4Matthew 4

1IESUS ap kotin kakaluadala ren Ngen nan sap tan, pwen songesong ren tewil.Select Matthew 4:1

2A lao kotin kaisesolar ran pangaul o pon pangaul ap men sak.Select Matthew 4:2

3Men kasongesong ap pwara dong i indada: Ma komui Sapwilim en Kot, en masani, takai pukat en wiala prot.Select Matthew 4:3

4A kotin sapeng masani: A intingidier: Kaidin prot eta, me aramas kin memaureki, pwe masan akan karos, me kin pwili sang nin silang in Kot.Select Matthew 4:4

5Tewil ap kalualang i nan kanim saraui o kauada i pon kongkong en kaudok,Select Matthew 4:5

6Indang i: Ma komui Sapwilim en Kot, kasedi pein komui, pwe a intingidier: A pan kasilaki sapwilim a tounlang kan komui, o irail pan wa komui ni lim ar akan, pwe aluwilu omui ede dipikelekel ni takai eu.Select Matthew 4:6

7Iesus kotin masani ong i: A pil intingidier: Koe der kasongesong Kot om Kaun.Select Matthew 4:7

8Tewil ap pil kaluadalang i pon nana ileile kaualapia eu o kasale ong i wein sappa karos o a lingan,Select Matthew 4:8

9Indang i: Mepukat karos i pan ki ong komui, ma komui men poridi o pongi ong ia.Select Matthew 4:9

10Iesus ap kotin masani ong i: Ko sang ia Satan, pwe a intingidier: Koe en pongi ong Kot om Kaun, i eta koe en papa.Select Matthew 4:10

11Tewil ap muei sang i, a kilang, tounlang kan ap pwarado papa ong i.Select Matthew 4:11

12A lao mangier, me Ioanes salidier, ap kotilang Kaliläa,Select Matthew 4:12

13O a kotin muei sang Nasaret, kotido kaukausonla Kapernaum, me mi ni kailan sed impan sap Sepulon o Naptalim;Select Matthew 4:13

14Pwen pwaida, me lokido ren saukop Iesaia me masani:Select Matthew 4:14

15Sap Sepulon o sap Naptalim, me sal ong sed, palilan Iordan, o Kaliläa en men liki kan,Select Matthew 4:15

16Aramas akan, me momod nan rotorot, kilanger marain lapalap eu, o irail me momod nan sap en mot en mela, marain eu dakar irail adar.Select Matthew 4:16

17I dokan Iesus kotin tapiadar padapadak o mamasani: Kalula, pwe wein nanlang korendor.Select Matthew 4:17

18A lao kotikot sili pon oror en lein Kaliläa, ap masanier pirien eu, Simon, me adaneki Petrus, o ri a Andreas, me kadukaduedi ara uk nan sed, pwe ira me saused.Select Matthew 4:18

19A ap kotin masani ong ira: Idauen ia do, I pan wia kin koma saused en aramas!Select Matthew 4:19

20Ira madang muei sang uk akan o idauenla i.Select Matthew 4:20

21A ni a kotila sang wasa o, ap pil masani eu pirien, Iakopus, nain Sepedäus o ri a Ioanes, me mi nin sop ren sam ara Sepedäus, wonewone ara uk akan. I ari kotin molipe ira do.Select Matthew 4:21

22Ira madang muei sang sop o sam ara ap idauenla i.Select Matthew 4:22

23Iesus ari kotin kakan sili nan Kaliläa kaukawewe nan arail sinakoke kan o padapadak rongamau en wei, o kotin kakelada song en somau o luet akan karos nan pung en aramas akan.Select Matthew 4:23

24I ari indant sili nan Sirien pon. O irail wa dong i me somau kan karos, me aneki song en somau o wairok kai, o me tewil ti poa kan, o me pwepwe kan, o me rerer akan, i ari kotin kakela ir ada.Select Matthew 4:24

25Pokon kalaimun me idauenla i sang Kaliläa o Dekapolis, o Ierusalem, o Iudäa, o sang palilan Iordan.Select Matthew 4:25