7Luke 7

1A LAO kotin erela a masan akan karos ong pokon o, a ap kotilang Kapernaum.Select Luke 7:1

2Ladun senturion amen mia, me kasampwal re a, me somau, a pan mela.Select Luke 7:2

3A lao rongada duen Iesus, ap poronelang i saumas en Sus akan, poeki re a, en kotido kakelailada a ladu.Select Luke 7:3

4Irail lao pwara dong Iesus, ap ngidingideki i potoan ong: A war ong, ren kotin wiai ong i mepukat.Select Luke 7:4

5Pwe a kin pok ong toun sap atail o kauadang kit sinakoke o.Select Luke 7:5

6Iesus ap kotin iang ir ala. A ni solar non doo sang im o, senturion ap poronelang i kompok kai, potoan ong: Maing re der kangere ir kotido, pwe i sowar, ren ketlong ong nan im ai.Select Luke 7:6

7Ngai ari sota kin aka, me i war ong poto dong ir. A re kotin masaniata; a ai ladu pan kelailada.Select Luke 7:7

8Pwe ngai pil aramas amen, me mi pan manaman akan, ap kaunda saunpei kai. A ma i pan, indang amen: Kowei! A pan kola; o ong amen: Kodo! A pan kodo; o ong ai ladu: Wiada met! A pan wiada.Select Luke 7:8

9Iesus lao mangi mepukat, ap kotin puriamui kila, saupei dong pokon o, me idauendo i, masani: I indai ong komail, me I saik diar poson lapalap duen met, sota ren men Israel.Select Luke 7:9

10A me pakadarala kan lao purelong ong nan im o, re ap diarada, me ladu o kelailada.Select Luke 7:10

11Kadekadeo murin mepukat a kotilang kanim eu ad a Nain; sapwilim a tounpadak kan toto iang i; o aramas pil me toto.Select Luke 7:11

12A lao koren iong wanim en kanim o, kilang, melar amen, me re wawei, ieros en in a, a iei li odi amen; a toun kanim me toto iang i.Select Luke 7:12

13Kaun o lao masani i, ap kotin kupurela, masani ong i: Eder sangesang.Select Luke 7:13

14I ari koti ong, doke kopa o, a me roa kan ap udi. I ap kotin masani: Manakap, I indai ong uk, paurida!Select Luke 7:14

15A me melar o ap modada, pikekidi lokaia. Iesus ap kotiki ong i ren in a,Select Luke 7:15

16Masak ap kipa ir edi, o kapikapinga Kot indada: Nan saukop lapalap amen, me pwarado re atail, o Kot me kotier ren sapwilim a aramas akan.Select Luke 7:16

17A kasoi pot et duen i lolok sili nan Iudäa o sap karos, me mi imp a.Select Luke 7:17

18En Ioanes a tounpadak kan kaire kin i mepukat karos.Select Luke 7:18

19Ioanes ap molipeido sapwilim a tounpadak kan riamen, porone ira lang Iesus, masanlang i: Ir me pan kotido, de sen auiaui amen?Select Luke 7:19

20Ol oko lao poto dong i, ap potoan ong: Ioanes saunpaptais kadar kit dong ir potoan kalelapok: Ir me pan kotido, de sen auiaui amen?Select Luke 7:20

21A ni auer ota a kotin kakelada me toto sang ar somau, o luet, o ngen sued akan, o kotin kapad pasang mas en me maskun toto.Select Luke 7:21

22Iesus ap kotin sapeng masani ong irail: Koma u kowei, kaireki Ioanes, meakan komail kilanger o ronger: Me maskun akan kilangada wasa, o me luet akan kin alialu, o me tuketuk kan makelekeleda, o me salongepon kin rong wasa, o me melar akan kin maureda, o rongamau me lolok ong me samama kan.Select Luke 7:22

23O meid pai, me sota pan makar kin ia!Select Luke 7:23

24A men kadar en Ioanes lao purela, Iesus ap kotin tapiada masani ong pokon o duen Ioanes: Da me komail koieila en kilang nan sap tan? Komail men kilang alek pot, me kin dueduälokki ang?Select Luke 7:24

