22Luke 22

1A KAMADIP en prot somut korendor, me adaneki pasa.Select Luke 22:1

2Samero lapalap o saunkawewe kan raparapaki, pwen kamatala i, pwe irail masak aramas akan.Select Luke 22:2

3A Satan tilong ong Iudas me adaneki Iskariot, me kisan ekriamen ko.Select Luke 22:3

4I ari koieila ren samero lapalap o saumas akan, kalelapok duen a pan pangalang ir i.Select Luke 22:4

5Irail ari peren kida, wiaki eu en ki ong i moni.Select Luke 22:5

6I ari inauki ong irail, o raparapaki, duen a pan pangalang ir i so moromorong.Select Luke 22:6

7Ran en prot somut ap leler, ansaun kamela pasa.Select Luke 22:7

8I ari poronela Petrus o Ioanes masani: U kowei, kaonopadang kitail pasa, pwe kitail en manga.Select Luke 22:8

9Irail idok re a: Ia wasa, re kotin kupura, sen kaonopada?Select Luke 22:9

10A kotin masani ong irail: Kilang, koma lao pedelong kanim o, aramas amen pan tu ong koma, me wa pakit en pil eu, idauen i nan im o, me a pedelong ong lole!Select Luke 22:10

11Koma ap indang kaun pan im o: Saunpadak o masanie dong komui: Ia pera en kairu, wasa I pan manga pasa ia iangaki ai tounpadak kan?Select Luke 22:11

12I ari pan kasale ong koma weip poa eu, me audeki men momod, i wasa koma pan kaonopada!Select Luke 22:12

13Ira lao koieila, ap diarada, duen a kotin masani ong ira; ira ap kaonopada pasa.Select Luke 22:13

14Auer lao leler, i ap kaipokedi ni tepel o wanporon ekriamen iang i.Select Luke 22:14

15I ap kotin masani ong irail. I anane melel iang komail manga pasa wet mon ai pan kalokolok.Select Luke 22:15

16Pwe I indai ong komail, I solar pan kang sang met kokolata, a lao kapungala nan wein Kot.Select Luke 22:16

17I ari kotikida dal o laolaoki ap masani: Ale met, nek nan pung omail!Select Luke 22:17

18Pwe I indai ong komail, I solar pan nim sang kisan wan wain, wein Kot lao pwaidar.Select Luke 22:18

19A kotin limada prot, laolaoki o pilitiki pena, ap kotiki ong irail masani: War ai metet, me pangalang komail! Komail en wia me wet, men kataman kin ia.Select Luke 22:19

20O pil dal en nim murin kasipong masani: Dal wet kadede kap ni mom en nt’ ai, me kapwilepilidi ong komail.Select Luke 22:20

21A kilang, pa en me pan pang ia la, me iang ia ni tepel o.Select Luke 22:21

22Nan melel, Nain aramas pan kokola duen a kileledier, a suedi ong aramas o, me a pan pangkila!Select Luke 22:22

23Irail ari pikikidi idok nan pung arail, is re irail, me pan wiada met?Select Luke 22:23

24Irail pil akamaiki nan pung arail, duen is me pan lapalap re irail.Select Luke 22:24

25A kotin masani ong irail: Nanmarki en wei pokon akan kin poe irail edi o me manaman akan kin adaneki monsap kalangan.Select Luke 22:25

26A komail sota pan dueta, a me lapalap re omail, i en dueta me tikitik, o me kin kaunda, en dueta me kin papa.Select Luke 22:26

27Pwe is me lapalap ren me mondi ni tepel de me kin papa? Kaidin i, me mondi ni tepel? A ngai dueta ladu pamail.Select Luke 22:27

28Nan komail me iang ia ni ai songesong.Select Luke 22:28

29Ngai ari kileledi ong komail wei eu, duen Sam ai kileledi ong ia er;Select Luke 22:29

30Pwe komail en manga o nim ni ai tepel nan ai wei o mondi pon men mondi ko, kakaun kainok en Israel eisokriau.Select Luke 22:30

31Kaun ap kotin masani: Simon, Simon, kilang, Satan ngongkin komail, pwen koko komail dueta wan prot.Select Luke 22:31

32A ngai me kapakapa kin uk, pwe om poson de nikila. A koe lao sapaledo kakelada ri om ol akan!Select Luke 22:32

33A a potoan ong i: Maing, i pan idauen ir lel nan imateng o matala.Select Luke 22:33

34A kotin masani: Petrus, I indai ong uk, nan malek sota pan kakorot ran wet, koe lao kamamki pan silepak, me koe asa ia.Select Luke 22:34

35A kotin masani ong irail: Ni ai kadar komail wei so ed en moni, o so ed en sailok, o so sut, meakot komail lekekilar? Re ap potoan ong: Sota.Select Luke 22:35

36I ari kotin masani ong irail: A met, me a ed en moni mia, en ale o pil ed en sailok, o me so a, i en netekila a likau, ap id netiada kodlas pot.Select Luke 22:36

