9Luke 9

1A LAO kotin molipe pena ekriamen oko, ap kotiki ong irail kel o manaman, en kaloedi tewil akan karos o kakelada me somau kan.Select Luke 9:1

2I ari kotin porone ir ala, pwen padapadak duen wein Kot o kakelada me somau kan.Select Luke 9:2

3O a kotin masani ong irail: Komail der wala meakot pon al o: Sota sokon, de ed, de prot, de moni, amen pil so pan wa sakit riau.Select Luke 9:3

4O wasa kis me komail pan pedelong ong nan im eu, komail pan mimieta wasa o, komail lao kowei sang ia.Select Luke 9:4

5O meamen kang kasamo komail, komail sapalewei sang kanim o, o sipede sang pwel ni nä omail, pwen kadede ong irail.Select Luke 9:5

6Irail ari kokola, kakan sili nan kisin kanim akan, padaki rongamau o kakelada me somau kan wasa karos.Select Luke 9:6

7A nanmarki Erodes lao mangi duen meakan, me wiauiki i, ap pingidar, pweki akai katitiki, me dene Ioanes iasadar sang ren me melar akan.Select Luke 9:7

8A akai indada, me dene Elias pwarado, o akai me inda, me dene saukop en kaua men iasadar,Select Luke 9:8

9A Erodes masani: Ioanes, i me i lepuke sang mong a, a is men et, me i kin rongerong due? A ap men udial i.Select Luke 9:9

10A wanporon akan lao pure doer, ap kaireki i karos, me re wiadar. I ari kotin uk irail ada, kotilang wasa rir, nan kanim eu, me ad a Petsaida.Select Luke 9:10

11Toun sap o lao asaer, rap idauenla i, i ari kotin kasamo irail, o kotin padaki ong irail duen wein Kot, o kotin kakelada me mau ong.Select Luke 9:11

12A lao pan wasa pongier, ekriamen potodo potoan ong i: Re kotin kadar pasang pokon en, pwen kola nan kisin kanim akan o nan sap, en rapaki wasan pweidi o kan ar kisin manga, pwe kitail kotikot nan sap tan wet,Select Luke 9:12

13A a kotin masani ong irail: Komail pan ki ong irail kan ar manga! Re potoan ong: Lopon prot eta limau o mam eta riamen mi re at. De se pan kola netie dong pokon kalaimun wet manga?Select Luke 9:13

14Pwe irail me ol impan limekid. A a kotin masani ong sapwilim a tounpadak kan: Komail pwini ir pasang wad limek o limek!Select Luke 9:14

15Irail ari wiada o kamod irail edi.Select Luke 9:15

16A kotin limada lopon prot limau o mam riamen, masanda nanlang, laolaoki, pilitiki pena, kotiki ong sapwilim a tounpadak kan, pwe ren nene ong pokon o.Select Luke 9:16

17Irail sak, o karos medier, ap rikada dodo eisokriau luan kamadip o.Select Luke 9:17

18Kadekadeo ni a kotin laolao kelep, sapwilim a tounpadak kan iang i. A kotin kainoma re ’rail masani: Is me aramas kin inda me ngai?Select Luke 9:18

19Irail sapeng potoan ong: Ioanes saunpaptais, a akai me inda Elias, o pil akai kin inda, me dene saukop en kaua men iasadar.Select Luke 9:19

20A kotin masani ong irail: A da me komail kin inda is ngai? Petrus ap sapeng potoan ong: Ir me Kristus sapwilim en Kot.Select Luke 9:20

21A i me kotin padik inapwiedi irail, ren der indang meamen mepukat,Select Luke 9:21

22Masani: Nain aramas pan kalokolok laud, o lokidokila ren saumas, o samero lapalap, o saunkawewe kan, o a pan kamela, o ni ran kasilu a pan maureda,Select Luke 9:22

23Ap kotin masani ong irail karos: Meamen men idauen ia i en tonmeteki pein i o ale a lopu ni ran karos, o idedauen ia do.Select Luke 9:23

24Pwe meamen kanakanai ong maur a, pan pupe sang. A meamen kasela maur a pweki ngai, pan diarada.Select Luke 9:24

25Pwe da me pan mau ong aramas amen, me aneki pena sappa karos, ap kasela pein i o kasapokela pein i?Select Luke 9:25

26Pwe me kin namenok kin ia o ai padak kan, i me Nain aramas pil pan namenokki, a lao kodo ni a lingan, o lingan en Sam a, o na tounlang saraui kan.Select Luke 9:26

27A melel I indai ong komail, akai irail, me mi met, sota pan mela, irail lao udial wein Kot.Select Luke 9:27

28A kadekadeo murin pong walu pong murin masan pukat i ap ukada Petrus, o Ioanes, o Iakopus kotidala pon nana o pwen laolao.Select Luke 9:28

29A ni a kotin laolao mom en silang i ap wukila o sapwilim a likau puetepuetela o lingaling.Select Luke 9:29

30A kilang, ol riamen iang i masan pena! Ira me Moses o Elias.Select Luke 9:30

31Ira pwarado ni ara lingan o mamasani duen a pan kamatala nan Ierusalem.Select Luke 9:31

