6Mark 6

1A AP kotila sang wasa o, ap koti dong ni udan sap we, o sapwilim a tounpadak kan idauenla i.Select Mark 6:1

2Lao lel ran en sapat a kotin tapiada kawewe nan sinakoke; me toto, me rong puriamui kila, inda: Ia me lap en ale mepukat? O lolekong da eu, me mi re a, me a kak wiaki manaman pukat?Select Mark 6:2

3Kaidin i kapenta o, nain Maria, o ri en Iakopus, o Ioses, o Iudas, o Simon? A kaidin ri a li akan kin mi re atail? Re ap makar kida i.Select Mark 6:3

4Iesus ap kotin masani ong irail: Sota wasa, me saukop sota wau ia; nan sap we ta o ren sau i ko o toun im a.Select Mark 6:4

5A ap sota kak wia manaman eu wasa o, me somau kai ta, me a kotin pwil po ar lim a ko o kakelail ir ada.Select Mark 6:5

6I ari pone kida ar soposon, ap kotin paang sili kanim akan, kaukawewe.Select Mark 6:6

7A ap kotin molipe dong re a ekriamen oko, o kotin kadar ir pasang riamen me eu o kotiki ong irail manaman, en poedi ngen saut akan.Select Mark 6:7

8Ap masani ong irail, re depa wa meakot ni ar koko sili, sokon eta pot; iermen ed, de prot, pil sota moni nan ed.Select Mark 6:8

9A re ko ong eta nan sut, o der mi nan sakit riau.Select Mark 6:9

10A ap kotin masani ong irail: Wasa kis, me komail pedelong onger ni im eu, komail mimieta, komail lao kowei sang wasa o.Select Mark 6:10

11A wasa eu, me kang kasamo o rong komail, komail sipede sang pwel ni nä omail, ni omail ko sang, pwen kadede ong irail.Select Mark 6:11

12Irail ap kola o padapadaki me ren kalula.Select Mark 6:12

13Re pil kause sang tewil toto o keie me somau toto, kakela ir ada.Select Mark 6:13

14Erodes nanmarki mangiada pwe mar a indandsili, a ap masani: Iei Ioanes saunpaptais o, me mauredar sang ren me melar akan; iei i me a wia manaman pukat.Select Mark 6:14

15Akai inda, me i Elias; a akai, me i saukop amen de amen me due saukop akan.Select Mark 6:15

16Ni en Erodes mangiada, a ap masani: Ioanes, me i lepuke sang mong a; ari, a mauredar.Select Mark 6:16

17Pwe pein Erodes me poron wong, saikidi Ioanes, o saliedi ong nan imateng pweki Erodias, en ri a ol Pilip a paud, pwe a id paude kida i.Select Mark 6:17

18Pwe Ioanes me kapung ong Erodes: Me sota pung omui atia sang en ri omui ol a paud!Select Mark 6:18

19Iei, me Erodias kailong kila i, ap men kamela i; ari, a sota kak.Select Mark 6:19

20Pwe Erodes laan Ioanes, pwe a asa, me i ol pung o saraui amen, i ari tataakata i, ap peiki ong o mamangi pereneki.Select Mark 6:20

21Ari ran mau eu, ran en Erodes a ipwidi, a ap kotin kamadipa a saupedi ko, o a saumas oko, o na me lapalap en wein Kaliläa kan.Select Mark 6:21

22Ari, nain Erodias seripein ap kodo kakalek, kamakamait Erodes o me momod re a ko ni tepel. Nanmarki ap masani ong seripein o: Poeki re i meakot, me koe mauki; i pan ki ong uk.Select Mark 6:22

23I ari kotin kaula: Meakot koe poeki re i, i pan ki ong uk, lao lel apali en ai wei.Select Mark 6:23

24A ap pedoi wei indang in a: Da me i pan poeki? I ari inda: Monga en Ioanes saunpaptais o.Select Mark 6:24

25I ari puredo, madang dong ren nanmarki o, poeki, inda: I men, komui en madang kotikido monga en Ioanes saunpaptais nan eu dal en!Select Mark 6:25

26Nanmarki ap topwaila kaualap, a pweki a kotin kaula o pweki ir, me iang i ni tepel ko a sota men kapapalawei.Select Mark 6:26

27Nanmarki o ap madang poronela saunpei amen, masani, monga en wisikedo.Select Mark 6:27

