10Acts 10

1OL amen mi Säsarea ad a Kornelius, me saumas en pwin en saunpei eu, me ad a men Italien,Select Acts 10:1

2Me lelapok o masak Kot iangaki toun im a karos, me poden kisakis ong aramas, o kapakap ong Kot ansau karos.Select Acts 10:2

3A masani ni kasansal eu tounlang en Kot amen, me pwara dong i ni klok silu, masani ong i: Kornelius!Select Acts 10:3

4A kangkakil i o masakadar, potoan ong: Maing, dakot? A kotin masani ong i: Om kapakap akan o koleir leler wasailen Kot.Select Acts 10:4

5Koe ari kadar wong Iope ol akai, ukedo Simon, me pil ad a Petrus,Select Acts 10:5

6Me kin kairu ren Simon saun wia kil en man, me im a sal ong sed;Select Acts 10:6

7A tounlang o, me kotin mamasani ong i, lao kotilar, ap ekeredo na ladu riamen o saunpei lelapok amen, me kin mi re a ansau karos.Select Acts 10:7

8A lao masani ong irail mepukat karos, ap kadar ir alang Iope.Select Acts 10:8

9A mandan ran o ni ar sapasapalwei o koren iong kanim o, Petrus ap kotila pon im o, pwen kapakap impan klok eisokriau.Select Acts 10:9

10Ap men sakadar o a pan sak. A ni ar kaonopadang i, ap masani kasansal eu:Select Acts 10:10

11A kilanger nanlang a ritidar o ed eu likamata tein pwainok kalaimun kokodi, me imwi kan pukopuk pena o pwilidi ong nani pwel.Select Acts 10:11

12Song en man en sappa karos mi lole, me kin aluki pa, o me laualo, o man korop kai, o manpir en pan lang.Select Acts 10:12

13O ngil eu peidi dong i masanier: Petrus, paurida, kamela o manga!Select Acts 10:13

14A Petrus potoan ong: Kaidin Maing, pwe i kaikenta manga me mal kot, de me samin.Select Acts 10:14

15A ngil o masani ong i kariapak: Meakot, me Kot kamakelekeladar koe der mamaleki!Select Acts 10:15

16Mepukat wiauier pan silepak! Ed o ap kapuredalang nanlang.Select Acts 10:16

17A Petrus ni a kotin ponepon kidar wewe en kasansal o, me a masanier, kilang, ol oko me pakadarado sang ren Kornelius, ap rapaki im en Simon o uda pan wanim o,Select Acts 10:17

18O likilikwir pepeidok, ma Simon, me pil mar a Petrus kotikot wasa o.Select Acts 10:18

19A Petrus ni a kotin madamadaua duen kasansal o, Ngen ap kotin masani ong i: Kilang ol silimen raparapa kin uk.Select Acts 10:19

20Uda o kodiwei iang irail o so peikasal, pwe Ngai me kadar irail do.Select Acts 10:20

21Petrus ap kodilang ren ol oko, masani: Kilang, iet ngai, me komail raparapaki. Da karepen omail kodo?Select Acts 10:21

22Irail inda: Kornelius saumas en saunpei amen, ol pung amen, me masak Kot, o kalok mau ren Sus akan karos, me mangier sang ren tounlang saraui en Kot amen, en poron dong komui, en kotido nan tanpas a, pwen mangi sang komui masan akan.Select Acts 10:22

23I ari kasamo ir long o kinte kin irail er. A mandan ran o a kotin iang ir wei; o saulang en Iope kai pil iang i.Select Acts 10:23

24A mandan ran o re leler Säsarea. A Kornelius kapokon pena sau i o kompokepa kan ap auiaui irail.Select Acts 10:24

25A Petrus lao pedelong ong, Kornelius ap tu ong i o pupedi ong ni aluwilu a o kaudok ong i.Select Acts 10:25

26A Petrus kauada i indada: Uda, pwe ngai pil aramas amen.Select Acts 10:26

27A ni ara masan pena, ap pedelong ong, diaradar me toto momod pena.Select Acts 10:27

28I ari masani ong irail: Komail asa, me a sota inen, ol en Sus amen en pat ong men liki amen de kola re a. A Kot kotin kasale ong ia, i ender mamaleki de sauteki amen aramas.Select Acts 10:28

29I me i koki do o so peikasal ni ar idok ia. Ari, i men kalelapok, da karep en omail eker ia do?Select Acts 10:29

30Kornelius ap masaniada: Mon pong pa pong ngai kaisesol lel auer wet. A ni klok duau i kapakap nan im ai. A kilang, ol amen me kot mo i, mi nan likau lingaling,Select Acts 10:30

31O masani: Kornelius, om kapakap me pwaida, o om koleir leler kupur en Kot.Select Acts 10:31

32Ari, ilakilang Iope, pwe Simon me pil ad a Petrus, en kodo. A kakairu nan im en Simon saun wia kil en man, me sal ong sed. A lao pwarado, a pan padapadaki uk.Select Acts 10:32

33Ngai ari pitipit ilakilang komui, a meid mau omui pwarador. Ari iet kit karos sansal mon Kot, pwe sen rong meakan, me Kot masani ong komui.Select Acts 10:33

34Petrus ap kotiki pasang silang i indada: Melel, i asaer, me Kot sota kin kotin lipilipiliki aramas,Select Acts 10:34

35A nan sap karos meamen masak i o wiawia me pung, nan i me konekon re a.Select Acts 10:35

36Masan o me a kotin kadara dong men Israel, en kaire kin irail popol ren Iesus Kristus. (Nan i me Kaun pan meakaros).Select Acts 10:36

37Komail asa masan me kalok sili me tapidar nan Kaliläa lel Iudäa pon murin paptais, me Ioanes wiada padak due.Select Acts 10:37

38Duen en Kot a kotin keiekier Iesus en Nasaret Ngen saraui o manaman, me kotin kakan sili wiawia mau o kakeladar me tanwar en tewil, pwe Kot kotin ieiang i.Select Acts 10:38

39A kit karos me saunkadede en meakaros, me a kotin wiadar nan sap en Sus akan o pil Ierusalem, me re pasuredi ong nin tuka o kamatalar.Select Acts 10:39

40Nan i me Kot kotin kaiasadar ni ran kasilu o kasaleda i.Select Acts 10:40

41Kaidin ong aramas karos, pwe ong saunkadede kai, me pilipildar ren Kot, kit me iang i sak o urak murin a iasadar sang ren me melar akan.Select Acts 10:41

42I ari masani ong kit, sen padapadak ong aramas o kadede melel, me i, me Kot kotin piladar, pwen Saunkapung pan me maur o me melar akan.Select Acts 10:42

43A saukop karos kin kadede duen i, me dip en ir karos, me poson i, pan lapwada pweki mar a.Select Acts 10:43

44A ni Petrus kotikida masan pukat Ngen saraui ap moredi pon karos, me rongerong padak o.Select Acts 10:44

45A me poson akan, kisan sirkomsais, karos me iang Petrus pwarador, puriamuiki, me Ngen saraui pil moredi pon men liki kan.Select Acts 10:45

46Pwe re rongadar ar lokaia kida ngil toror kapinga Kot. Petrus ap masanier:Select Acts 10:46

47Is me pan inapwiedi pil, me mepukat ender paptaisela, pwe re aleer Ngen saraui dueta kitail?Select Acts 10:47

48I ari masani, me ren paptaisela ni mar en Iesus Kristus. Irail ap poeki, a en mimieta re ’rail ran akai.Select Acts 10:48