4Acts 4

1A NI ara padapadaki ong aramas akan, samero kan, o saumas en im en kaudok, o sadusär akai, ap pokon dong ira;Select Acts 4:1

2Pwe re makaraki ara kawewe ong aramas akan o ar padapadaki, me Iesus pan kotin kaiasada me melar akan.Select Acts 4:2

3Irail ap kol ira di o kila ira nan imateng lao manda, pwe a wasa pongier.Select Acts 4:3

4A me toto, me iang rongadar masan o, posonlar; ari, toto en ol akan impan limekid.Select Acts 4:4

5A mandan ran o saumas, o monsap, o saunkawewe kan pokon pene nan Ierusalem.Select Acts 4:5

6A samero lapalap Anas, o Kaipas, o Ioanes, o Aleksander, o karos, me kisan kainok en samero lapalap,Select Acts 4:6

7Irail pwiliki ira di nan pung arail, ap kainoma re ’ra: Ni kel en is, de ni mar en is, me komail wiaki met?Select Acts 4:7

8Petrus me dir en Ngen saraui ap masani ong irail: Maing ko, saumas en wei o monsap en Israel komail,Select Acts 4:8

9Ma se pan pakadeikada, o komail kainoma re at ran wet, pweki dok mau ong aramas somau men, o da me a kelaile kida,Select Acts 4:9

10Komail o aramas en Israel karos en mangi, me mar en Iesus Kristus men Nasaret, me komail kalopuelar, me Kot kotin kaiasadar sang ren me melar akan, nan i eta, me men et uki o kelail kidar.Select Acts 4:10

11I takai o, me lokidokila ren komail sause kan, me id wiala takai en pukakaim.Select Acts 4:11

12O sota amen, me maur mi re a, pwe pil sota eu mar pan lang, me pakadara dong aramas, me kitail pan maur kida.Select Acts 4:12

13A ni ar kilekilanger en Petrus i Ioanes ara pereperen o so masak, rap puriamui kila, pwe re asaer, me ira aramas mal me sota iang skul, o sota non audaud, rap asaer, me ira ianger Iesus.Select Acts 4:13

14A ni ar kilanger aramas o, me kelailadar, uda imp ara, rap sasalar lokaia.Select Acts 4:14

15Irail lao kadar ira sang nan kapung, re ap kapukapung pena indada:Select Acts 4:15

16Da me kitail en wiai ong aramas pukat, pwe toun Ierusalem asaer, me ira wiadar kilel sansal eu, a kitail sota kak kalikama.Select Acts 4:16

17A pwe ede lolok sili nan pung en aramas akan, kitail en padik inapwi ira di, me ira de padaki ong aramas amen ni mar wet.Select Acts 4:17

18Irail lao eker ira do re ap inapwiedi me ira der pan padaki de kawewe ni mar en Iesus.Select Acts 4:18

19A Petrus o Ioanes sapeng masani ong irail: Iaduen, me pung pan kupur en Kot, sen pwili sang komail mon Kot? Pein komail kasaui!Select Acts 4:19

20Pwe se so kak so katitiki, me se kilanger o rongadar.Select Acts 4:20

21Irail ap kainapwi ira di kalaudela, re ap kadar ira la, pwe sota me re diaradar, me ira en kamekameki, pweki aramas akan, pwe karos, kapinga Kot, duen me wiauier.Select Acts 4:21

22Pwe aramas o, me manaman en kakelada wiaui ong, daulier saunpar paeisok.Select Acts 4:22

23Ira lao lapwadar, ap kola ren iang ara ko, kaireki meakan, me samero lapalap o saumas akan katiti ong ira.Select Acts 4:23

24A irail lao rongadar, rap wiaki eu potoan ong Kot: Maing ir me Kot, me kotin kapikadar lang o sappa, o madau o audepa ’ra karos.Select Acts 4:24

25Ir me kotin masani ren Dawid, sapwilim ar ladu: Da me men liki kan lingarangaraki, o da me wei kan lamelameki me mal akan?Select Acts 4:25

26O nanmarki en sappa kan kangudier o saumas akan pokon pena, en palian Kaun o sapwilim a Kristus.Select Acts 4:26

27Pwe melel nan kanim wet irail karos pokon penaer, iet akan: Erodes, o Pontius Pilatus, iangaki men liki kan, o men Israel akan pwen palian sapwilim ar ladu saraui Iesus, me re kotin keiedier,Select Acts 4:27

28Pwen kapwaiada meakan, me lim ar o kupur ar kileledier, en wiaui.Select Acts 4:28

29Ari Maing, re kotin mangi arail lingarangar, kotiki ong sapwilim ar ladu kan, en kaloki ar masan ni peren.Select Acts 4:29

30O kotin kapa wei lim ar, pwen kakelada, o kilel, o manaman akan en wiauiki mar en sapwilim ar ladu saraui Iesus.Select Acts 4:30

31Ar kapakap apton nikier, wasa me re kot pena ia, ap mokimokid. Irail karos ap direkila Ngen saraui, ap padapadaki masan en Kot ni pereperen.Select Acts 4:31

32A mongiong o ngen en ir karos me posonlar, kin lamalam ta pot, o sota me indada duen ar kapwa: Ai met, pwe re aneki pena kapwa takis.Select Acts 4:32

33A wanporon akan me kelail ni arail kadede me Kaun Iesus kotin iasadar, a mak lapalap iang irail karos.Select Acts 4:33

34O solar amen irail, me so a tungol, pwe karos, me sap de im arail mia, ap netikilar o wado pwain en me netilar akan.Select Acts 4:34

35O pwilikidi ni aluwilu en wanporon akan, o nek ong amen amen duen ar samama.Select Acts 4:35

36A Ioses me wanporon akan ki ong mar a Parnapas, (iet wewe: Nain kapol), kadaudok en Lewi amen, men Sipern,Select Acts 4:36

37Me sap we mia, ap netikilar o wado pwain a, pwilikidi ni aluwilu en wanporon akan.Select Acts 4:37