30Proverbs 30

1Ord av Agur, son åt Jake, profetordet. Mannen segjer so til Itiel, til Itiel og Ukal:Select Proverbs 30:1

2For fåvis er eg til å heita mann, og ikkje hev eg manne-vit.Select Proverbs 30:2

3Visdom hev eg ikkje lært, til kunnskap um den Heilage.Select Proverbs 30:3

4Kven hev stige upp til himmelen og stige ned? Kven hev samla vinden inn i nevarne? Kven hev bunde vatnet i eit klædeplagg? Kven hev alle enderne av jordi sett? Kva heiter han, kva heiter son hans - um du veit det?Select Proverbs 30:4

5Alt Guds ord er skirt, han er ein skjold for deim som flyr til honom.Select Proverbs 30:5

6Legg ikkje noko til hans ord, elles lyt han refsa deg, og du stend der ein ljugar.Select Proverbs 30:6

7Tvo ting hev eg bede deg um, neitta meg deim ikkje, fyrr eg døyr:Select Proverbs 30:7

8Lat fals og lygn vera langt frå meg! Gjev meg ikkje armod og ikkje rikdom! Lat meg få eta mitt tiletla brød!Select Proverbs 30:8

9Elles kunde eg neitta deg når eg var mett, og segja: «Kven er Herren?» Eller um eg vart fatig, kunde eg stela, ja, forgripa meg på min Guds namn.Select Proverbs 30:9

10Baktala ei ein tenar for hans herre, elles vil han banna deg, og du få bøta.Select Proverbs 30:10

11Ei ætt som bannar far sin og ikkje signar mor si,Select Proverbs 30:11

12ei ætt som tykkjer ho er rein, endå ho ei hev tvætta av sitt eige skarn,Select Proverbs 30:12

13ei ætt - kor stolte augo hev ho ikkje, og kor ho lyfter augneloki!Select Proverbs 30:13

14ei ætt som heve sverd til tenner og jakslar reint som knivar, so ho et armingar or landet og fatige or folkesamfund.Select Proverbs 30:14

15Blodiglen hev tvo døtter: Gjev! Gjev! Tri finst det som aldri vert mette, fire som ei segjer: «Nok!»Select Proverbs 30:15

16Helheim og barnlaust moderfang, jordi som aldri vert mett av vatn, og elden som ei segjer: «Nok!»Select Proverbs 30:16

17Eit auga som spottar far og vanvyrder lydnad mot mor, det skal bekkje-ramnarne hakka ut og ørnungar eta upp.Select Proverbs 30:17

18Tri ting er meg for underlege, og fire finst som eg ikkje skynar:Select Proverbs 30:18

19Ørns veg på himmelen, orms veg på berget, skips veg på havet og manns veg til møy.Select Proverbs 30:19

20Soleis ber utru kona seg åt: Ho et og turkar seg um munnen og segjer: «Eg hev ikkje gjort noko vondt.»Select Proverbs 30:20

21Under tri skjelv jordi, under fire kann ho ’kje herda:Select Proverbs 30:21

22under trælen når han vert konge, og dåren når han fær eta seg mett,Select Proverbs 30:22

23under attergløyma når ho vert gift, og trælkvinna når ho erver si frua.Select Proverbs 30:23

24Fire finst det som er små på jordi, og endå hev dei fenge visdom stor:Select Proverbs 30:24

25Mauren er ’kje noko sterkt folk, og endå lagar han sin mat um sumaren.Select Proverbs 30:25

26Fjellgrevlingarne er ’kje noko veldugt folk, og endå byggjer dei seg hus i berget.Select Proverbs 30:26

27Grashopparne hev ingen konge, og endå fær dei alle ut i fylking.Select Proverbs 30:27

28Fjorføtla kann du ta med henderne, og endå bur ho inni kongeslott.Select Proverbs 30:28

29Tri finst det som stig med staute stig, og fire hev ei fager gonga:Select Proverbs 30:29

30Løva ei kjempa millom dyri, og som ikkje snur seg for nokon,Select Proverbs 30:30

31hesten mjå um midja, eller bukken, og ein konge med leidingheren.Select Proverbs 30:31

32Gjer du deg stor, anten narr eller klårtenkt, so legg handi på munnen!Select Proverbs 30:32

33For trykk på mjølk gjev smør, og trykk på nase gjev blod, og trykk på vreide gjev strid.Select Proverbs 30:33