12Matthew 12

1I ANSAU o Iesus kotila nan mat en korn ni ran en sapat, a sapwelim a tounpadak kan men mangadar, rap dolunga sang wan korn o kangkang.Select Matthew 12:1

2Parisär lau kilanger mepwukat, rap patoan ong i: Masani, sapwilim omui tounpadak kan kin wiada, me sota pung, en wiaui ni ran en sapat.Select Matthew 12:2

3A kotin masani ong irail: Komail sota doropwe, me Dawid wiadar ni a o iang akan men mangadar?Select Matthew 12:3

4Duen a pedelong ong nan im en Kot o kangkang prot en kasansal, me sota pung, i o iang akan en kang, pwe samero akan eta.Select Matthew 12:4

5De komail sota wadoker nan kapung o, duen samero akan ar kin kaupali ran en sapat nan im en kaudok ni ran en sapat, ap sota dip arail?Select Matthew 12:5

6A I indai ong komail, i, me laude sang im en kaudok, mi wasa kis et.Select Matthew 12:6

7A ma komail pan asa wewen kasoi pot et: I kin polauleki kadek a kaidin mairong isis, komail sota pan kadeikada me makelekel akan.Select Matthew 12:7

8Pwe nain aramas pil udan Kaun en sapat.Select Matthew 12:8

9A kotila sang wasa o, ap kotilong ong nan ar sinakoke.Select Matthew 12:9

10A kilang, aramas amen mia, me pa a motorlar. Irail idok re a indada: Me pung, en kakelailada ni ran en sapat? Pwe ren kadipa i.Select Matthew 12:10

11I ari kotin masani ong irail: Is aramas nan pung omail, me na sip amen mia, ma a pupedi ong nan por ni ran en sapat, a so pan poridi ong, kida sang?Select Matthew 12:11

12A iaduen aramas amen sota kasampwal kaualap sang sip amen? I me aramas amen kak wia kida me mau ni ran en sapat.Select Matthew 12:12

13I ap kotin masani ong aramas o: Kapa wei pa om! I ari kapa wei, ap maular dueta pali teio.Select Matthew 12:13

14Parisär ap pedoi sang o kapukapung pena, duen ar pan kamatala i.Select Matthew 12:14

15Iesus lao mangi met, ap kotila sang wasa o, a pokon kalaimun idauenla i; i ari kakelailadar irail karos.Select Matthew 12:15

16O masani ong irail, ren der kalok sili i.Select Matthew 12:16

17Pwen pwaida, me lokido ren saukop Iesaia, me masani:Select Matthew 12:17

18Kilang, i ai ladu, me I piladar, o kompokepa i, me I kin polaule kida. I pan aude kin i Ngen i, o a pan kasale ong men liki kan duen kadeik o.Select Matthew 12:18

19Nan a sota pan akamai de weriwer, o sota amen me pan rong ngil a pon al akan,Select Matthew 12:19

20A sota pan katip pasang alek luet o, o a sota pan kakundi wik inkingkong o, lao a pan kaimwisokala kadeik o.Select Matthew 12:20

21O men liki kan pan kaporoporeki mar a.Select Matthew 12:21

22Me tewil ti poa men, me maskun o lotong ap wisike dong i; i ari kakelailada i, a me maskun o lotong ap lokaia o kilang wasa.Select Matthew 12:22

23Aramas karos ap malamalauak kila indada: Kaidin i sapwilim en Dawid?Select Matthew 12:23

24A Parisär akan lao rongadar, rap indada: Nan sota, me lap en kauseki wei tewil akan, Peelse pup eta, saumas en tewil akan.Select Matthew 12:24

25I ari angi ar lamelam masani ong irail: Wei karos, ma tou a kan pan u pena nan pung ar, a pan ola, o ma toun kanim de toun im eu pan u pena nan pung ar, a sota pan pwaida.Select Matthew 12:25

26O ma Satan pan kause wei Satan, a pan u ong pein i, a iaduen a wei pan kak pwaida?Select Matthew 12:26

27Ma I kin kauseki wei Peelsepup tewil akan, a is me noumail seri kang kin kause kin irail? Irail ari pan omail saunkapung.Select Matthew 12:27

