6Galatians 6

1RI ai kan ma aramas amen pan lodi ong me sued kot, komail, me ngenin kasapaledo i ni ngen en opampap, ap masamasan pein uk, pwe koe ender pil lodi ong songesong.Select Galatians 6:1

2Pelikitki pena nan pung omail katoutou pamail, pwe iduen komail pan kapwaiada kapung en Kristus.Select Galatians 6:2

3Pwe ma amen lamelame, me i meakot, nan a kin kotaue pein i, pwe sota i meakot.Select Galatians 6:3

4A amen amen en kasasong ong pein a wiawia, ap pan suaiki pein i, a kaidin amen aramas.Select Galatians 6:4

5Pwe amen amen en pein wa audepa.Select Galatians 6:5

6A me kin padakki masan o, en kida song en mau karos ong i, me kin padaki i.Select Galatians 6:6

7Komail der kiki ong, me komail pan kak piti Kot, pwe meakot aramas kin kamoredi ong, i me a pan dolung sang.Select Galatians 6:7

8Pwe me kin kamoredi ong ni uduk a, a pan dolung sang ni uduk a men soredi; a me kin kamoredi ong Ngen, a pan tungole sang ren Ngen maur soutuk.Select Galatians 6:8

9Kitail der pangaki atail wiawia mau kan, pwe ni ansau me kon ong, kitail pan dolung, ma kitail sota pan pangadar.Select Galatians 6:9

10Ma a kak pa atail, kitail en wia mau ong karos, a mas ong kisan me poson akan.Select Galatians 6:10

11Kilang duen kisin likau laud, me i inting wong komail er ki pein pa i.Select Galatians 6:11

12Ir me kin men lolok mau ni uduk, kin inong iong komail en sirkomsaiselar; pwe irail ender kamekame ki lopu en Kristus.Select Galatians 6:12

13Pwe pein irail me sirkomsaisela, sota kin kapwaiada kapung, a irail kin men, komail en sirkomsaisela, pwen suaiki uduk omail.Select Galatians 6:13

14A duen ngai, i sota man mauki suaiki, a iet eta iran lopu en atail Kaun Iesus Kristus, pweki i sappa katia sang ia o ngai katia sang sappa.Select Galatians 6:14

15Pwe sirkomsais de sosirkomsais sota meakot, a me kawilikapadar.Select Galatians 6:15

16Irail karos me inen ki wei ta padak pot et, en popol o kalangan, o ong Israel en Kot.Select Galatians 6:16

17Sang met kokolata sota amen en morouo ong ia, pwe i wa sili ta nan war ai lip en Iesus akan.Select Galatians 6:17

18Mak en atail Kaun Iesus Kristus en kotikot ren ngen omail ri ai kan! Amen.Select Galatians 6:18