16Acts 16

1PAULUS ari kotilang Derpe o Listra. A kilang tounpadak amen mi wasa o, me ad a Timoteus, nain li en Sus me poson amen, a sam a men Krik.Select Acts 16:1

2Nan i kalok mau sili ren saulang en Listra o Ikonien akan.Select Acts 16:2

3Paulus kotin men, i en waroki ong i. I ari uk i o sirkomsais i, pweki Sus oko, me mi wasa o, pwe irail asaer, me sam a men Krik amen.Select Acts 16:3

4A ni arail kotikot sili nan kanim akan, re padaki ong irail me ren kapwaiada kusoned oko, me wiauier ren wanporon o saunkoa kan nan Ierusalem.Select Acts 16:4

5Momodisou kan ari kelailada ni poson o re totolar ni ran karos.Select Acts 16:5

6A Ngen saraui kotin inapwiedi, me ren der padak duen masan nan Asien, re ap kakan sili Prikien o Kalatien.Select Acts 16:6

7Irail lao pwara dong Misien, re song daulul wei ong Pitinien, a Ngen en Iesus sota kotin mueid ong.Select Acts 16:7

8Irail lao daulul lar Misien, ap kodilang Troas.Select Acts 16:8

9A kasansal eu pwara dong Paulus ni pong: Ol en Masetonien amen me uda, poekipoeki i indada: Kom koti dong Masetonien, sauasa kit!Select Acts 16:9

10A lao udialer kasansal o, kit madang kolang Masetonien, pwe se asaer, me Kaun o kotin molipe kit, en kolan padaki ong irail rongamau.Select Acts 16:10

11Kit ari masel wei sang Troas o inen wong Samotrasien, a manda lel ong Neapolis,Select Acts 16:11

12O sang wasa o lel Pilipi, kanim lapalap ni apali en Masetonien, me kisan sap en men Rom. Kit ari mimieta nan kanim o ran akai.Select Acts 16:12

13Ni ran en sapat se koiei sang kanim o, kolang pon pilap pot, wasa re kin kapakap ia. Kit ari mondi o kawewe ong li akai, me kin pokopokon wasa o.Select Acts 16:13

14A li amen ad a Lidia, men saunet en likau waitata, men Tiatira amen, me kin kaudok ong Kot. Nan i me rongerong kit. A Kaun o kotin ritingada mongiong i, pwen apapwali meakan, me Paulus masanier.Select Acts 16:14

15I o a penainai lao paptaiselar, ap poeki re at indada: Ma komail kasau ia da, me i posonlar Kaun o, komail pan pedelong ong nan im ai o kotikot ia; i ari ngidingide kin kit.Select Acts 16:15

16Kadekadeo ni at kolan kapakap lidu amen, me kin wun ani, ap tu ong kit, me kin kare ong moni toto ren a saumas kan ki a wun ani.Select Acts 16:16

17I me idauen Paulus o kit weriwer indada: Aramas pukat me sapwilim en Kot lapalap ladu ko, me kin padaki ong komail duen al en maur.Select Acts 16:17

18A mepukat a wiadar ran toto. A Paulus kupurola kaualap ap kotin saupeila masani ong ngen o: Ni mar en Iesus Kristus me i indai ong uk, keredi sang i! I ap keredi sang ni auer ota.Select Acts 16:18

19A saumas akan lao diarada, me solar kaporopor en ar men wiaki moni, ap saikidi Paulus o Silas, wai ira long dong wasan net ren saumas akan.Select Acts 16:19

20O kalua ira wei ren saunkapung kan katitiki: Aramas pukat kisan men Sus kin kaokaoe atail kanim,Select Acts 16:20

21O padapadaki tiak me sota pung se en ale de wiada, pwe kitail men Rom.Select Acts 16:21

22Aramas karos ap uda por ong ira, o saunkapung ko dere sang ara likau kan o kapi, ren woki ira.Select Acts 16:22

23Irail wokiwoki ira pan pak toto, rap kase ira di nan imateng o kapiedi silepa o, en katengeteng ira di.Select Acts 16:23

24A lao aleer kusoned wet ap kase ira di ong nan warong, en imateng o saliedi aluwilu ’ra nin tuka kai.Select Acts 16:24

25A lao ni ailep en pong Paulus o Silas kapakap o melkaka ong Kot, o me salidi ko rongerong ira,Select Acts 16:25

26A sap o madang rerereda, kasukasuk en imateng mokidedar, wanim ko ap madang ritida o ar sal akan karos lapwadar.Select Acts 16:26

27A silepan imateng lao pirida sang a mair o kilang wanim ko ar ritidar, ap ngapekida a kodlas o, a pan kamela pein i, pwe a kiki ong, me salidi ko me pitila.Select Acts 16:27

28A Paulus kapitie laudeda masani: Kom der kame uk ala, pwe kit karos mia.Select Acts 16:28

29A ap idok lamp eu o tang rerer o dairukedi sang Paulus o Silas.Select Acts 16:29

30O wa ira wei sang indada: Maing ko, da me i en wiada, pwen kamaurela?Select Acts 16:30

31Ira ap masani: Poson Kaun Iesus, a koe o toun im om pan maurela.Select Acts 16:31

32Ira ari kawewe ong i o toun im a karos masan en Kaun o.Select Acts 16:32

33I ari uk ira ni auer ota ni pong o, widen ara pwal oko. I o na kan karos ap madang paptaiselar.Select Acts 16:33

34I ap kalua wong ira nan im a, ap kida mo ’ra kisin manga, o peren kidar a posonla Kot, i o iang a kan.Select Acts 16:34

35A lao ran pasang, saupeidi ko poronela papa ko indada: Lapwada aramas pukat!Select Acts 16:35

36Silepan imateng o ap kaireki Paulus masan pukat indada: Saupeidi ko me ilakido, koma en lapwada. Koma ari kotila popolSelect Acts 16:36

37A Paulus kotin masani ong irail: Irail sansal kadeike kit adar o woki kit men Rom, ap kase kit ale nan imateng, a met re men kadar kit ala so sansal. A so, irail en pein kodo, wa kit wei.Select Acts 16:37

38A papa ko kaireki saupeidi kan masan pukat. Irail ap masakadar ni ar rongadar, me ira men Rom.Select Acts 16:38

39Irail ari kodo, poeki re ’ra o wa ira la sang, o ngidingideki ira, en sapal wei sang nan kanim o.Select Acts 16:39

40Ira ari pedoido sang nan imateng o, ap kotila ren Lidia. Ira lao tu ong saulang kan, ap panaui irail o sipale wei.Select Acts 16:40