7Matthew 7

1DER kadeikada, pwe komail der pakadeikada.Select Matthew 7:1

2Pwe duen kadeik, me komail kadeikekida aramas, iduen komail pan pakadeikada, o duen men song, me komail kin songki, iduen a pil pan song ong komail,Select Matthew 7:2

3A menda koe kilikilang diper ni mas en ri om ol, a sota kan ataut o ni mas om?Select Matthew 7:3

4De iaduen koe pan indang ri om ol: Aui mas, i pan ki sang diper ni mas om. A kilang, ataut apot mi ni pein mas om?Select Matthew 7:4

5Malaun amen koe, ki sang mas ataut ni mas om, koe ap pan kak kilang, duen om pan kak ki sang diper ni mas en ri om ol,Select Matthew 7:5

6Komail der ki ong kidi me saraui kot! O omail pai kan der kasedi ong mon pwik kan, pwe ren de tiak pasang, ap saupeido ngalis komail pasang.Select Matthew 7:6

7Poeki, a komail pan tungole; rapaki, a komail pan diarada; letelet, a a pan ritida mo omail.Select Matthew 7:7

8Pwe karos, me poekipoeki, kin tungole; o me kin raparapaki, kin diarada; o me kin letelet, nan a pan ritida mo a.Select Matthew 7:8

9De is aramas nan pung omail, ma na putak pan poeki kisin prot, pan ki ong i takai eu?Select Matthew 7:9

10De ma a poeki mam amen, pan ki ong i serpent amen?Select Matthew 7:10

11Ari, ma komail me song sued, ap asa, ki ong noumail seri kan kisakis mau, melel kaualap Sam omail, me kotikot nanlang, pan kotiki ong, me poeki re a me mau kan.Select Matthew 7:11

12Ari meakaros, me komail men, aramas en wiai ong komail, i me komail en wiai ong irail, pwe iei kapung o saukop akan,Select Matthew 7:12

13Pedelong ong nan wanim tätik! Pwe wanim me walek o al me tälap, me kodilang mela, o irail me toto, me kin pedelong ong wasa o.Select Matthew 7:13

14A wanim me watikitik, o al me tätik, me ko ong maur o irail me malaulau, me kin diarada.Select Matthew 7:14

15Komail kalaka saukop likam akan, me kin pwara dong komail ni likau en sip, a lole irail song en kidi komad.Select Matthew 7:15

16Komail pan asa kin irail ni arail wa. Pwe da, aramas pan kak dolung sang wain ni karer, de pik sang ni tuka kamadak?Select Matthew 7:16

17Nan iduen tuka mau karos kin wa mau, a tuka sued kin wa sued.Select Matthew 7:17

18Tuka mau sota kak wa sued, o tuka sued sota kak wa mau.Select Matthew 7:18

19Ari tuka karos, me so wa mau pan paledi o lokidokila nuni iai.Select Matthew 7:19

20Ari, komail pan asa kin irail ni arail wa.Select Matthew 7:20

21Kaidin karos, me kin kasokasoi ong ia: Maing, Maing, pan pedelong ong nan wein nanlang, a me kin wiawia kupur en Sam ai, me kotikot nanlang.Select Matthew 7:21

22Me toto pan kasoi ong ia ni ran o: Maing, Maing, kit so kokopadar ni mar omiu, o ni mar omui kausaki tewil akan, o ni mar omui wia kidar manaman toto?Select Matthew 7:22

23I ap pan indai ong irail: I sota mail asa komail, kowei sang ia, komail me kin wiada me sued.Select Matthew 7:23

24A meumen rongada ai padak pukut ap peiki ong, I pan karasai ong i ol lolokong amen, me kauada im a pon paip,Select Matthew 7:24

25Katau lao moredi, o lakape pwilipwiledo, o ang me iripoki dong im o, a sota rongki pasang, pweki a kakauda pon paip.Select Matthew 7:25

26O meamen rongada ai padak pukat, ap sota kapwaiada, nan a pan rasong ol pweipwei men, me kauada im a pon pik en oror.Select Matthew 7:26

27Katau lao moredi o lapake pwilipwilido, o ang ma irepoki dong im o, a rongki pasang; o a rongk laud melel,Select Matthew 7:27

28Kadekadeo Iesus lao kaimwisokela masan pukat, pokon o ap puriamuiki kaualap sapwilim a padak o.Select Matthew 7:28

29Pwe a kotin kawewe ong irail ni manaman, a sota dueta arail saunkawewe kan.Select Matthew 7:29