16Matthew 16

1PARISÄR o Sadusär akan ap ko do, kasongesong i o poeki i kilel eu sang nanlang.Select Matthew 16:1

2A ap kotin sapeng masani ong irail: A lao sautiker komail kin inda: Lakap a pan ran kaselel eu, pwe lang me waitata.Select Matthew 16:2

3A ni mansang: A pan katau, pwe lang me waitata o rotorot. Komail kak ong kasauiada mom en lang, a komail sota kak kasauiada kilel en ansau.Select Matthew 16:3

4Di sued o kamal o kin ngongki kilel eu, a sota kilel eu, me pan sansal ong irail, pwe kilel en Iona eta. I ari kotin muei sang irail o koti wei.Select Matthew 16:4

5Sapwilim a tounpadak kan lao kotela lel palio, ap sota arail prot, pwe re monokelar.Select Matthew 16:5

6A Iesus kotin masani ong irail: Kalaka o pereki kalep en Parisär o Sadusär akan!Select Matthew 16:6

7Irail ari kasokasoi nan pung arail indada: Nan pweki sota atail prot, me se wado.Select Matthew 16:7

8Iesus lao mangi mepukat, ap kotin masani: Komail meid soposon, menda komail kasokasoi nan pung omail, iran omail sota wado prot oko?Select Matthew 16:8

9Komail saikenta dedekila o komail sota tamanda lopon en prot limau ren aramas limekid o kopou depa, me komail deuk penaer?Select Matthew 16:9

10Pil so lopon prot isu ren aramas pakid, o kopou depa, me komail deuk penaer?Select Matthew 16:10

11Daduen, komail so lolekongki, me kaidin kisin manga, me i kasokasoi; pwe komail en pereki kalep en Parisär o Sadusär akan,Select Matthew 16:11

12Irail ap weweki, me a kaidin masanier, me ren kalaka kalep en prot, pwe ren kalaka padak en Parisär o Sadusär.Select Matthew 16:12

13Iesus lao koti dong wein Säsarea Pilipi, ap kotin kainoma ren sapwilim a tounpadak kan masani: Da me aramas kin inda, is me ngai, Nain aramas?Select Matthew 16:13

14Irail potoan ong: Akai: Ioanes saunpaptais, a akai: Elias, o pil akai: Ieremias de amen ren saukop oko.Select Matthew 16:14

15Ap kotin masani ong irail: A komail, is me komail kin inda me nai?Select Matthew 16:15

16Simon Petrus ap sapeng potoan ong: Ir me Kristus, Sapwilim en Kot ieias!Select Matthew 16:16

17Iesus ap kotin sapeng masani ong i: Koe meid pai Simon nain Iona, pwe kaidin uduk o nta, me kasale ong uk met, pwe Sam ai, me kotikot nanlang,Select Matthew 16:17

18A I pil indai ong uk, koe Petrus, a I pan kauada pon paip wet ai momodisou a wanim en pweleko kan sota pan kak kawela i.Select Matthew 16:18

19I pan ki ong uk kapiri pan wein nanlang kan. A meakot koe pan saliedi nin sappa, pan salidi nanlang; o meakot, koe pan lapwada nin sappa, pan lapwada nanlang.Select Matthew 16:19

20A ap kotin masani ong sapwilim a tounpadak kan, me ren der indang meamen, me i me Kristus.Select Matthew 16:20

21I ansau me Iesus kotin tapiadar kasale ong sapwilim a tounpadak kan, me a pan kotilang Ierusalem o kalokolok laud ren saumas akan, o ren samero lapalap akan, o ren saunkawewe kan, o me a pan kalokolok toto o kamela o ni ran kasilu a pan maureda,Select Matthew 16:21

22Petrus ap ukadar i, kapukapung i indada: Maing re kotin kupura pein ir, mepukat sota pan pwai ong ir!Select Matthew 16:22

23A ap kotin saupeido masani ong Petrus: Kola muri Satan! Koe men kamakar ong ia, pwe om lamelam kaidin en Kot, a en aramas,Select Matthew 16:23

24Iesus ap kotin masani ong sapwilim a tounpadak kan: Meamen pan idauen ia en tounmeteki pein i, ap wada a lopu, idauen ia.Select Matthew 16:24

25Pwe meamen dorela maur a, pan pupe sang, a meamen kasela maur a pwreki ngai, i me pan diarada.Select Matthew 16:25

26Pwe da kadepa ong aramas o, ma a aneki sappa pon, ap kasela maur a? De da me aramas pan kak kida, pwen kasapaledo maur a?Select Matthew 16:26

27Pwe Nain aramas pan kokido lingan en Sam a, o sapwilim a tounlang kan pan iang i; i ari pan pwain ong aramas akan duen ar wiawia kan.Select Matthew 16:27

28Melel I indai ong komail, akai me iang mimi met, me sota pan mela, irail lao kilang Nain aramas a kodo nan a wei.Select Matthew 16:28