28A ma I kausaki wei Ngen en Kot tewil akan, nan wein Kot lel ong komail er.Select Matthew 12:28

29De iaduen, is me pan kak kolong ong nan im en me kelail amen, kulia sang a kapwa, ma a so saliedi mas me kelail o? A ap pan kak kulia sang a kapwa.Select Matthew 12:29

30Meamen me sota iang ia, iei me palian ia; o me sota kin dolung penang ia, iei me kin kasapoka pasang.Select Matthew 12:30

31I me Ngai indai ong komail, dip karos o lalaue pan kak lapwa sang aramas, a lalaue ong Ngen sota pan lapwa sang aramas.Select Matthew 12:31

32O me pan lalaue Nain aramas, a pan lapwa sang i; a me pan lalaue Ngen saraui, a sota pan lapwa sang i, sota nan muei met pil sota nan muei kokodo.Select Matthew 12:32

33Padukedi tuka mau pot, a wa pan mau; de padukedi tuka sued apot, a wa pan sued. Pwe tuka kin diarok kida wa.Select Matthew 12:33

34Wan serpent komail, iaduen komail kak lokaia mau, pwe komail me sued? Pwe aua kin lokaia sang nan audepan mongiong o.Select Matthew 12:34

35Aramas mau kin kida me mau sang nan pai mau en mongiong i, a aramas sued kin kida me sued sang nan pai sued en mongiong i.Select Matthew 12:35

36A I indai ong komail, lokaia mal karos, me aramas inda, pan puk ong ir ni ran en kadeik o.Select Matthew 12:36

37Pwe sang ni om kasokasoi koe pan kapung kila, o sang ni om kasokasoi koe pan pakadeikada.Select Matthew 12:37

38Saunkawewe o Parisär kai ap sapeng i indada: Saunpadak, se men kilang kilel eu sang re omuiSelect Matthew 12:38

39A i me kotin sapeng masani ong irail: Di sued o kamal o kin rapaki kilel eu, a sota kilel eu, me pan sansal ong irail, pwe kilel en saukop Iona eta.Select Matthew 12:39

40Pwe duen Iona a mimi nan kaped en mam kalaimun amen ran silu o pong sili pong, iduen Nain aramas pan mimi nan mongiong en sappa ran silu o pong sili pong.Select Matthew 12:40

41Ol en Niniwe kan pan u ong di wet ni kadeik lapalap o pan kadeikada, pwe re kalula ni ar rongadar padak en Iona, a kilang, me laude sang Iona mi met.Select Matthew 12:41

42Li nanmarki en pali air amen pan u ong di wet ni kadeik lapalap o pan kadeikada; pwe a pwurado sang ni imwin sappa, pwen rong lolekong en Salomo. A kilang me laude sang Salomo mi met.Select Matthew 12:42

43Ngen saut lao kowei sang ren aramas o, a kin tangatang sili nan sap tan akan, rapaki wasan kamol, a sota, me a diarada.Select Matthew 12:43

44I ap kin inda: I pan purelong nan im ai, me i pedoi sanger. A lao puredo, a diar me a tan, kokok, o kapwater.Select Matthew 12:44

45I ari mi koieila, ale ong i ngen isimen, me sued sang pein i; irail lao pedelong ong lole, rap kaukauson ia, a aramas pan sued sang mas. Iduen a pan wiaui ong di sued wet.Select Matthew 12:45

46A ni a kotin masani ong pokon o mepukat, kilang, in a o ri a ol akan u liki, re men lokaia ong i.Select Matthew 12:46

47Amen ap potoan ong i: Re kotin mangi, in ar o ri ar ol akan mimi liki o men lokaia ong ir.Select Matthew 12:47

48A a kotin sapeng masani ong, me kaireki ong i: Is in ai o is ri ai ol akan?Select Matthew 12:48

49Ap kotin kapawei lim a pon sapwilim a tounpadak kan masani: Kilang, in ai o ri ai ol pukat!Select Matthew 12:49

50Pwe meamen, me kin wia kupur en Sam ai, me kotikot nanlang, nan i me ri ai ol, o ri ai li, o in ai.Select Matthew 12:50