11Matthew 11

1Då Jesus hadde sagt alt det han vilde leggja dei tolv læresveinarne på minne, for han burt att, og tok til å læra folk og tala for dei kring i byarne.Select Matthew 11:1

2Johannes fekk høyra i fengslet um gjerningarne åt Kristus. Då sende han bod med læresveinarne sine, og spurde honom:Select Matthew 11:2

3«Er du den som skal koma, eller lyt me venta ein annan?»Select Matthew 11:3

4Jesus svara: «Gakk og seg Johannes kva de høyrer og ser:Select Matthew 11:4

5Blinde fær syni si, og halte gjeng ikring, spillsjuke vert reine, og dauve høyrer, daude stend upp att, og fatige fær høyra evangeliet,Select Matthew 11:5

6og sæl er den som ikkje styggjest ved meg.»Select Matthew 11:6

7Då dei gjekk burt, tok Jesus til å tala til folket um Johannes: «Kvi gjekk de ut i øydemarki? Vilde de sjå ei røyr som svagar att og fram i vinden?Select Matthew 11:7

8Kvi gjekk de då der ut? Vilde de sjå ein mann med fine klæde? Nei, dei som gjeng i fine klæde, held til i kongsgardarne.Select Matthew 11:8

9Men kvi gjekk de då der ut? Vilde de sjå ein profet? Ja, segjer eg dykk, og det ein som er meir enn profet.Select Matthew 11:9

10Det er um honom det er skrive: «Framfyre deg min ærendsvein eg sender; der du vil fara, skal han vegen rydja.»Select Matthew 11:10

11Det segjer eg dykk for sant: Aldri hev det stige fram nokon større millom menneskjeborni enn Johannes døyparen; og endå er den minste i himmelriket større enn han.Select Matthew 11:11

12Men frå Johannes døyparens tid og til denne stund bryt folk seg med magt inn i himmelriket, og dei som bryt seg inn, riv det til seg.Select Matthew 11:12

13For alle profetarne og lovi spådde alt til Johannes kom;Select Matthew 11:13

14og vil de tru det, so er han Elia som skulde koma.Select Matthew 11:14

15Høyr etter, kvar som høyra kann!Select Matthew 11:15

16Kven skal eg likna denne ætti med? Dei likjest born som sit på torget og ropar til andre born:Select Matthew 11:16

17«Me let i fløyta for dykk, og de dansa ikkje; me song eit syrgjekvæde, og de øya ikkje.»Select Matthew 11:17

18For fyrst kom Johannes, og korkje åt eller drakk; då sagde dei: «Han må vera forgjord!»Select Matthew 11:18

19So kom Menneskjesonen; han et og drikk, og so segjer dei: «Sjå for ein etar og drikkar! Han er godvener med tollmenner og syndarar!» Men visdomen hev prova si rettferd med sine gjerningar.»Select Matthew 11:19

20So tok han til å lasta dei byarne som han hadde gjort flest under i, for di dei ikkje vende um:Select Matthew 11:20

21«Ve yver deg, Korasin! Ve yver deg, Betsaida! Hadde dei underi som eg gjorde i dykk, vore gjorde i Tyrus og Sidon, so hadde dei longe angra og havt på seg sekk og oska.Select Matthew 11:21

22Men det segjer eg dykk: På domedag skal det ganga Tyrus og Sidon likare enn dykk.Select Matthew 11:22

23Og du, Kapernaum, som hev vore lyft upp til himmelen, til helheimen skal du støytast ned! For hadde dei underi som er gjorde i deg, vore gjorde i Sodoma, so hadde han stade til denne dag.Select Matthew 11:23

24Men det segjer eg dykk: På domedag skal det ganga Sodomalandet likare enn dykk.»Select Matthew 11:24

25I den same tidi tok Jesus til ords og sagde: «Eg lovar deg, Fader, du som råder yver himmelen og jordi, at du hev løynt dette for dei lærde og kloke, og openberra det for dei ulærde og barnslege!Select Matthew 11:25

26Ja, Fader, for soleis tykte du det best!Select Matthew 11:26

27Alt hev far min gjeve i mine hender. Og ingen kjenner Sonen utan Faderen, og ingen kjenner Faderen utan Sonen og dei som Sonen vil openberra det for.Select Matthew 11:27

28Kom til meg, alle de som slit og hev tungt å bera! hjå meg skal de få kvila dykk ut.Select Matthew 11:28

29Tak mitt ok på dykk, og lær av meg! for eg er mild og mjuk i hjarta, og de skal finna kvild for sjælerne dykkar.Select Matthew 11:29

30For mitt ok er godt, og mi byrd er lett.»Select Matthew 11:30