11 Thessalonians 1

1PAULUS, o Silwanus, o Timoteus ong momodisou en Tesalonik, me ren Kot Sam o Kaun Iesus Kristus. Mak o popol en mi re omail!Select 1 Thessalonians 1:1

2Se kin poden danke Kot ki komail karos o tamataman kin komail ni at kapakap akan.Select 1 Thessalonians 1:2

3O se kin tamatamanda omail wiawia kan ni poson, o omail dodok ni limpok, o omail kanongama ni kaporoporeki atail Kaun Iesus Kristus sansal ong Kot o Sam atail.Select 1 Thessalonians 1:3

4Pwe ri ai kan o kompoke pan Kot akan, se asa duen omail lipilipil re a,Select 1 Thessalonians 1:4

5Pwe at rongamau lel ong komail er, kaidin nin lokaia ta, a pil ni manaman o Ngen saraui, o ni kamelelepa kaualap, pwe komail asa song en aramas da kit re omail pweki komail.Select 1 Thessalonians 1:5

6A komail ale sanger kit o sang Kaun o, ni omail aleer masan o ni kamekam kaualap o ni peren en Ngen saraui.Select 1 Thessalonians 1:6

7Komail wialar kilel en saulang karos mi Masetonien o Akaia.Select 1 Thessalonians 1:7

8Pwe sang re omail masan en Kaun o kaparaparalar, kaidin nan Masetonien o Akaia eta, pwe pil wasa karos omail poson Kot lokila ia; ari, solar me se pan inda.Select 1 Thessalonians 1:8

9Pwe pein irail kaire kin kit, duen at pwaralang komail me pwaida, o duen omail wuki ong Kot sang dikedik en ani kan, pwen papang Kot, me udan maur o melel.Select 1 Thessalonians 1:9

10O auiaui sapwilim a Ol sang nanlang, me a kotin kaiasada sang ren me melar akan, Iesus, me kotin dore kitail sang ni ongiong en Kot, me pan sansaldo.Select 1 Thessalonians 1:10