10Matthew 10

1A LAO kotin molipe penaer sapwilim a tounpadak ekriamen ap kotiki ong irail manaman, en poedi ngen saut akan, pwen kaus ir wei o kamauiala song en somau o luet karos.Select Matthew 10:1

2A iet mar en wanporon ekriamen: Men mas Simon, me maraneki Petrus, o ri a Andreas, o Iakopus nain Sepedäus, o ri a Ioanes;Select Matthew 10:2

3Pilipus o Partolomäus, Tomas o Matäus saunopwei men, Iakopus nain Alpäus, Lepäus, me pil adaneki Tadäus;Select Matthew 10:3

4Simon men Kana o Iudas Iskariot men pangala i.Select Matthew 10:4

5Ekriamen pukat, me Iesus kotin poronela, kotiki ong irail kusoned eu masani: Komail der weweid nani al en men liki kan o der pedelong ong nan kanim en Samaria.Select Matthew 10:5

6A kola ren sip akan en saun Israel, me salongalar.Select Matthew 10:6

7A ni omail kokola komail padapadak indada: Wein nan lang korendor.Select Matthew 10:7

8Kakeada me somau kan, o kamaureda, me melar akan, kamakelekeleda, me tuketuk kan, o kause wei tewil akan; a duen komail aleer ni tiak en kisakis, iduen komail pan kisakis weita.Select Matthew 10:8

9Komail der wewa kold, de silper, de mata nan omail ed akan.Select Matthew 10:9

10Pil der ed en sailok, de sakit riau, de sut, de sokon, pwe toundodok me war ong kan a kisin manga.Select Matthew 10:10

11A ma komail pan pedelong ong nan kanim laud de tikitik eu, raparapaki, ma meamen mi lole, me war ong; ari, komail pan mondi re a, lao komail pan ko wei sang.Select Matthew 10:11

12A ma komail pan pedelong ong nan im o, komail pan ranamau ong tou a kan.Select Matthew 10:12

13O ma re war ong, omail popol pan ko ong irail; a ma re sowar, omail popol pan pure dong komail.Select Matthew 10:13

14A wasa kis meamen sota pan kasamo komail, de sota men rong omail padak, komail ari pedoi sang nan im o de kanim, ap sepede sang pwel ni nä omail.Select Matthew 10:14

15Melel I indai ong komail, nan a pan mongai ong sap en Sodom o Komora ni ran en kadeik o sang kanim o.Select Matthew 10:15

16Kilang I kadar komail la duete sip akan nan pung en kidi en wel; komail ari lolekong dueta serpent, a tiak mau dueta muroi.Select Matthew 10:16

17Perki aramas, pwe re pan pangalang komail kapung kan, o re pan kame komail nan ar sinakoke kan.Select Matthew 10:17

18O Komail pan wisike wong kaun o nanmarki kai pweki ngai, pwen kadede ong irail, o ong men liki kan.Select Matthew 10:18

19Irail lao pangala komail, ede madamadaua duen tiak en omail pan lokaia; pwe a pan ko ong komail, ni auer o me komail pan inda.Select Matthew 10:19

20Pwe kaidin komail, me lokaia, a Ngen en Sam omail, me pan kalokaia komail.Select Matthew 10:20

21A pirien eu, amen pan pangala amen, pwen kamela, a sam na seri, a seri ko pan u ong ar papa o nono, o sauasa, pwe ira en kamela.Select Matthew 10:21

22O komail pan tantat ren aramas karos pweki ad ai; a me pan dadaurata, lei imwi i me pan dorola.Select Matthew 10:22

23A ma re pan kame komail nan eu kanim, komail ari tangala nan eu. Pwe melel I indai ong komail, komail sota pan kanikiala kanim en Israel karos, Nain aramas lao pwarador.Select Matthew 10:23

24Tounpadak sota kin laude sang a saunpadak, de ladu laude sang a monsap.Select Matthew 10:24

25A itar ong tounpadak, en paroki ong a saunpadak o ladu dueta a monsap. Ma re kaadaneki kaun en im o Peelsepup, nan melel kaualap, re pil pan wiai ong toun im akan dueta.Select Matthew 10:25

26Komail ari der masak irail, pwe sota me rir kot, me so pan sansaleda, o me okiok, me so pan kadiarokad.Select Matthew 10:26

27Me I indai ong komail nan rotorot, i me komail katiti nan marain; o me pan ko ong nan salong omail, i me komail pan kalok sili pon im akan.Select Matthew 10:27

28Komail der masak irail, me kin kemela pali war, ap sota kak ong kamela pali ngen. A komail masak melel i, me kak ong kasopokela pali war o ngen nan pweleko.Select Matthew 10:28

29Siok riamen sota kin netila ni denar eu? Ari so, sota amen ira pan pupedi nan pwel, ma sota pwilisang ren Sam omail.Select Matthew 10:29

30Ari pit en mong’ omail karos me wadawad penaer.Select Matthew 10:30

31Komail ari der masak, pwe komail me mau sang siok toto.Select Matthew 10:31

32Meamen pan ponasa ia mon aramas, nan i me I pan ponasa ren Sam ai, me kotikot, nanlang.Select Matthew 10:32

33A meamen ponsasa ia mon aramas, nan i me I pil pan ponsasa ren Sam ai, me kotikot nanlang.Select Matthew 10:33

34Eder kiki ong, me I kodon kamuei maula sappa; kaidin muei mau, me I kokido, a kodlas pot.Select Matthew 10:34

35Pwe I kodon kaliak toror pasang aramas ong sam a, o seripein ong in a, a li o ong en a paud a nono.Select Matthew 10:35

36O pein toun im en aramas amen pan a imwintiti.Select Matthew 10:36

37Me pok ong sam de in a lapa sang a pok ong ia, nan a sowar ia. O me pok ong na putak de seripein lapa sang a pok ong ia, nan a sowar ia.Select Matthew 10:37

38A me so ale a lopu o idauen ia do, nan a sowar ia.Select Matthew 10:38

39Me pan diar maur, i me pan katia sang, a me kasela maur a pweki ngai, i me pan diarada.Select Matthew 10:39

40Meamen kasamo komail, kin kasamo ia, a me kin kasamo ia, nan a kin kasamo i, me kadar ia do.Select Matthew 10:40

41Meamen kasamo saukop amen ni mar en saukop, pan ale pwain en saukop amen. Me kasamo pung amen ni mar en me pung amen pan ale pwain en me pung amen.Select Matthew 10:41

42O meamen pan ki ong dal en pil lamelamur eu, pwe amen tikitik pukat en nim, ni mar en tounpadak amen, melel I indai ong komail, a sota pan katia sang pwain a.Select Matthew 10:42