24Luke 24

1A NIN tapin wik, nin soran kaualap re pwara dong sousou o, wado potik kai me re kaonopadar;Select Luke 24:1

2Irail ari diaradar, me takai o kadapura sang sousou o,Select Luke 24:2

3O irail lao pedelong ong lole, ap sota diarada kalep en Kaun Iesus.Select Luke 24:3

4Kadekadeo irail lao insensued kidar, kilang, ol riamen, me likau kida likau linang, ap pwara dong irail.Select Luke 24:4

5Irail lao masapwekadar o ikiokidi nan pwel, ira ap masani ong irail: Da me komail raparapaki me maur amen ren me melar akan?Select Luke 24:5

6A soer kotikot met, a iasadar. Tamanda, me a kotin masani ong komail ni a kotikoteta Kaliläa,Select Luke 24:6

7Mamasani: Nain aramas pan pangalang ni pa en me dipan akan, o lopuela, o ni ran kasilu a pan iasada.Select Luke 24:7

8Ir ari tamanda a masan akan.Select Luke 24:8

9O purodo sang nin sousou o, ap kaireki mepukat ong ekamen ko o ong me tei kan karos.Select Luke 24:9

10Maria men Makdala, o Ioana, o Maria in en Iokopus, o me tei ko me iang irail, me kaireki mepukat ong wanporon akan.Select Luke 24:10

11A arail kasoi likamata kasoi likam pot re ’rail, ap sota kamelele.Select Luke 24:11

12Petrus ap uda tangalang sousou o, rukedi ong lole, ap diarada, me likau linen akan ta wonon wasa kis, ap purodo sang o puriamui kida me wiauier.Select Luke 24:12

13A kilang ni ran ota riamen re ’rail momaitelang kisin kanim eu ad a Emaus; a doo sang Ierusalem mail wonu de isu.Select Luke 24:13

14Ira ari kasokasoi penaer duen mepukat karos.Select Luke 24:14

15Kadekadeo ni ara kasokasoi o idedok pena, pein Iesus ap kotin pwara dong ira o iang ira kotila.Select Luke 24:15

16A mas ara me atiat, pwe re de asa i.Select Luke 24:16

17I ari kotin masani ong ira: Da me koma kasokasoi pena ni oma alialu, o da me koma insensued kila?Select Luke 24:17

18Amen ira, me ad a Kleopas, ap sapeng indang i: Koe men wai ta men nan Ierusalem, me sasa, me wiauier wasa o ni ran pukat?Select Luke 24:18

19A kotin masani ong ira: Pwe dakot? Ira ap indang i: Duen Iesus en Nasaret, me saukop manaman amen ni a wiawia o masan akan mon Kot o aramas karos.Select Luke 24:19

20O duen samero lapalap o atail saumas akan ar pangala i pwen pakadeikada ong matala o kalopuela i.Select Luke 24:20

21A se kiki ong, me a pan kotin kamaioda wein Israel. Ari ran wet pong sili pong murin mepukat wiauier.Select Luke 24:21

22O pil kis at li akai kamasak kin kit ar pwaralang sousou o sangkonai.Select Luke 24:22

23Ni ar sota diar kalep a, rap puredo indada, me re diaradar sansal en tounlang kai, me katitiki, me a iasadar,Select Luke 24:23

24O kis at kai kolang sousou o, ap diaradar, duen li oko kasokasoida, a i me re sota diarada.Select Luke 24:24

25A kotin masani ong ira: O koma meid lolepon o pwand nan mongiong omail, en kamelele meakan, me saukop akan kopadar.Select Luke 24:25

26Kaidin i, me udan Kristus en kalokolok ap kodalang a lingan?Select Luke 24:26

27A ap kotin kawewe ong ira kisin likau kan duen pein i, tapiada ni Moses kokodo lel saukop akan.Select Luke 24:27

28Irail ap koren iong kanim, me irail koko ong. I ari kasongesong ira, dene a pan kotin daulul.Select Luke 24:28

29Ira ap ngidingidiki i potoan ong: Kom kotikoteta re at, pwe a pan wasa pongier o ran wet koren iong imwisokela. A ap kotilong ong nan im o, pwen mimieta re ra.Select Luke 24:29

30Kadekadeo ni a kotin iang ira ni tepel o, a kotin limada prot, laolaoki, a lao pilitiki pena, a kotiki ong ira.Select Luke 24:30

31Mas ara ap pad pasanger, ira ap asa i. A ap kotin soredi sang mo ’ra.Select Luke 24:31

32Ira ap inda nan pung ara: Mongiong ata sota mokimokid ni a kotin mamasani ong kita pon al o, ni a kotin kawewe ong kita kisin likau kan?Select Luke 24:32

33Ira ari uda ni auer ota o purelang Ierusalem, o diarada ekamen ko, o me iang ir, kot pena wasa takis,Select Luke 24:33

34Katitiki: Nan melel Kaun o kotin iasadar o pwara dong Simon,Select Luke 24:34

35Ira ap kasokasoi, me wiauier nani al o, o duen ara asaki i a pilitiki pasang prot.Select Luke 24:35

36A ni ar masan pena mepukat, pein Iesus ap kotin pwara dong nan pung arail masani ong ir: Komail popol!Select Luke 24:36

37Irail ari masapwekadar o wapondar, o re kiki ong, me ani men, me re udial.Select Luke 24:37

38A kotin masani ong irail: Da me komail masak ki? O menda lamelam pukat mi nan mongiong omail?Select Luke 24:38

39Komail kilang pa i kat o na i kat, pwe pein ngai ta. Doke ia o kilang, pwe ani sota kin uduk o ti, duen omail kilang ia.Select Luke 24:39

40A lao masani mepukat, ap kasale ong irail lim a o aluwilu a kan.Select Luke 24:40

41A ni ar sota non kamelele pweki ar peren o puriamuiki, ap kotin masani ong irail: Sota kan omail met?Select Luke 24:41

42Rap ki ong i kisan mam inin o onik.Select Luke 24:42

43I ari konot mo ’rail.Select Luke 24:43

44A kotin masani ong irail: I masan akan, me I ki ong komail er, ni ai mimieta re omail, pwe karos en pwaida, me intingidier duen ngai nan kapung en Moses, o saukop akan, o psalm akan.Select Luke 24:44

45I ap kotin kalolikongi irail, pwe ren dedeki kisin likau kai.Select Luke 24:45

46O kotin masani ong irail iduen a intingidier, o iduen udan kalokolok en Kristus, ap maureda sang ren me melar akan ni ran kasilu,Select Luke 24:46

47O padapadaki ong wei karos ni mar a, ren kalula, pwe dip akan en lapwada, a pan tapida nan Ierusalem.Select Luke 24:47

48A komail me saunkadede en mepukat.Select Luke 24:48

49A kilang, I pan kadara dong komail, me Sam ai inaukidar. A komail pan mimieta nan kanim o, komail lao audaudekier manaman sang poa.Select Luke 24:49

50A kotin kalua ir alang Petanien, kotikida lim a, kapai irail ada.Select Luke 24:50

51Kadekadeo ni a kotin kapal ir ada, a kotiwei sang irail, kotidala nanlang.Select Luke 24:51

52Irail ari kaudok ong i, ap pure dong Ierusalem perenda kaualap;Select Luke 24:52

53O re potopot nan im en kaudok kapinga o kaudok ong Kot.Select Luke 24:53