37Pwe I indai ong komail, me intingidier, pil pan pwai ong ia: A wadawad ong me dipan akan, pwe me intingidier duen ngai, pan kaimwisokala.Select Luke 22:37

38Irail indada: Maing, kotin masani, iet kodlas riapot. A kotin masani ong irail. Ari, i eta.Select Luke 22:38

39I ari kotilang dol Oliwe, duen a kin wia; tounpadak kan idauenla i.Select Luke 22:39

40I lao lel ong wasa o, ap kotin masani ong irail: Komail kapakap pwe komail de ko ong nan songesong.Select Luke 22:40

41I ari tororela sang irail doo weita kapir won takai eu, ap kelepuki laolao.Select Luke 22:41

42Masani: Sam (ai), ma komui mauki, koti ki wei sang ia dal wet, ari so, kaidin insen ai, pwe kupur omui ta en wiaui.Select Luke 22:42

43Nan tounlang amen pwarado sang nanlang katinada i.Select Luke 22:43

44A ni a kotin pador ong mela, ap ngiangiang a laolao, lao pudo a likamata nta, me dingedingedi ong nan pwel.Select Luke 22:44

45A kotida sang a laolao o kotin pur ong tounpadak kan, ir mamair aki ar mamauk.Select Luke 22:45

46Masani ong irail: Da me komail mamairki? Paurida o kapakap, pwe komail de ko ong nan songesong!Select Luke 22:46

47A ni a kotin masani mepukat, kilang, pokon o, o me adaneki Iudas, amen ir ekriamen, tiong mo ’rail, kaikai dong Iesus, pwen metik i.Select Luke 22:47

48A Iesus kotin masani ong i: Iudas, koe pan pang kila metik eu Nain aramas?Select Luke 22:48

49Irail me iang i lao kilanger me pan wiaui, rap indai ong i: Maing, se so pan wokieki ir kodlas?Select Luke 22:49

50Amen ir pala ladun samero lapalap amen o sara sang salong a pali maun.Select Luke 22:50

51Iesus ap kotin sapeng masani: Arier! I ap kotin sair salong a, kakelada i.Select Luke 22:51

52Iesus ap kotin masani ong samero lapalap akan, o kaun pan im en kaudok, o saumas akan, me ko dong i: Dueta lolap amen, me komail koko dong, wa kodlas o katiu kai?Select Luke 22:52

53Ni ran karos ngai iang komail nan im en kaudok, a komail sota man sair ia, pwe ansau wet omail ansau o manaman en rotorot.Select Luke 22:53

54Re ap saikidi i o kalualong ong nan im en samero lapalap o, a Petrus idauenla doowei sang.Select Luke 22:54

55Irail ap saunda kisiniai eu nan warong en kel o mod pena, a Petrus mondi nan pung arail.Select Luke 22:55

56A lidu men kilang i a momod impan kisiniai o kangkakil i indada:Select Luke 22:56

57Iet et pil iang i. I ari kamam kin i indada: Li, i sasa i.Select Luke 22:57

58A mur kis amen kilang i indada: Koe pil amen irail. A Petrus indada: O kaidin ngai!Select Luke 22:58

59Kadekadeo murin auer eu amen katitiki indada: Melel i men et iang i, pwe i kisan men Kaliläa.Select Luke 22:59

60A Petrus indada: O i poneponeki om kasokasoi! A pitipit ni a lokelokaia malek ap kakoroteda.Select Luke 22:60

61Kaun ap kotin saupeido masani Petrus. Petrus ap tamanda masan en Kaun, duen a kotin masani ong i: Mon malek kakorot, koe pan kamam kin ia pan silepak.Select Luke 22:61

62Petrus ari koieila sangesang kaualap.Select Luke 22:62

63A ol oko, me kolekol i, lalaue o woki i.Select Luke 22:63

64Irail lao perala silang i, ap idedok re a indada: Kopada, is i, me pikir uk ada?Select Luke 22:64

65O song en lalaue toto, me re ki ong i.Select Luke 22:65

66A lao ran pasang saumas akan o samero lapalap o saunkawewe kan ap pokon pena o kalua i dong nan arail kapung.Select Luke 22:66

67Indada: Ma koe Kristus, ap katiti ong kit! A kotin masani ong irail: Ma I pan indai ong komail, komail sota pan kamelele;Select Luke 22:67

68A ma I pan idok, komail sota pan sapeng, o pil sota lapwa ia da.Select Luke 22:68

69Ari, sang met Nain aramas pan mondi ni pali maun en roson en Kot.Select Luke 22:69

70Ir karos ap idok: Ari, sapwilim en Kot koe? A a kotin masani ong irail: Komail me indada, pwe ngai i.Select Luke 22:70

71Irail indada: Ari, menda apot kadede? Pwe pein kitail ronga sang nan au a.Select Luke 22:71