3Philippians 3

1A PIL eu ri ai kan, komail en perenki Kaun o! I kin inting wong komail song ta ieu ansau karos, ari so, i me i sota insensuedeki, pwe a kin kakelaile kin komail.Select Philippians 3:1

2Kalaka kidi kan! Kalaka toun dodok sued akan! Kalaka song en sirkomsais sued!Select Philippians 3:2

3Pwe kitail, me kaudok ong Kot ki ngen o suaiki Kristus Iesus, o so kaporoporeki uduk, me sirkomsais.Select Philippians 3:3

4Ari so, men suaiki uduk pil, mi re i. O ma amen kin lamelame, me a kak suaiki uduk, a ngai kak laud sang.Select Philippians 3:4

5Pwe ngai sirkomsaiselar ni auel en ran, ngai kisan men Israel o kainok en Peniamin, o men Ipru amen me tapi sang men Ipru, a nin tiak en kapung Parisär amen.Select Philippians 3:5

6A ngai nantiong mepukat lao lel ong kaloke momodisou kan, o ni ai kapwaiada tiak en kapung, ngai me pung melel.Select Philippians 3:6

7A me pai ong ia, i mamaleki pweki Kristus.Select Philippians 3:7

8Iei melel, i mamaleki meakaros pwe meid kasampwal en dedoki Kristus Iesus ai Kaun, i me i muei sang karos o wia pwel kilar, pwe i en anekila Kristus.Select Philippians 3:8

9O i en kadiarokada re a, me sota pein ai pung, me pwili sang kapung, a me pwili sang poson Kristus, iei pung, me Kot kotin wadok ong poson.Select Philippians 3:9

10Pwe i en dedeki i o manaman en a iasadar, o ai warok ki ong kalokolok pwe i en duela a matala.Select Philippians 3:10

11Pwe i en konodi maureda sang ren me melar akan.Select Philippians 3:11

12Kaidin likamata i konodier de ngai unsokelar; a i kin dadaurata, pwe i en konodi murin Kristus Iesus kotin kono ia dier.Select Philippians 3:12

13Ri ai kan i sota lamelame, me i konodier,Select Philippians 3:13

14A iet eu, me i kin wiada: I likidmaliela men likin sakeri, ap inong iong meakan, me mi moa, o i kilekilang ap tang wong kilel o, me mi moa, iei kating, me Kot kotin kileledi ong ia ren Kristus Iesus.Select Philippians 3:14

15Ari karos me unsokelar, en lamelame due met. A ma komail wuki sang meakot ni lamalam, Kot pan kotin kadiarok ong komail.Select Philippians 3:15

16A me kitail konotier, kitail en inenki wei eta ni lip ota.Select Philippians 3:16

17Ri ai kan idauen ia do, o ale sang me kin kekeid wei duen me komail kilanger re at.Select Philippians 3:17

18Pwe pan pak toto i indang komail er duen me toto, me kin kekeid wei, a met i indang komail ki sangesang, me irail imwintiti pan lopu en Kristus,Select Philippians 3:18

19Me pan lokidokila ni imwi ’rail, me wia aniki kaped arail, me ar wau pan soredi, me kin paieki dipisou en sappa.Select Philippians 3:19

20A deu atail mi nanlang, wasa me se kin auiaui Kaun Iesus Kristus atail Saunkamaur pan pwarado sang ia.Select Philippians 3:20

21Me pan kotin kalinganada war atail pwel, pwen ras ong war a lingan ki manaman, me a pan kotin kaloe kidi meakan karos.Select Philippians 3:21