1Philemon 1

1PAULUS salidi en Kristus Iesus amen, o ri atail Timoteus ong Pilemon kompoke pat o at warok ni dodok kan.Select Philemon 1:1

2O ri atail li Apia, o sauas pat Arkipus, o momodisou, me mi nan tanpas omui;Select Philemon 1:2

3Mak o popol sang ren Kot sam atail o atail Kaun Iesus Kristus en mi re omui!Select Philemon 1:3

4I kin danke ai Kot ni ai kapakap kin komui ansau karos.Select Philemon 1:4

5Pwe i ronger duen omui limpok o poson ong Kaun Iesus o ong saraui kan karos.Select Philemon 1:5

6Pwe poson o me mi re ’tail en kakairida re omui, ni omui dedeki duen me mau kan karos, me mi reatail sang ren Kristus.Select Philemon 1:6

7Kit peren kidar o kamait kilar omui limpok, pwe mongiong en saraui kan en kelail kilar komui, ri ai.Select Philemon 1:7

8I me i aimaki ren Kristus kusoned eki ong komui duen me pan wiaui.Select Philemon 1:8

9Ari so, pweki ai limpok ong komui i men poeki ta re omui, pwe ngai Paulus likailapalar o salidi en Kristus amen.Select Philemon 1:9

10I poeki re omui nai seri Onesimus, me i wiadar ni ai salidi,Select Philemon 1:10

11Me so katepa ong komui mas o, a met a katepa ong komui o ngai.Select Philemon 1:11

12I me i kapure ong komui, komui ari apwali i, dueta pein mongiong i.Select Philemon 1:12

13Pwe i mauki a en mimieta re i, pwen papa ia ni ai saliekidi rongamau, wiliandi komui,Select Philemon 1:13

14A i sota men wia meakot, me sota pwili sang kupur omui, pwe omui wia mau ender mansairen a somansairen.Select Philemon 1:14

15Ele a tang sang re omui ansau kis, pwe komui en pur ong naineki i kokolata.Select Philemon 1:15

16Kaidin due ladu amen, a mau sang ladu amen, pwe due ri omui kompok amen; iduen re i, a re omui pan laud sang ni pali uduk a o ni pali en Kaun.Select Philemon 1:16

17Ma komui akawarok kin ia, apwali i dueta pein ngai.Select Philemon 1:17

18A ma a wia sapung ong komui er, de pwaipwand ong komui, i pan kapungala.Select Philemon 1:18

19Met ngai Paulus intingkier pein pa i, i pan pwain, ari so, i so pan inda, me komui pwaipwand ki ong ia pein komui.Select Philemon 1:19

20Ei ri ai, i men paiekin komui ren Kaun o, kainsenemauda mongiong i ren Kristus.Select Philemon 1:20

21I kaporoporeki om peik, ap inting wong komui. A i asa, me komui pan wia laud sang, me inda.Select Philemon 1:21

22I men, komui en kaonopada deu i, pwe i kaporoporeki, me i pan lapwadang komail ki omail kapakap.Select Philemon 1:22

23En Epapras, ai warok ni ai salidi pan Kristus Iesus, a ranamau wong komui.Select Philemon 1:23

24O Markus, o Aristarkus, o Demas, o Lukas ai warok en dodok kan.Select Philemon 1:24

25Mak en atail Kaun Iesus Kristus kin iang ngen omail! Amen.Select Philemon 1:25