71 Corinthians 7

1A IET duen me komail intingie dong ia, a mau ong aramas amen, a ender sair li amen.Select 1 Corinthians 7:1

2Ari so, amen amen en ale pein a warok li, o amen amen en ale pein a warok ol, pwen der dender.Select 1 Corinthians 7:2

3Ol o en wiai ong a warok li me inen, a pil dueta li ong a warok ol.Select 1 Corinthians 7:3

4Li o sota kak poedi pein war a, a a warok. Pil dueta ol o sota kak poedi pein war a, a a warok.Select 1 Corinthians 7:4

5Der so oke amen amen, ma so, pweki inau ansau kis, pwen mot isesol rer ekis o kapakap, ap pur pena, pwe Satan de kasongesong komail omail so oke pena.Select 1 Corinthians 7:5

6Mepukat kaidin kusoned eu, pwe pein ai lamelam.Select 1 Corinthians 7:6

7A i men aramas akan karos en dueta ngai. A amen amen aleer pein a pai en mak sang ren Kot duen amen amen.Select 1 Corinthians 7:7

8A ngai indai ong me so papaud o li odi kan, me mau irail en dadaur dueta ngai.Select 1 Corinthians 7:8

9A ma irail sota kak ong, irail en papaud; me mau papaud sang dender.Select 1 Corinthians 7:9

10O ong me papaud akan ngai me ilaki wei, a kaidin ngai pwe Kaun o: Li papaud ender kamuei wei sang a warok!Select 1 Corinthians 7:10

11A ma a muei wei sanger, i en dadaurata a kirip de kadeke a warok, o ol ender kasela a warok.Select 1 Corinthians 7:11

12Kaidin Kaun o, pwe ngai men indang me tei kan: Ma ri atail ol amen mia, me a paud soposon amen, ap men mimieta re a, a ender kasela li o.Select 1 Corinthians 7:12

13Pil dueta li amen, ma a warok soposon amen o a men mimieta re a, a ender kasela ol o,Select 1 Corinthians 7:13

14Pwe ol soposon me kasaraui kilar li o, o li soposon kasaraui kilar ol o, pwe ma a so due met, noumail seri kan me samin, a met irail me saraui.Select 1 Corinthians 7:14

15A ma me soposon o pan muei wei sang, ari i en muei wei sang; ri ol de ri li sota kin kaupindi ni mepukat. A Kot me kotin molipe kitail, pwen popol pena.Select 1 Corinthians 7:15

16Pwe iaduen, koe li o, koe asa, me koe pan kak kamaurela ol o? De koe ol, koe pan kamaurela li o?Select 1 Corinthians 7:16

17A duen Kaun o pang ong amen amen, duen Kot molipe ong amen amen, iduen dadaurata; nan iduen ngai ilakilang momodisou akan karos.Select 1 Corinthians 7:17

18Ma amen me paeker ni sirkomsais, i en dadaurata a sirkomsais, a ma amen me paeker ni sosirkomsais, i ender iang sirkomsais.Select 1 Corinthians 7:18

19Pwe kaidin meakot sirkomsais, o pil kaidin meakot sosirkomsais, a wiawia kusoned en Kot akan.Select 1 Corinthians 7:19

20Amen amen en dadaurata udan a koa ni a paeker.Select 1 Corinthians 7:20

21Ma koe paeker ni om ladu, koe der insensuedeki, a ma koe pan kak maioda sang, ari pil me mau.Select 1 Corinthians 7:21

22Pwe ladu men, me paeker ong Kaun o, nan a maio ren Kaun o; o pil dueta me maio men paeker ap pan ladun Kristus men.Select 1 Corinthians 7:22

23Komail me neti kidar pai eu, der wiala ladun aramas akan.Select 1 Corinthians 7:23

24Ri ai kan, amen amen dadaurata ut arail ren Kot.Select 1 Corinthians 7:24

25A duen peinekap akan, sota kusoned eu sang ren Kaun o; a pein ai lamelam mia, pwe i aleer mak en Kaun, pwen kak melel.Select 1 Corinthians 7:25

26Iet me i lameda, me mau ong aramas sota papaud, pwe ni ansau apwal wet.Select 1 Corinthians 7:26

27Ma koe kapapaud ong li amen, ender men muei sang, a ma so om paud mia, ender rapaki li amen.Select 1 Corinthians 7:27

28A kaidin dip eu, ma koe pan papaud; o ma seripein amen pan papaud, kaidin dip. A a pan apwal ong mepukat ni pali uduk arail. A ngai sota men, me apwal kot en lel ong komail.Select 1 Corinthians 7:28

29A ri ai kan, mepukat i indada, pweki ansau o me motomot. A pil eu: Me mau ong me ar warok mier, en wia dene sota ar warok;Select 1 Corinthians 7:29

30O me kin sangesang, dene sota sangesang; o me kin pereperen, dene sota ar peren; o me kin netinet, dene sota ar kapwa.Select 1 Corinthians 7:30

31O me dodokki sappa, ren kalaka, pwe eder wiaki me sued. Pwe mom en sappa et pan rosala.Select 1 Corinthians 7:31

32A i men, komail ender lodi ong me apwal. Me sota papaud, kin apwali me sapwilim en Kaun o, duen a pan kaperenda Kaun o.Select 1 Corinthians 7:32

33A me papaud, kin lamelame, me kon ong sappa, duen a pan kaperenda a paud.Select 1 Corinthians 7:33

34A nan pung en li papaud o peinekap me wuk pasang: Me sota papaud, kin apwali me sapwilim en Kaun o, pwen saraui ni pali war o pil ni pali ngen; a me papaud, kin inong iong me kisan sappa, duen a pan kak kaperenda a warok.Select 1 Corinthians 7:34

35Mepukat i inda wei, pwen kamaui komail, a kaidin pwen saliedi komail, a pwen sauasa komail, pwe karos en inen o pung re omail, o pwe komail en papa Kaun o.Select 1 Corinthians 7:35

36A ma amen lamelame, me sapung, ma a sota pan mueid ong na seripein, me mau ong papaud, en papaud; ari, a pan wia duen me a mauki, pwe kaidin dip, ma a pan mueid ong i en papaud.Select 1 Corinthians 7:36

37A ma amen me kelail ni mongiong i, pil kelail ong kaunda, pein insen a, ap inauki ong nan mongiong i en kolekol na seripein, i me mau.Select 1 Corinthians 7:37

38Ari, ma amen pan papaud me mau, a ma amen sota pan papaud, me mau sang.Select 1 Corinthians 7:38

39Li papaud amen me kaupina kidi pung en papaud arain a warok memaur; a ol o lao mela, nan a maio ong kapapaud, me a mauki, i eta; a en wiaui ren Kaun.Select 1 Corinthians 7:39

40Meid pai, ma a pan dadaurata a kirip duen me i lameda, A ngai asa, me Ngen en Kot pil kotikot re i.Select 1 Corinthians 7:40