32A Petrus o me iang i me toutouki mair. Ira lao pirida, re ap udial a lingan o ol riamen kotikot impa.Select Luke 9:32

33Kadekadeo ira lao kotiwei sang re a, Petrus ap indang Iesus: Maing, meid mau atail kotikot met. Kit en kauada kisin im silikis: Tanpas ar, o en Moses, o en Elias; a sasa me a kasokasoi.Select Luke 9:33

34Ni a kasokasoi mepukat, pali en dapok kadupal irail edi, irail ari masakadar ni ar tilong nan dapok o.Select Luke 9:34

35O ngil eu peidido sang nan dapok o masani: Iet nai ol kompok, komail en rong i!Select Luke 9:35

36A ngil wet lao wiauier, re ap diaradar Iesus ta. Ir ari nenenlata; o ni ran oko re sota kaireki meamen duen me re kilanger.Select Luke 9:36

37A kadekadeo manda en ran o irail lao kotidido sang nana o, pokon kalaimun ap poto dong i,Select Luke 9:37

38A kilang, ol amen nan pokon o ngil laudeda potoan ong: Saunpadak, i poeki re ir, re kotin masani dong ai tungol putak o, pwe iei ai ieros.Select Luke 9:38

39Re kotin mangi, ngen o lao koledi i, a kin madang weriwer, a kin senseroki sili, a ap kin pudopud o meid apwal ni a kin koiei sang i.Select Luke 9:39

40Ngai ari poeki ren sapwilim ar tounpadak kan, ren kause wei sang i, a re sota kak.Select Luke 9:40

41A Iesus kotin sapeng masani: O di wet meid soposon o sapung, ia arain ai pan mimi re omail? Ia arain ai pan kokoa komail? Wa dong ia noum putak!Select Luke 9:41

42A ni a kokodo, tewil ap kapururada o seroki sili i, a Iesus kotin kidaueda ngen saut o, o kakelada putak o, ap kapure ong i ren sam a.Select Luke 9:42

43A irail karos puriamuiki manaman en Kot. A ni ar puriamuiki en Iesus a wiawia kan ap kotin masani ong sapwilim a tounpadak kan:Select Luke 9:43

44Masan pukat en kaloledi nan salong omail: Nain aramas pan pangala ni pa en aramas.Select Luke 9:44

45A irail sota weweki masan wet, pwe a rir sang irail, i me irail sasaki. Irail ari masak kalelapok re a duen masan pot et.Select Luke 9:45

46Irail ap pil lamelame, is me pan lapalap re ’rail?Select Luke 9:46

47A Iesus lao kotin mangi ar lamelam nan mongiong arail, ap ale seri men, kida impa a,Select Luke 9:47

48O masani ong irail: Meamen pan apwali kisin seri men et ni ad ai, nan a kin apwali ia, a meamen pan apwali ia, nan a kin apwali, me kadar ia do; a me tikitik re omail, nan i me pan lapalapala.Select Luke 9:48

49Ioanes ap sapeng potoan ong: Maing, se kilanger amen, me kausewei tewil akan ni mar ar. Kit ari inapwiedi, pwe a sota kin iang kit idedauen ir.Select Luke 9:49

50A Iesus kotin masani ong i: Eder inapiedi, pwe me so kin palian komail, nan a kin iang komail.Select Luke 9:50

51A kadekadeo a lao ansau, me a pan peukadala, a ap kotin saupeilang kotilang inen wong Ierusalem.Select Luke 9:51

52A kotin poronela men kadar akan, me pan tiong mo a. Irail ari kokola lele dong kisin kanim en Samaria eu, pwen rapaki wasa, me a pan pweiokidi ia.Select Luke 9:52

53A re sota kasamo i aki a kotin saupeila kotilang inen wong Ierusalem.Select Luke 9:53

54Sapwilim a tounpadak kan Iakopus o Ioanes lao kilanger mepukat, ap potoan ong: Maing, ma re kotin kupura, se pan poeki, kisiniai en moredi sang nanlang, kang irail la, duen Elias wiadar.Select Luke 9:54

55A i kotin saupeido, kapung ong ira masani: Koma sota asa is Ngen, me naina kin koma?Select Luke 9:55

56Irail ap daulul wei nan eu kisin kanim.Select Luke 9:56

57Kadekadeo ni arail kotikot kokodo amen ap potoan ong i: Maing i pan idedauen ir wasa karos me re pan kotila ia.Select Luke 9:57

58Iesus kotin masani ong i: Poks akan por ar mia, o manpir en pan lang pas ar mia, a Nain aramas sota wasa en kaula wei mong a.Select Luke 9:58

59A kotin masani ong amen: Idauen ia do! A i indada: Maing, komui kotin mueid ong ia mas, i en purela sarepedi sam ai.Select Luke 9:59

60A Iesus kotin masani ong i: Me melar akan en sarepedi ar melar akan, a koe kowei kalok sili wein Kot!Select Luke 9:60

61Pil amen potoan: Maing, i pan idedauen ir sili, a re kotin mueid ong ia mas, i en kamurimuri ong toun im ai.Select Luke 9:61

62A Iesus kotin masani ong i: Sota me pan koledi men weirada pwel, ap kilang muri, a sota koiok ong wein Kot.Select Luke 9:62