35Numbers 35

1Og Herren tala atter til Moses på Moabmoarne ved Jordan, midt for Jeriko, og sagde:Select Numbers 35:1

2«Seg til Israels-sønerne: «De skal gjeva levitarne byar til bustad i det landet de kjem til å eiga, og utmarki som ligg ikring, skal de og lata levitarne få.Select Numbers 35:2

3Byarne skal dei hava til å bu i, og utmarki som høyrer til, skal vera til beite for klyvdyri og feet og all buskapen deira.Select Numbers 35:3

4Utmarki som de gjev levitarne, skal nå tusund alner ut ifrå bymuren rundt ikring.Select Numbers 35:4

5Utanfor byen skal de mæla upp tvo tusund alner på austsida, og tvo tusund alner på sudsida, og tvo tusund alner på vestsida, og tvo tusund alner på nordsida, og byen skal liggja midt i; det skal vera bymarkerne deira.Select Numbers 35:5

6Dei byarne som de gjev levitarne, skal vera dei seks fredstaderne, som dråpsmenner kann røma til, og attåt deim skal de gjeva tvo og fyrti andre byar.Select Numbers 35:6

7I alt skal de gjeva levitarne åtte og fyrti byar med beitemarkerne som høyrer til.Select Numbers 35:7

8Og av dei byarne som de gjev deim av eigedomen åt Israels-sønerne, skal dei taka fleire frå den som hev mykje land, og færre frå den som hev lite. Kvar skal gjeva levitarne byar etter som han hev fenge land til.»»Select Numbers 35:8

9Og Herren tala atter til Moses, og sagde:Select Numbers 35:9

10«Tala til Israels-sønerne og seg til deim: «Når de fer yver Jordan og til Kana’ans-landet,Select Numbers 35:10

11so lyt de velja dykk ut nokre byar som de skal hava til fredstader, so ein dråpsmann som uviljande hev drepe nokon, kann røma dit.Select Numbers 35:11

12Dei byarne skal vera dykk til ei trygd mot den som vil hemna dråpet, so dråpsmannen ikkje skal lata livet, fyrr han hev stade til doms for lyden.Select Numbers 35:12

13Dei byarne som de tek til fredstader, skal vera seks i talet.Select Numbers 35:13

14Tri av deim skal vera på austsida av Jordan og tri i Kana’ans-landet; fredstader skal dei vera.Select Numbers 35:14

15Både for Israels-borni og for dei framande og innflutte som bur millom deim, skal desse seks byarne vera til ei livd, so den som uviljande hev drepe nokon, kann søkja dit.Select Numbers 35:15

16Den som slær ein med eit jarnhandyvle, so han døyr, han er ein manndråpar, og manndråparen skal lata livet.Select Numbers 35:16

17Tek nokon ein stein, stor nok til å drepa ein mann, og slær ein med so han døyr, då er han ein manndråpar, og manndråparen skal lata livet.Select Numbers 35:17

18Tek nokon eit trehandyvle som dei kann drepa folk med, og slær ein med det, so han døyr, då er han ein manndråpar, og manndråparen skal lata livet.Select Numbers 35:18

19Det er blodhemnaren kann slå manndråparen i hel; so snøgt som han finn honom, skal han slå honom i hel.Select Numbers 35:19

20Dersom nokon støyter til ein av hat, eller kastar noko på honom med vilje, so han døyr,Select Numbers 35:20

21eller av fiendskap slær ein med neven, so han døyr, so skal den som gjorde det lata livet; han er ein manndråpar: og blodhemnaren skal slå honom i hel so snøgt han finn honom.Select Numbers 35:21

22Men dersom nokon støyter til ein av vanvare, utan fiendskap, eller kastar einkvar tingen på honom mot sin vilje,Select Numbers 35:22

23eller råmar honom med ein stein, stor nok til å drepa ein mann, og ikkje ser honom, og han døyr av det, men dråpsmannen ikkje var hans uven eller vilde honom vondt,Select Numbers 35:23

24då skal lyden døma millom dråpsmannen og blodhemnaren etter desse loverne.Select Numbers 35:24

25Og lyden skal verja dråpsmannen for blodhemnaren, og føra honom attende til fredstaden som han hadde søkt til, og der skal han vera til øvstepresten, han som er salva med den heilage oljen, er avliden.Select Numbers 35:25

26Men kjem han utum fredstaden som han hev tydt til,Select Numbers 35:26

27og blodhemnaren råkar honom der - utanfor fredstaden - so kann hemnaren slå honom i hel, og det skal ikkje reknast for manndråp;Select Numbers 35:27

28for dråpsmannen lyt halda seg i fredstaden sin, til øvstepresten er avliden; då fyrst kann han fara heim att til si eigi bygd og sin eigedom.Select Numbers 35:28

29Dette skal gjelda for lov og rett hjå dykk alle tider og alle stader.Select Numbers 35:29

30Hev nokon gjort manndråp, so skal han lata livet, so framt det er meir enn eitt vitne mot honom; etter ein manns vitnemål må ingen dømast frå livet.Select Numbers 35:30

31De må ikkje taka imot løysepengar for ein som er saka i manndråp og dømt til dauden, han skal lata livet.Select Numbers 35:31

32Og de må ikkje taka imot løysepengar for ein som hev tydt til ein fredstad, og lata honom koma ut att og bu ein annan stad i landet, fyrr øvstepresten er avliden.Select Numbers 35:32

33De skal ikkje vanhelga det landet de bur i; for blodet vanhelgar landet, og landet fær ikkje soning for blodet som hev runne der utan med blodet av den som rende det ut.Select Numbers 35:33

34Difor skal du ikkje sulka det landet de bur i, og som eg hev min bustad i; for eg Herren, hev bustaden min millom Israels-folket.»»Select Numbers 35:34