1Philippians 1

1PAULUS o Timoteus ladun Iesus Kristus ong me saraui kan karos en Kristus Iesus o pisop o saunkoa kan nan Pilipi.Select Philippians 1:1

2Mak o popol sang ren Kot Sam atail o Kaun Iesus Kristus en mi re omail!Select Philippians 1:2

3I kin danke ai Kot ni ai tamatamanda komail.Select Philippians 1:3

4I me i kin wiada ni ai kapakap kin komail ansau karos, o i kin kapakap ni pereperen.Select Philippians 1:4

5Pweki omail dadaurata rongamau sang ni tapi o kokodo lel met.Select Philippians 1:5

6O i kamelele me i, me tapiadar wiawia mau eu re omail, pil pan kanikiela lao lel ran en Iesus Kristus.Select Philippians 1:6

7Me pung i en kamelele mepukat duen komail karos, pwe i kin kolekol komail nan mongiong i ni ai salidi wet, wasa i kin kaweweda o kadededa rongamau; a komail karos kin iang ia kapwaiada mak wet.Select Philippians 1:7

8Pwe Kot ai saunkadede, duen i kin loleiteki komail pan kupur en Kristus Iesus.Select Philippians 1:8

9O me i pil kapakapaki pwe omail limpok en lapalapala kakairida ni lolekong o lamalam akan.Select Philippians 1:9

10Pwe komail en kasauiada, da me mau sang karos, pwe komail en melel o pung lao lel ran en Kristus.Select Philippians 1:10

11O direki wan pung kan, me kin wiaui ren Iesus Kristus men kalinganada o kapinga Kot.Select Philippians 1:11

12Ri ai kan, i men, komail en asa ir ai, me dialan kaindindar rongamau,Select Philippians 1:12

13Nan i ai salidi kan pweki Kristus, me pwarapwaradar nan im en monsap o wasa karos.Select Philippians 1:13

14O ri atail toto pan kupur en Kaun, me aingar kidar ai salidi kan, ap aima sang mas o, en padaki masan en Kot ap so masak.Select Philippians 1:14

15A akai kin padaki duen Kristus akpeirin, o akamai, o akai sang nan ar inong mau.Select Philippians 1:15

16A met akan ni limpok, pwe re asa, me ngai salidier, pwen kadede pan rongamau.Select Philippians 1:16

17Irail kin padaki duen Kristus kapei lokaia o so melel, re kiki ong, me re pan kalaudela ai salidi kan;Select Philippians 1:17

18A pil menda? Pwe Kristus kin lolok sili ni song karos, ma ni akamai de ni melel, i me i peren kida, ei i pan pereperen.Select Philippians 1:18

19Pwe i asa, mepukat pan kare ong ia maur soutuk ki omail kapakap o sauas pan Ngen en Iesus Kristus.Select Philippians 1:19

20Duen ai inong iong, o auiaui, o kaporoporeki, me i sota pan namenokala ni eu song. A duen mas o, iduen ansau wet Kristus en kapingan laud ni war ai, ma ni ai pan memaurata de mela.Select Philippians 1:20

21Pwe Kristus, i maur i, o mela ai pai.Select Philippians 1:21

22A ma i pan memaurata ni pali uduk, ai wiawia kan pan kadepa; ari i ap sasa, da me i en pilada.Select Philippians 1:22

23Pwe i mauki ira karos: I inong iong mela, pwen mila ren Kristus, pwe i eta me mau.Select Philippians 1:23

24A ai mimieta ni pali uduk me mau song pweki komail.Select Philippians 1:24

25Ari, i ap asa, me i pan mimieta re omail karos, pwen sauasa omail peren o poson,Select Philippians 1:25

26Pwe omail kaping en lapalapala ren Kristus Iesus ki ai pwaralang komail.Select Philippians 1:26

27Ari, komail weweid duen me warong rongamau en Kristus, pwe ma i pwaralang komail, de ni ai doo, i en rong, me komail keleki ngen ta ieu, o komail lamalam ta pot, i iang kelail dodok ong rongamau ki poson.Select Philippians 1:27

28O komail ender waponki, me kin palian komail akan, pwe i kasansale pan arail pan lokidokila, a omail pan maurela; a mepukat sang ren Kot.Select Philippians 1:28

29Pwe a muei ong komail er pan kupur en Kristus, kaidin poson eta, pwen pil kalokolokeki i,Select Philippians 1:29

30Pwe komail kin wia pei ota, me komail kilanger re i, o me komail kin rong duen ngai.Select Philippians 1:30