62 Corinthians 6

1KIT men sauasa kai, men panaui komail, pwe komail de ale mal mak en Kot.Select 2 Corinthians 6:1

2Pwe a kotin masani: I rong uk er ni ansau mau, o ni ran en kamaur I katoi uk adar. Kilang ansau wet ansau mau; ansau wet ran en kamaur.Select 2 Corinthians 6:2

3Kit sota kadipikelekel ong meakot, pwe at koa dodok ede kalok sued.Select 2 Corinthians 6:3

4A ni meakaros kit kin wia sansal en papa en Kot akai: Ni kanongama melel, ni kamekam, ni paiio kan, ni kamasak kan,Select 2 Corinthians 6:4

5Ni wokwok, nan imateng, ni moromorong, ni dodok, ni masamasan, ni isesol.Select 2 Corinthians 6:5

6Ni makelekel, ni lolekong, ni lolin, ni kadek, ni Ngen saraui, ni limpok melel,Select 2 Corinthians 6:6

7Ni masan melel, ni manaman en Kot, ki tatan mauin en pung pali maun o pali maing,Select 2 Corinthians 6:7

8Ni kaka, o sokaka, ni kalok sued, o kalok mau, dene kaweid sapung, ari so, me melel,Select 2 Corinthians 6:8

9Dene pasase, ari so, kit me indand; koren iong mela, a kilang kit memaureta; me kin kamekam, ap sota kamela,Select 2 Corinthians 6:9

10Ni insensued, ap pereperen ansau karos, me samama, ap kakepwapwala me toto, sota at meakot, ap aneki meakaros.Select 2 Corinthians 6:10

11Men Korint, au at ritidang komail, o nan mongiong it me laudi ong komail.Select 2 Corinthians 6:11

12Kaidin me tikitik deu ’mail nan mongiong it, a mongiong omail me tikitik.Select 2 Corinthians 6:12

13I kin padaki ong komail dueta ong seri kan, pwe komail en pil wiai ong ia dueta, o kalaudela nan mongiong omail.Select 2 Corinthians 6:13

14Komail ender paroki ong me so poson akan, pwe iaduen, pung kak minimin ong sapung? De marain pan kak waroki ong rotorot?Select 2 Corinthians 6:14

15De iaduen Kristus o Pelial ara kak parok pena? De da pwais en me poson ren me soposon?Select 2 Corinthians 6:15

16De tanpas en Kot pan kak pat ong ani mal akan? Pwe tanpas en Kot ieias iei komail, duen Kot kotin masanier: I pan kauson re ’rail o daudaulole irail, o Ngai pan arail Kot, a irail pan nai aramas akan.Select 2 Corinthians 6:16

17Komail ari muei sang irail o katoror sang pein komail, me Kaun o kotin masani, o ender doke me kasaut kot, Ngai ap pan apwali komail,Select 2 Corinthians 6:17

18O I pan Sam omail, o komail pan nai ol o li akan, me Kaun lapalap kotin masani.Select 2 Corinthians 6:18