7Mark 7

1PARISÄR akan o saunkawewe kai ap pokon dong re a, me kodo sang Ierusalem.Select Mark 7:1

2Ni ar kilang sapwilim a tounpadak kai kang proteki pa samin, so omiom,Select Mark 7:2

3Pwe Parisär o Sus akan sota kin manga, ma re so omiom mas; pwe re wiawia padok en men kaua ko.Select Mark 7:3

4O ni ar kin puredo sang wasan net, re sota kin manga, ma re so omiom mas o tiak toto, me re aledi, re kin wiawia: Widen dal tikitik, dal laud, dal pras, o men momod.Select Mark 7:4

5Parisär o saunkawewe ko ap kalelapok re a: Da me sapwilim omui tounpadak kan sota wiaki padok en men kaua kan? A re mangata prot so omiom?Select Mark 7:5

6A kotin sapeng masani ong irail: Melel eta en Iesaias a kopadar, me komail malaun akan, iduen a intingidi: Aramas pukat kin kaka kin ia au arail a mongiong arail me doo sang ia.Select Mark 7:6

7Ari, me mal ar kaudok ia, pwe kusoned en aramas eta, me re kin kaukawewe.Select Mark 7:7

8Pwe komail kin kasela kusoned en Kot, ap id wiawia padok en aramas; iet widen dal laud o tikitik ape; o pil akai, me komail kin wiawia.Select Mark 7:8

9A ap kotin masani ong ir, melel me komail kasela kusoned en Kot, pwe komail en apwaliela pein omail padok.Select Mark 7:9

10Pwe Moses masani: Kakaki sam om o in om; o meamen me lalaue sam a de in a en kamela!Select Mark 7:10

11A komail kin inda, ma aramas amen indai ong sam de in a: Korpan (iet wewe: Mairong eu), me koe men aneki sang ia, komail inda, me sota dip a.Select Mark 7:11

12Komail ari sola mueid ong i, en wiai ong sam a de in a meakot.Select Mark 7:12

13Ap kawe kila masan en Kot omail padok, me komail pein wiada. O pil me toto me due met, me komail kin wiawia.Select Mark 7:13

14Ni a kotin molipe pena pokon o re a, a kotin masani ong irail: Komail karos rong ia o weweki!Select Mark 7:14

15Sota meakot men likin aramas, me pan ko ong lole, kasaminela i. A meakan, me koda sang lole, iei eta, me kin kasaminela aramas.Select Mark 7:15

16Meamen me salong a mia men rong, i en rong!Select Mark 7:16

17Ni a kotilong ong nan im eu sang ren aramas oko, sapwilim a tounpadak kan ap kalelapok re a duen karaseras o.Select Mark 7:17

18A ap kotin masani ong irail: Da, komail me pil so lolekong? Komail sota dedeki, me meakot men likin aramas kin ko ong lole, sota kak kasaminela?Select Mark 7:18

19Pwe a sota ko ong nan mongiong; pwe nan kaped eta, ap pidok wei sang, koko sang meakaros?Select Mark 7:19

20A ap kotin masani: Meakan me koda sang lol en aramas, iei me kin kasaminela aramas.Select Mark 7:20

21Pwe sang lol en aramas, sang nan mongiong, lamelam sued kin tapida sang ia: Kamal, nenek, kamela aramas.Select Mark 7:21

22Pirap, norok, sarsued, widing, sengo, poosued, lalaue, lemai, soukoti.Select Mark 7:22

23Mesued pukat karos tapida sang lole, ap kasaminela aramas.Select Mark 7:23

24I ari kotila sang wasa o, kotilang wein Tirus o Sidon, a lao kotilong ong nan im eu, ap sota men, aramas en asa i. Ari, a sota kak rirala.Select Mark 7:24

25Pwe li amen, me na seripein ngen saut ti poa, madang rongada i, ap kodo dairukedi ong ni aluwilu a.Select Mark 7:25

26Li en Krik amen, kisan sap en Siro-Penisia, potoan ong, poekipoeki re a, en kausa sang na seripein tewil o.Select Mark 7:26

27Iesus ap kotin masani ong i: Seri ko pan med mas. Pwe a sota mau, ale en seri ar tungol prot, ap kasedi ong ren kiti.Select Mark 7:27

28A ap sapeng potoan ong i: Melel Maing! Ari, kiti kin tungole maremor en seri ar tungol prot pan tepel.Select Mark 7:28

29A ap kotin masani ong i: Pweki om lokaia en, kowei! Tewil o ko sanger ren noum serepein o!Select Mark 7:29

30Ari, a kolang im a, a ap diarada, me tewil o ko sanger, o na seripein wonon nan deu a.Select Mark 7:30

31A lao pil kotin purela sang wein Tirus o Sidon ap koti dong ni le en Kaliläa, weidedo nan wein Dekapolis.Select Mark 7:31

32Re ap wa dong i salongepon amen, me lotong; irail ari poeki re a, en kotin pwil poa lim a.Select Mark 7:32

33I ari kotin ukala sang i ni pokon o, ap kilong ong sondin lim a nan salong a o likidi sair lo a.Select Mark 7:33

34A ap masandang nanlang, asmamarada, masani ong i: Epata! (iet wewe: Wasok pasang).Select Mark 7:34

35Salong a ap madang wasok pasang o sal en lo a lapwada. A ap lokaia mau.Select Mark 7:35

36I ari kalik irail edi re depa indai ong meamen. A kainapwi irail; ari, re ap kalaudela ar kaloki sili.Select Mark 7:36

37Re puriamui kila kaualap, inda: Me mau, me a wia dar kan! Pwe a kakarongada me salongepon, ap kalokaiada, me lotong.Select Mark 7:37