11Acts 11

1WANPORON o saulang kan, me mi Iudäa, rongadar, me men liki kan pil aleer masan en Kot.Select Acts 11:1

2Petrus lao pwara dong Ierusalem, me kisan sirkomsais oko ap akamai ong i indada:Select Acts 11:2

3Kom pwarala ren ol akai me so sirkomsais oko o manga re ’rail.Select Acts 11:3

4A Petrus pikikidi masani ong irail karos me wiauier irerokedo masani:Select Acts 11:4

5Ngai mi nan kanim Iope wia kapakap. O ni ai wukilar, i kilanger kasansal eu: Ed eu kodido sang nanlang likamata tein pwainok kalaimun eu, me imwi kan pukopuk pena o a kodido imp ai.Select Acts 11:5

6Ni ai kangkakil, i ap diar o kilanger man aluki pa en sappa kai, o man laoalo, o man korop, o manpir en pan lang.Select Acts 11:6

7Ngai ari rongadar ngil eu, me masani ong ia: Petrus, paurida, kamela o manga!Select Acts 11:7

8A ngai potoan ong: Kaidin Maing, pwe sota me mal kot, de me saut kin ko ong nan au ai.Select Acts 11:8

9A ngil kariapak sapeng sang nanlang: Meakot me Kot kamakelekeledar, koe der mamaleki!Select Acts 11:9

10Mepukat wiauier pan silepak, ap apdar nanlang.Select Acts 11:10

11A kilang, madang ol silimen kasinenda mon im, me i mi lole, me pakadara dong ia sang Säsarea.Select Acts 11:11

12A Ngen kotin masani ong ia, i en iang irail wei so peikasal; a saulang wonemen pukat pil iang ia. Kit ari pedelong ong nan im en ol o.Select Acts 11:12

13I ari kaire kin kit, duen a kilanger tounlang o kotikot nan im a, masani ong i: Kadara wong Iope ol akai, me pan ukedo Simon me pil ad a Petrus,Select Acts 11:13

14Me pan padaki ong uk, me koe o noumui kan karos pan maur kila.Select Acts 11:14

15Ni ai pikikidi padak, Ngen saraui ap moredi ong po ’rail, dueta a kotin moredi ong po ’tail ni tapi o.Select Acts 11:15

16Ngai ari tamanda masan en Kaun o, me a kotin masani: Melel, pil me Ioanes paptais kier, a komail pan paptais kila Ngen saraui.Select Acts 11:16

17Ari, ma Kot kotin kisakisa irail dueta a kotin kisakisa kitail er, kitail me posonlar Kaun Iesus Kristus, is ngai, pwe i en kak palian Kot?Select Acts 11:17

18Irail lao rongadar mepukat ap nenenla o kapinga Kot indada: Nan Kot pil kotiki ong men liki kan en kalula, pwen maurela.Select Acts 11:18

19A me muei pasang ni ansau en kamekam en Stepanus, kakan sili lel Pönisien, o Sipern, o Antiokien o sota padaki ong meamen pwe Sus akan eta.Select Acts 11:19

20A nan pung arail ol akai mia, men Sipern o Kirene, me pwara dong Antiokien, ap pil padaki ong men Krik rongamau en Kaun Iesus.Select Acts 11:20

21A lim en Kaun o ieiang irail o me toto posonlar wuki ong Kaun o.Select Acts 11:21

22Rong en mepukat ap peidong momodisou en Ierusalem. Ir ari poronelar Parnapas, pwen kokola lel Antiokien.Select Acts 11:22

23I lao pwarador o kilanger mak en Kot, ap peren kidar o panaui irail karos, ren kelail ni mongiong arail o podidi ong Kaun o.Select Acts 11:23

24Pwe i me ol kelail o mau amen, me dir en Ngen saraui o poson. A aramas toto me wuki ong Kaun o.Select Acts 11:24

25A ap kola Tarsus rapaki Paulus.Select Acts 11:25

26A lao diaradar i, ap ukedo i Antiokien. Ira ap mimi ren momodisou par eu o padapadaki ong me toto. A nan Antiokien tounpadak kan tapidar adaneki sapwilim en Kristus akan.Select Acts 11:26

27A ni ran pukat saukop akai ko dong Antiokien sang Ierusalem.Select Acts 11:27

28A amen irail, me ad a Akapus me u kokopki Ngen, me muei lek lapalap pan kipadi sappa; ari, a pwaidar ni muein Klaudius.Select Acts 11:28

29A irail inauki pena, me re pan kisakisa saulang kan, me mi Ierusalem duen ar kapwapwa amen amen.Select Acts 11:29

30Mepukat re wiadar; re kadar wong saunkoa kan Parnapas o Paulus me wala.Select Acts 11:30