18Matthew 18

1NI auer ota tounpadak kan poto dong Iesus potoan ong: Iaduen is me pan lapalap nan wein nanlang?Select Matthew 18:1

2Iesus lao kotin molipeido kisin seri amen, ap kotin kotiki ong nan pung arail,Select Matthew 18:2

3Masani: Melel I indai ong komail, ma komail sota pan wukila, wiala song en kisin seri, komail sota pan kak ko ong nan wein nanlang.Select Matthew 18:3

4Ari, meamen pan kasapwiledi pein i, dueta kisin seri men et, i me pan lapalap nan wein nanlang.Select Matthew 18:4

5O ma amen apwali kisin seri men due met ni ad ai, i me kin apwali ia.Select Matthew 18:5

6A meamen me pan kamakar amen ir, me tikitik, me poson ia, a mau ong, takai en plaua eu en sali ong tapin wor a, ap kamopela nan madau wasa me lol.Select Matthew 18:6

7Suedi ong sappa pweki a men kamakar akan, Ari so, men kamakar akan udan mia; suedi ong aramas o, me men kamakar pan tapi sang ia.Select Matthew 18:7

8A ma apali en pa om de apali en nä om pan kamakar uk, lepuke sang, o kase sang uk, pwe a mau ong uk ko ong maur ni om dangidang de sikilikil, sang om pa de nä pokon mia, ap ko ong kisiniai soutuk.Select Matthew 18:8

9O ma apali en mas om pan kamakar uk, waikada sang o kase sang uk, pwe a mau ong uk, ko ong maur ni om mas pali, sang mas om pokon mia ap lokidokila nan iai en pweleko.Select Matthew 18:9

10Kalaka, pwe komail der mamaleki amen tikitik pukat; pwe I indai ong komail, me arail tounlang kan, me mi nanlang, kin ariri Sam ai, me kotikot nanlang.Select Matthew 18:10

11Pwe Nain aramas kodon dorela, me salongalar akan.Select Matthew 18:11

12Da me komail lamelame, ma aramas amen, naineki sip epuki, a amen irail pan salongala, a so pan pwilikidi duekduamen pon nana, ap kola raparapaki me salongala?Select Matthew 18:12

13A ma a pan diar, melel I indai ong komail, a pan peren kida, me men en sang duekduamen, me sota salongalar.Select Matthew 18:13

14Iduen Sam omail, me kotikot nanlang, sota kotin men, amen kisin seri pukat en salongala.Select Matthew 18:14

15A ma ri om ol wia dip ong uk, en kelep kila i, kapung ong i dip a; ma a pan rong uk, nan koe kasapaledo ri om.Select Matthew 18:15

16A ma a sota pan rong uk, ap ukada amen de riamen, pwe meakaros en mi ren saunkadede riamen de silimen.Select Matthew 18:16

17A ma a kang rong irail, ap kaireki momodisou, a ma a pil kang rong momodisou, ap wia kin i men liki o saunopwei men.Select Matthew 18:17

18Melel I indai ong komail, me komail pan saliedi nin sappa, pan salidi nanlang, o me komail pan lapwada nin sappa, pan lapwada nanlang.Select Matthew 18:18

19I pil indai ong komail, ma riamen nin sappa pan minimin pene ni meakot, me re men poeki, a pan pwai ong ira sang Sam ai, me kotikot nanlang.Select Matthew 18:19

20Pwe wasa kis, me riamen de silimen pokon pena ni ad ai, i wasa I kin mi nan pung arail.Select Matthew 18:20

21Petrus ap kai dong i potoan ong: Maing, pan pak depa i en makeki ong ri ai ol o, me wia dip ong ia? A itar ma a pan me isepak?Select Matthew 18:21

22Iesus kotin masani ong i: I indai ong uk, kaidin isepak eta, a pan pak isu wad iseisok.Select Matthew 18:22

23I me wein nanlang rasong nanmarki amen, me pan kapukapung na ladu kan.Select Matthew 18:23

24A ni a tapiada kapukapung, amen ap wisike dong i, me pwaipwandeki talent nen.Select Matthew 18:24

25A ni sota a men pwain, a monsap ap masanier, me a pan netila, o a paud, o na seri kan, o karos, me a aneki, pwen pwainda.Select Matthew 18:25

26A ladu o ap poridi mo a pongi, potoan ong: Maing kom kotin kanongama ong ia, i pan pwain ong komui karos.Select Matthew 18:26

27A monsap en ladu o ap pokela, ap lapwada o makeki ong i a pwaipwand.Select Matthew 18:27

28A ladu ota ap koieila, diaradar kis a ladu amen, me pwaipwand ong i denar epuki; i ari koledi i, padik pena tapin wor a indada: Kapungala, ma om pwaipwand mia.Select Matthew 18:28

29Ladu ap poridi mo a, poeki indada: Kom kotin kanongama ong ia, i pan pwain ong komui.Select Matthew 18:29

30A a kang, ap koieila, kasedi ong nan imateng lao a kapungala a pwaipwand.Select Matthew 18:30

31A kis a ladu kan lao kilanger me wiauier, rap mauk kaualap, koieila kaireki arail monsap karos, me wiauier.Select Matthew 18:31

32A monsap ap ekere dong i, masani ong i: Koe meid ladu sued amen! I make ki ong uk er om pwaipwand karos pweki om poeki re i.Select Matthew 18:32

33Menda koe sota kadek ong ri om ladu, duen i kin kadek ong uk er?Select Matthew 18:33

34A monsap ap makar kidar o pangalang i ren saun kalokolok lao a kapungalar a pwaipwand karusia.Select Matthew 18:34

35Iduen Sam ai nanlang, pan pil wia ong komail, ma komail sota pan makeki sang nan mongiong omail ong ri omail.Select Matthew 18:35