1Galatians 1

1PAULUS wanporon amen kaidin sang ren aramas akan, pil kaidin pan aramas akan, a pan Iesus Kristus o Kot Sam, me kotin kaiasadar i sang ren me melar akan,Select Galatians 1:1

2O ri atail akan karos, me mi re i, at ranamau ong momodisou en Kalesia kan:Select Galatians 1:2

3Mak o popol sang ren Kot Sam o atail Kaun Iesus Kristus en mi re omail;Select Galatians 1:3

4Me kotin sokonpaude ki pein i ki dip atail, pwen dore kitail sang ni me sued akan mi sappa, duen kupur en Kot o Sam atail.Select Galatians 1:4

5Lingan en ko ong i kokolata! Amen.Select Galatians 1:5

6I puriamuiki omail madang wuki sang i, me molipe komail pan mak en Kristus, ap wuki ong eu rongamau;Select Galatians 1:6

7A sota eu mia. Ari so, akai mia, me kin kapingada komail, o irail men kalikame rongamau en Kristus.Select Galatians 1:7

8A ma kit de tounlang amen sang nanlang pan padaki ong komail eu rongamau, me toror sang rongamau, me se padaki ong komail er, i en riala.Select Galatians 1:8

9Duen me se indada mas o, iduen se pil purong inda: Ma amen pan padaki ong komail eu rongamau, me toror sang me komail aleer, i en riala.Select Galatians 1:9

10Iaduen, i kin men kaperenda aramas akan de Kot? De i kin rapaki konekon ren aramas akan? Ma i men konekon ren aramas akan, i ap sota ladun Kristus.Select Galatians 1:10

11I katitiki ong komail ri ai kan, rongamau me i padakier, a sota tapi sang ren aramas.Select Galatians 1:11

12Pwe i sota ale sang ren aramas amen, o sota me padaki ong ia, a a koki dong ia kasale pan Iesus Kristus.Select Galatians 1:12

13Pwe komail ronger duen ai wiawia en mas nan pung en men Sus akan, duen i kin morouo ong momodisou en Kot lapalapia o kawe ir ala.Select Galatians 1:13

14O i kakairida nin lamalam en Sus akan madang sang me toto, me kit ti ta ieu o toun sap ta ieu, o i nantiong kapwaiada padok en sam at akan.Select Galatians 1:14

15A Kot lao kupureda, me kotin kilele ia di sang ni kaped en in ai, o me kotin molipe ia ki a mak,Select Galatians 1:15

16En kasale ong ia sapwilim a Ol, pwe i en padaki ong men liki kan duen i, i ap pitipit wiada o sota kalelapok ren uduk o nta.Select Galatians 1:16

17O i pil so pwar lang Ierusalem ren irail, me wanporon akan mo i, a i kolang Arapien ap pil pure dong Damaskus.Select Galatians 1:17

18Ari, murin par silu i ap kodalang Ierusalem, pwen kilang Kepas. I ap mimieta re a ran eisoklimau.Select Galatians 1:18

19A sota amen ren wanporon akan, me i kilang, Iakopus ta, ri en Kaun o.Select Galatians 1:19

20A me i inting wong komail, Kot me kotin mangi, me i sota likam.Select Galatians 1:20

21Muri i ap kola nan wein Sirien o Silisia.Select Galatians 1:21

22A momodisou en Iudäa kan me mi pan kupur en Kristus sasa ia.Select Galatians 1:22

23A i eta, irail ronger, me i me kin morouo ong kit mas o, i me kin padaki poson ansau wet, me a kin kaokaoe mas o.Select Galatians 1:23

24Irail ap kalinganda Kot pweki ngai.Select Galatians 1:24