25De da me komail koieila en kilang? Komail men kilang aramas amen, me likau kida likau muterok? Kilang, me kin likau kida likau lingan, o kaped en manga, kin mi nan im en nanmarki kan.Select Luke 7:25

26De da me komail koieila en kilang? Saukop amen? Ei, I indai ong komail, a laude sang saukop amen.Select Luke 7:26

27Pwe iei i me intingidier due: Kilang, I kadarala mo mui nai men kadar amen, me pan koki al mo ’mui.Select Luke 7:27

28Pwe I indai ong komail, sota saukop amen me ipwi sang ren li akan, me laude sang Ioanes saunpaptais, ari so, me tikitik nan wein Kot, iei me laude sang i.Select Luke 7:28

29A aramas karos, me rongerong i, o saunopwei kan kapinga Kot ni ar iang paptaiseki paptais en Ioanes.Select Luke 7:29

30A Parisär o saunkawewe kan sapai ong pein irail ni ar mamaleki kupur en Kot, ap sota iang paptais re a.Select Luke 7:30

31A da me I en karasai ong aramas en di wet? O da me irail rasong?Select Luke 7:31

32Irail me rasong seri kai, me kin momod nan wasan net akan o likelikwir nan pung arail indinda: Kit kasakasang, a komail sota kakalek; kit kamamauke kin komail, a komail sota sangesang.Select Luke 7:32

33Pwe Ioanes saunpaptais pwarado, ap sota kang prot, o sota nim wain, a komail kin inda: Nan tewil kin di poa.Select Luke 7:33

34Nain aramas pwarado, manga o nim, a komail kin inda: Kilang, me kaped en manga o kamom sakau, kompoke pan saunopwei o me dipan akan!Select Luke 7:34

35A lolekong kin diarok kida na seri kan karos.Select Luke 7:35

36A Parisär amen poeki i, en konot re a. I ari kotilong ong nan im en Parisär o kaipokedi ni tepel.Select Luke 7:36

37A kilang, li amen mi nan kanim o, me dipan amen, a lao asa, me Iesus kotikot konot nan im en Parisär o, ap wado kokon en alapasta,Select Luke 7:37

38O poridi mur i ni aluwilu a sangesang o pikekidi widenki pil en mas a aluwilu a, o limwieki a pwilipeipei, o metik aluwilu a kan o keieki alapasta.Select Luke 7:38

39A Parisär o, me lukedo i lao kilanger, ap mongemongeloleki indada: Ma ol men et saukop amen, a pan asa, is li o, me sair i, pwe me dipan amen.Select Luke 7:39

40Iesus ap kotin sapeng masani ong i: Simon, I men indai ong uk meakot. I ari indada: Saunpadak, masania do!Select Luke 7:40

41Ol amen mia, me aramas riamen pwaipwand ong. Amen ira pwaipwandeki denar limepuki, a amen limeisok,Select Luke 7:41

42A ni ara sota men kapungala, a kisakisa kin ira la karos. Indang ia, is re ’ra, me pan pok ong i laud?Select Luke 7:42

43Simon sapeng potoan ong: I lamelame i, me a kisakis laud ong. A kotin masani ong i: Koe meid pung kasauiada.Select Luke 7:43

44I ari saupei dong li o masani ong Simon: Koe kilang li men et, I pedelong ong nan im om, a koe sota ki ong ia pil men widen nä i kat, a i me widenki pil en mas a nä i kat, o limwieki a pwilipeipei.Select Luke 7:44

45Koe sota metik ia, a i sota tukedi sang metik nä i kat, sang ni a pedelong lao lel met.Select Luke 7:45

46Koe sota usore kin ia le, a met keiekier nä i kat alapasta.Select Luke 7:46

47Nan i me I indaki ong uk: Dip a kan me toto me lapwadar, pwe a kin limpok laud; a me dip a sota non lapwada, nan a kin limpok tikitik.Select Luke 7:47

48I ari masani ong li o: Dip om akan me lapwadar.Select Luke 7:48

49A me iang mod ni tepel o ap tapiada inda nang pung ar: Is men et, me pil kin lapwada dip akan?Select Luke 7:49

50I ap kotin masani ong li o: Om poson me dore uk ala, kowei popol!Select Luke 7:50