Luke Chapter 5 Old Public Domain Pohnpeian Bible

Gospels · Luke · Old Public Domain Pohnpeian Bible · 39 verses

Verse layout

Overview of this chapter About Luke

📝 Overview of this chapter Flow, key verses and people

누가복음 5장은 예수가 게네사렛 호숫가에서 시몬 베드로와 야고보, 요한을 제자로 부르고, 나병환자와 중풍병자를 고치며, 세리 레위를 부른 뒤 금식 논쟁에 답하는 장이다.

Jump to verse

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39

5Luke · Old Public Domain Pohnpeian Bible

¹A KADEKADEO ni en aramas toto ar tanga dong imp a, pwen rongerong masan en Kot, a kotikot pon kailan le en Kaliläa,

²Ap masani kisin sop riapot, me peipei nan le o, a saused akai keredi sanger widen ar uk kai.

³I ari kotida pon apot ren sop oko, war en Simon, kotin poeki re a, en kaiieila ekis sang ni sap o. I ari kaipokedi, kawewe ong aramas sang nan sop o.

⁴I lao kaimwisokela a masan, ap masani ong Simon: Seisei kowei wasa lol, ap kaduedi oma uk kan, pwe koma en saikidi.

⁵A Simon sapeng potoan ong i: Maing, se laiter pong lao lel wasa ran, ap sota saik at, ari so ar masan, me i pan kaduekidi uk en.

⁶Irail lao wiadar met, rap oro pena mam toto; ara uk ari ola.

⁷Irail ari olole kis arail oko, me mi nin apot sop, pwe re en kodo sauasa irail. Irail ari kodo, kadirela sop riapot, ira ari pan mauidi.

⁸Simon Petrus lao kilanger mepukat, ap poridi sang Iesus, potoan ong: Maing, re kotiwei sang ia, pwe aramas sued amen ngai.

⁹Pwe a puriamuiki o ir karos, me iang i, pweki saik ar, me re saikidi.

¹⁰A pil dueta Iakopus o Ioanes nain Sepedäus ol oko, me iang Simon. Iesus ap kotin masani ong Simon: Koe der masak, pwe sang ansau wet kokola koe pan saikidi aramas.

¹¹Irail kaikilong ong liman sap ar sop oko, re ap kasela karos, idauendo i.

¹²Kadekadeo ni a kotikot nan eu kanim, kilang, ol amen mia, me dir en tuketuk. A lao kilanger Iesus, ap pupekidi mas a, poeki re a potoan ong: Maing, ma re kotin kupura, re pan kak ong kamakel ia da.

¹³I ari kotin kapawei lim a sair i masani: I men, koe en makelekel. Ari, a tuketuk madang modi sang.

¹⁴I ari kotin inapwiedi i, en der indang meamen; a kola kasale ong pein uk samero ko, o kida mairong, pweki om makelekeladar, me Moses masanier, pwen kadede ong irail.

¹⁵A a madang indand sili o pokon kalaimun pokon pena, pwen rong i o kelailada sang ar somau kan.

¹⁶I ari kotin kelepela nan sap tan, pwen laolao.

¹⁷Kadekadeo eu ran ni a kotin kaukaweweda, Parisär o saunkawewe kan, me mod imp a, irail pwarado sang kanim en Kaliläa o Iudäa karos o sang Ierusalem; a roson en Kaun o pwili wei sang i, kakelada amen amen.

¹⁸A kilang, ol akai roado aramas amen me kokon madak, rap raparapaki duen ar pan kak walang lole, pwilikidi mo a.

¹⁹A ni ar sota kak diar wasa, me re pan kai dong impa pweki pokon o, rap dauda pon im o, kakiridi i nan os iangaki pet, lao nan pung arail mon Iesus.

²⁰A lao mangi arail poson, ap kotin masani: Aramas o, dip om akan lapwa sang uk er.

²¹A saunkawewe o Parisär akan ap mongemongeloleki indada: Is men et, me kin lalaue? Is me kak lapwada dip akan, pwe Kot eta?

²²A Iesus lao mangi ar mongemongelol, ap kotin sapeng masani ong irail: Da me komail kin mongemongeloleki lol omail?

²³Da me mongai ren inda, dip om akan lapwa sang uk er, de inda, uda, aluwei?

²⁴A pwe komail en asa, me Nain aramas manaman ong lapwada dip akan nin sappa, iei me a kotin masanieki ong me kokon madak: I indai ong uk, uda, ale ki om kola deu om!

²⁵A madang uda mo ’rail, kida a pet, me a wonon poa, koieilang im a kapikapinga Kot.

²⁶Ir karos ap puriamui kida o kapikapinga Kot, o dire kila masak indada: Ran wet kitail kilanger me kapwuriamui melel.

²⁷Murin mepukat a kotila sang wasa o, ap masani saunopwei amen, ad a Lewi momod nan wasan nopwei, ap masan ong i: Idauen ia do!

²⁸I ari kasela a meakaros, uda, idauenla i.

²⁹Lewi ari wiada kamadip lapalap ong i nan im a; a saunopwei ape me toto, me iang i ni tepel.

³⁰A Parisär o arail saunkawewe kan lipaned ong sapwilim a tounpadak kan indada: Da me komail iangaki saunopwei o me dipan akan manga o nim.

³¹Iesus ap kotin sapeng masani ong irail: Me kelail sota mau ong saunwini, pwe me somau kan.

³²I kodon ekeker dong kalula me dipan akan a kaidin me pung kan.

³³Irail ap potoan ong i: Da me tounpadak en Ioanes akan kaisesol pan pak toto o re kapakap toto, o pil dueta en Parisär akan, a sapwilim omui kan kin tungole o nim?

³⁴A Iesus kotin masani ong irail: O komail sota kak ki ong toun kapar en kamadip en kapapaud en kaisesol arain ol kamod mi re ’rail!

³⁵A eu ran ol kamod pan peuka wei sang irail, i ran oko re ap pan kaisesol.

³⁶A kotin masani ong irail karaseras eu: Sota me kin deik ong likau kap ni likau maring; a ma ei, a pan ter pasang likau kap; a kisan likau kap pil sota pan paroki ong likau maring.

³⁷A sota me kin kodie ong wain kap nan ed maring; a ma ei, wain kap pan ter pasang ed akan, ap wudokila o ed akan pan ola.

³⁸A re kin kodie ong wain kap nan ed kap, ira karos ap nekinek mau.

³⁹O sota, me kin nim sang wain maring, pan mauki wain kap, pwe a kin inda: Me maring o me mau sang.

Old Public Domain Pohnpeian Bible
Tap a verse to copy, share, highlight or add a note. Dotted words link to encyclopedia articles.

39 verses in this chapter

5 / 24 chapters

The text is Old Public Domain Pohnpeian Bible(폰페이어) — From getbible.net (CrossWire SWORD module) · license: 공개 도메인 (Public Domain) Highlights, notes and read marks stay with the chapter whichever version you read. Dotted words are people, places and terms that have an encyclopedia article (marked once per page). Highlights, notes and read marks are saved only in this browser and gathered under My marks.

Luke Chapter 5 Old Public Domain Pohnpeian Bible

Articles mentioning this chapter

More