ho venta skal på ljoset - augbrunerne av morgonroden -Select Job 3:9

10av di ho ei livsdøri stengde på mor mi, so eg slapp for kval.Select Job 3:10

11Kvi døydd’ eg ei i moders liv? Ell’ slokna då eg rett var fødd?Select Job 3:11

12Kvi fanst det kne som mot meg tok; og brjost eg kunde suga ved?Select Job 3:12

13So låg eg still og kvilde no, eg sov og hadde ro og fredSelect Job 3:13

14hjå kongar og hjå fyrstar, som til gravstad pyramider bygde,Select Job 3:14

15hjå hovdingar som åtte gull og fyllte sine hus med sylv;Select Job 3:15

16ell’ ufødd var eg ikkje til, lik born som aldri ljoset såg.Select Job 3:16

17Der rasar ei dei vonde meir; der kviler dei som trøytte er;Select Job 3:17

18og fangarne er trygge der; dei høyrer ingen drivar meir.Select Job 3:18

19Der stor og liten like er, og trælen fri for herren sin.Select Job 3:19

20Kvi gjev han ljos til den som lid, og liv til deim som gremmer seg,Select Job 3:20

21som fåfengt stundar etter dauden, og søkjer han som løynde skatt,Select Job 3:21

22som gled seg, ja, som jublar høgt, og fegnast når dei finn ei grav -Select Job 3:22

23til mannen som ei finn sin veg, som Gud set fast og stengjer inne?Select Job 3:23

24Min sukk hev vorte daglegt brød, og klaga mi som vatnet strøymar.Select Job 3:24

25Meg råkar det eg ottast fyre; det som eg ræddast, hender meg.Select Job 3:25

26Snaudt fær eg fred, snaudt fær eg ro, snaudt lindring - so kjem uro att.»Select Job 3:26