3Matthew 3

1A NI ran pukat Ioanes saunpaptais pwarado, padapadak nan sap en Iudäa,Select Matthew 3:1

2Masani: Komail kalula, pwe wein nanlang korendor.Select Matthew 3:2

3Pwe iei i, me saukop Iesaia katitiki, masani: Ngil en saunkair amen nan sap tan: Komail kaonopada al en Kaun o, kainenela al a!Select Matthew 3:3

4A i Ioanes me a likau wun en kamel o a pirapireki kil in man, a sak a mansiek o oni en nan wel.Select Matthew 3:4

5Toun Ierusalem, o toun Iudäa, o toun sap akan liman Iordan ap koieila re a;Select Matthew 3:5

6O irail paptaisela re a nan Iordan, ni ar weokada dip arail akan.Select Matthew 3:6

7A lao masanier Parisär o Sadusar me toto ko dong a paptais, ap masani ong irail: Dakot wan oter komail! Is me padaki ong komailer, en piti sang ni kamekam me kokodo?Select Matthew 3:7

8Ari, komail kapwareda wan kalula mau!Select Matthew 3:8

9A komail depa lamelame, me komail pan indang pein komail: Nan Apraam sam atail. Pwe i indai ong komail, me Kot kotin kak ong wiaki ong Apraam na seri kai takai pukat.Select Matthew 3:9

10Sile o mier ni tapin tuka kan; a tuka karos me so wa mau, pan paledi o lokidokila nani iai.Select Matthew 3:10

11Melel, i paptais kin komail pil ong kalula, a me kotido muri, nan me laude sang ia, ngai sowar ong, en wa sapwilim a sut; i me pan paptais kin komail Ngen saraui o kisiniai.Select Matthew 3:11

12Sapwilim a tanir mi ni lim a; a pan kotin koko melel sapwilim a pera, ap nekid pena sapwilim a wan korn nan im en nak, a dip akan a pan kotin karong kila kisiniai soutuk.Select Matthew 3:12

13Iesus ap kotido sang Kaliläa, koti dong Iordan ren Ioanes, pwen paptaisela re a.Select Matthew 3:13

14A Ioanes kotin kang, ap potoan ong: Mak eta i en paptaisela re ir, a iaduen ir me kotido re i?Select Matthew 3:14

15A Iesus kotin sapeng masani ong i: Wiada mas, pwe me kon ong kita, en kapwuiada pung kan karos; a ap duki ong i.Select Matthew 3:15

16Iesus lao paptaiselar, ap kotin madangada sang nan pil o. A kilang, nanlang ap ritidang i, i ari kotin masani Ngen en Kot kotidido ni mom en muroi men a kaipokedi po a.Select Matthew 3:16

17O kilang, ngil eu sang nanlang masani: Iet nai ol kompok, me I kin polaule kida!Select Matthew 3:17