8Revelation 8

1Og då det opna det sjuande innsiglet, vart det stilt i himmelen umkring ein halv time.Select Revelation 8:1

2Og eg såg dei sju englarne som stend for Guds åsyn, og det vart gjeve deim sju basunar.Select Revelation 8:2

3Og ein annan engel kom og stod ved altaret, og han hadde eit røykjefat av gull, og det vart gjeve honom mykje røykjelse, som han skulde leggja til bønerne frå alle dei heilage på det gullaltaret som var framfor stolen.Select Revelation 8:3

4Og røyken av røykjelsen steig frå engelens hand upp for Gud med bønerne frå dei heilage.Select Revelation 8:4

5Og engelen tok røykjefatet og fyllte det med eld frå altaret og kasta det på jordi; og det kom toredunar og røyster og ljoneldar og jordskjelv.Select Revelation 8:5

6Og dei sju englarne som hadde dei sju basunarne, gjorde seg ferdige til å blåsa i deim.Select Revelation 8:6

7Og den fyrste engelen bles. Og det kom hagl og eld, blanda med blod, og vart kasta ned på jordi; og tridjeparten av jordi vart uppbrend, og tridjeparten av trei vart uppbrend, og alt grønt gras vart uppbrend.Select Revelation 8:7

8Og den andre engelen bles. Og det vart liksom eit stort fjell, brennande i eld, kasta i havet; og tridjeparten av havet vart til blod.Select Revelation 8:8

9Og so døydde tridjeparten av dei skapningar i havet som hadde liv, og tridjeparten av skipi gjekk under.Select Revelation 8:9

10Og den tridje engelen bles. Og frå himmelen fall ei stor stjerna, brennande som ein kyndel, og ho fall på tridjeparten av elvarne og på vatskjeldorne.Select Revelation 8:10

11Og namnet på stjerna var malurt, og tridjeparten av vatnet vart til malurt, og mange menneskje døydde av vatnet, då det hadde vorte beiskt.Select Revelation 8:11

12Og den fjorde engelen bles. Og tridjeparten av soli vart slegen, og tridjeparten av månen og tridjeparten av stjernorne, so tridjeparten av deim skulde verta formyrkt, og tridjeparten av dagen missa ljoset sitt, og natti like eins.Select Revelation 8:12

13Og eg såg, og eg høyrde ein ørn som flaug under det høgste av himmelen og sagde med høg røyst: «Usæle, usæle, usæle dei som bur på jordi, for dei andre basunrøyster av dei tri englar som endå skal blåsa!»Select Revelation 8:13