23Matthew 23

1IESUS ap kotin kaparok ong pokon o sapwilim a tounpadak kan,Select Matthew 23:1

2Masani; Saunkawewe o Parisär akan kin mondi nan deun Moses.Select Matthew 23:2

3Ari, karos me re indang komail, i me komail en wia o kapwaiada, a der ale sang ar wiawia kan; pwe irail kin indada, ap sota kapwaiada.Select Matthew 23:3

4Re kin pira pena kapwa en wisik me toutou melel, ap kidang pon apar en aramas, a irail sota men sairki sondin pa arail.Select Matthew 23:4

5O re kin kapwaiada ar wiawia kan karos, pwe aramas en ududial. Pwe irail kin kadälape ar kisin likau en kataman o kalaudela ni kailan ar likau.Select Matthew 23:5

6Irail kin ngongki mondi ni tapin tepel ni kamadip o, o leppandam nan sinakoke kan.Select Matthew 23:6

7O re kin mauki, aramas en ranamau ong irail nan deun net, o aramas en wia kin ir Rapi, Rapi,Select Matthew 23:7

8A komail der ngongki, aramas en wia kin komail Rapi, pwe me ta men omail Saunpadak, a komail pirien pena.Select Matthew 23:8

9O komail der kaadaneki meamen sam nan sappa, pwe amen Sam omail, me kotikot nanlang.Select Matthew 23:9

10O komail der ngongki, aramas en wia kin komail saumas, pwe me ta men omail Saumas: Kristus.Select Matthew 23:10

11A me lapalap re omail, en omail papa.Select Matthew 23:11

12Pwe me pan kasapwilada pein i, pan sapwilidi, a me pan kasapwilidi pein i, pan kasapwilada.Select Matthew 23:12

13Suedi ong komail saunkawewe o Parisär akan, malaun komail! Komail kin ritingidi wein nanlang mon aramas akan, pwe komail sota pan pedelong, a me men pedelong, komail sota kin mueid ong.Select Matthew 23:13

14Suedi ong komail saunkawewe o Parisär akan, malaun komail! Komail me ngopur sang im en li odi kan ap liliasos kapakap reirei. Omail kalokolok pan laud melel.Select Matthew 23:14

15Suedi ong komail saunkawewe o Parisär akan, malaun komail! Komail kin pidipidaki sed o sap, pwen wiada proselit amen, a lao wialar, komail ap pan wia kin i toun pweleko amen, me sued sang komail.Select Matthew 23:15

16Suedi ong komail saunkalua maskun, komail me kin inda: Meamen kin kaukila im en kaudok, dene sota katepa, a me kin kaukila kold en im en kaudok, i me pung.Select Matthew 23:16

17Komail pweipwei o maskun, pwe da me kasampwal ren kold de im en kaudok o, me kin kasarauiala kold?Select Matthew 23:17

18O meamen kin kaukila pei saraui, dene sota katepa, a me kaukila mairong, me mi poa dene i me pung,Select Matthew 23:18

19Komail pweipwei o maskun, pwe da me kasampwal ren mairong de pei saraui, me kin kasarauiala mairong?Select Matthew 23:19

20Ari, meamen kaukila pei saraui, kin kaukila i o meakan, me mi poa.Select Matthew 23:20

21O meamen kaukila im en kaudok, king kaukila i iangaki i me kotikot lole.Select Matthew 23:21

22O me kaukila nanlang, kin kaukila mol en Kot o me kin kaipokedi ong poa.Select Matthew 23:22

23Suedi ong komail saunkawewe o Parisär akan, malaun komail! Komail kin mairongki eisokkis eu en minse, o til, o kimel, ap sota insenoki kusoned en kapung kasampwal akan: Pung, o kadek, o poson. Komail wiada mepukat, ap pil kapwaiada me tei kan!Select Matthew 23:23

24Saunkalua maskun komail, me kin isenoki kisin am en wel, ap katalala kamel!Select Matthew 23:24

25Suedi ong komail saunkawewe o Parisär akan, malaun komail! Pwe komail kin kamakelekel kasak o dal liki, a lol me dir en me re kuliada o me sued.Select Matthew 23:25

26Parisär maskun koe, kamakelekele mas lol en kasak o dal akan, pwe pali liki en pil makelekeleda!Select Matthew 23:26

27Suedi ong komail saunkawewe o Parisär akan, malaun komail! Komail rasong sousou kan, me sementen, me kin sansal kaselel, a lole me dir en ti en me melar akan o song en saut karos.Select Matthew 23:27

28I duen komail, me sansal pung mon aramas, a lole komail me dir en malaun o sapung.Select Matthew 23:28

29Suedi ong komail saunkawewe o Parisär akan, malaun komail! Pwe komail kin apapwali sousou en saukop akan o kapwataki sousou en me pung kan.Select Matthew 23:29

30Ap inda: Ma kit mia ni muein sam atail akan, kit sota pan iang irail kamela saukop akan.Select Matthew 23:30

31Ari, pein komail kin kadede, me komail nain me kamelar saukop akan.Select Matthew 23:31

32A komail kaunsokala wiawia en sam omail akan!Select Matthew 23:32

33Komail serpent o wan oter akan! Pala komail pan piti sang kadeik en nan pweleko?Select Matthew 23:33

34Kilang, i me I kadara dong komail saukop akai, o me lolekong kai, o saunkawewe kai; a akai irail, me komail pan kamela, o kalopuela, o akai komail pan kaloke nan omail sinakoke kan, o komail pan paki irail sang nan eu kanim ong nan eu.Select Matthew 23:34

35Pwen kapokon ong komail nta makelekel karos, me kapwilipwilidier nan sappa sang ntan Apel pung kokodo lel ntan Sakarias, nain Parakias, me komail kamelar nan pung en im en kaudok o pei saraui.Select Matthew 23:35

36Melel I indai ong komail, mepukat pan pwai ong di wet.Select Matthew 23:36

37O Ierusalem, Ierusalem, me kin kamela saukop akan o kate me pakadara dong uk kan; pan pak toto, me I pan kapokon pena noumail akan, duen litok kin kompwal pena na purok kan pan pa a, a komail kang.Select Matthew 23:37

38Kilang, im omail pan tanla.Select Matthew 23:38

39Pwe I indai ong komail, komail solar pan kilang ia sang ni ansau wet, lao komail pan inda: Meid iasanai, me kotido ni mar en Kaun o!Select Matthew 23:39