28A ap kola, lepuke sang monga nan imateng, ap wa kodo monga o nan dal eu ap ki ong seripein o; seripein o ap kiong in a.Select Mark 6:28

29A tounpadak kan lao rongadar, re ap kodo ale kalep a, nekidala nan sousou o.Select Mark 6:29

30Wanporon oko kapokon irail pena ren Iesus, potoan ong i meakaros, me re wia o me re kawewedar.Select Mark 6:30

31A ap kotin masani ong irail: Komail kelepe dong sap tan; kamol mas. Pwe me toto purepure ir; irail ari sota pisokki ong manga.Select Mark 6:31

32Re ap takeda sop kelep kolang sap tan.Select Mark 6:32

33A me toto kilang ar masalwei; me toto asa irail. Ir ari sapal sang kanim karos audi mo a ap pokon pena re a.Select Mark 6:33

34A Iesus lao keredi sang nan sop o, ap masani aramas toto, ap kupura ir ala; pwe likamata irail sip, me sota sile parail. A ap kotin tapiada kawewe ong irail me toto.Select Mark 6:34

35Wasa lao sautik penaer, sapwilim a tounpadak kan ap poto dong re a, potoan ong: Sap tan eu met, ap wasa sautiker;Select Mark 6:35

36Re kotin kadar ir pasang; pwe re en paangewei sap koren kan o kisin kanim akan o pein netiada kan ar prot, pwe sota man ar tungole meakot.Select Mark 6:36

37A ap kotin sapeng masani ong irail: Komail katungole ir! Re ap potoan ong i: Se en kola en netiada prot me denar riepuki, ap ki ong irail ren tungole?Select Mark 6:37

38A ap kotin masani ong irail: Lopon en prot depa mi re omail? Kowei kalelapok! Re lao kalelepok, rap potoan: Me limau o mam riamen.Select Mark 6:38

39A masani ong irail, re en wia pwini ir pasang, kamodang ir di ong nan rä.Select Mark 6:39

40Re ap mondi ni pwin akai; wad epuki o limek ni pwin ko.Select Mark 6:40

41A ap kotikidar lopon en prot limau o mam riamen masandang nanlang laolaoki pwilitiki pasang o ari, kotiki ong sapwilim a tounpadak kan, pwe re en nek ong irail. O mam riamen oko pil nene ong irail karos.Select Mark 6:41

42Irail karos ari mangaer o medier.Select Mark 6:42

43Rap deuk pena kopou eisokriau maremor en kamadip o luan mam oko.Select Mark 6:43

44Irail me tungoler prot oko me ol limekid.Select Mark 6:44

45I ari kotin madang pain sapwilim a tounpadak kan, irail en ko ong nin sop o, tiong wong Petsaida palio, pwe a pan kotin kadar pasang pokon o.Select Mark 6:45

46A lao kotin kadar ir pasang, a ap kotidalang nan nana eu, pwen laolao.Select Mark 6:46

47A lao sautik penaer, sop o mi nan ailep en sed. A a kotin kalakalapuk nan sap.Select Mark 6:47

48I ari masani arail wiawia roro, pwe me ang matong irail. A nin soran a koti dong irail, weid pon sed, a pan dauli ir wei.Select Mark 6:48

49Ari, ni arail kilang a kotin weweid pon sed, re kiki ong, me ani amen. Re ap weriwer.Select Mark 6:49

50Pwe irail karos kilang i, ap masapwekada i ari madang masani ong irail, masani: Komail perenda! Ngai met! Der masak!Select Mark 6:50

51I ari keredang pon sop o, ap moledi. Re ap puriamui kila kaualap o ponepone kida.Select Mark 6:51

52Pwe re sota lamelame prot oko; pwe mongiong arail kakaluakalar.Select Mark 6:52

53Irail lao kotido, re ap inen dong wein Kenesaret, ap kai ong liman sap o.Select Mark 6:53

54Irail lao keredi sang nan sop o, re ap madang asada i.Select Mark 6:54

55Re ap tang pasang wasa karos tapiada wa dong i me somau pon ro ’rail wasa re rong, me a kot ia.Select Mark 6:55

56O wasa, me a kot ia, kisin kanim laud akan de sap, re kin pwilikidi nani al akan me somau kan, ap poekipoeki, pwe re en sair kailan sapwilim a likau ta. Ari, me doke ko karos ap kelailada.Select Mark 6:56